هذه نوادر مختاره قيلت في الفنجال ( اتمنى ان تحوز استحسانكم )
قم سو فنجال بعض ماه مبيوت=غر السحاب منزَلـه مـن هللها
طبخة كريم طيب الهيل منعوت=واحمس على جمر قد اقفا شعلها
دقه بنجر وثولث النجر بالصوت=يجذب رجال ما نـدور بدلهـا
يامسوي الفنجال كثر ابهـاره=عده لابن عران واثنه لابو ذيب
وضويحي الجروي متيه ابكاره=وجديع يا ستر البني الرعابيب
فنجال بن خنتـه تقعـد الـراس=والزعفران مقطـع فيـه تقطيـع
انا يعدا لـي ولـو فيـه جـلاس=هراجة المجلـس قعـود مهانيـع
اللي لهم همز ولمـز ووسـواس=!!في ساقة الاجواد همز وتراتيع!!
قم سو فنجال على خمسة اجنـاس=احذر تجي حرقه وبالـك نياهـا
خلك لها عن كل عذروب حساس=قيس لها الطبخه على قـد ماهـا
حتى يجي فنجالها يجلي الاعماس=عقب الصلف والسهر مكبر غلاها
ياما حلا الفنجال في كل حزه=في مجلس ما سفرو له بقازي
واللي يسويها صبـي منـزه=شطر بها ماهو سواة الخنازي
ياصابين البن صبوا لناصر=صبو له الفنجال قبـل يـذاق
يركب على صفرا نظير نايفه=ويحلب له عند العتيم فـواق
قم سو فنجال ترا الراس منـداش=لعيون من قرنه على المتن مرجود
في دلة مربوبـة كنهـا الشـاش=وبهارها كف من الهيل والعـود
الهيل كثـر ولاتوانـا ولجـاش=والزعفران اقنع على شذرة العود
قم سو مايجمد على الصين ياذيـاب=بدلال وصـف للقطـاط المحاديـب
ونجر يصيـح وللمساييـر جـذاب=دنه على طـول الدهـر للمواجيـب
اليا ذلـق فنجالهـا كنـه خضـاب=ورسى صبغ بكفوف بيض الرعابيب
ياما حلا الفنجال مع سيحة البال=في مجلس مافيه نفـس ثقيلـه
هذا ولد عم وهـذا ولـد خـال=وهذا رفيق مـا لقينـا مثيلـه
والله لولا مـزة العظـم مرهـا=وفنجال بن عشرَ عفـر بهـاره
لا اخذت من زين الغلاوين جرها=تبعتها الفنجال يطفـي حـراره
من واهج بالصدر ياكود حرهـا=لا فار يضرب بالنواظر شراره
صبـه ومـده ياكريـم السبـالـي=يبعد اهمومي يوم اشمـه بالانفـاس
فنجال يغـدي مـا تصـور ببالـي=وروابع تضرب بها اخماس واسداس
ياسايق الفنجال عـده لمدوخـه=واثنه لابن صلال هو والجلاوي
وانا زبون الحرد ابو ضيف الله=لا كلّح الشارب عـن الشفـاوي
قم قرب اللي عنقهـا كنـه وزا=انا لها من ضيقة البـال منحـاز
فنجالهـا بيـن الشفايـا يمـزا=اشقر ومشروبه على الخمر يمتاز
مع دلة صفراعلى النار مركـاه=وابصر بصتها على شف روحي
فنجالها يشدي خضاب الخونـداه=الجادل اللي عند اهلها طموحـي
الله على مـزة سبيـل العراقـي=اصغر بجيك بلوذة التتن مفروك
وفنجال بـن ماهـواه الحراقـي=وصينية يركض بها العبد مبروك
صبه لمن يثني علـوم التلاقـي=لاصار عند قطيهن ضرب بيلوك
من اختيارات أميرة البدو اتمنى ان تعجبكم
الساهره
آخر المواضيع
أجمل الابيات التي قيلت في القهوة 
