من روائع لـ الشهيد / فايق عبدالجليل
( وهــــم )
وهم .. كل المواعيد وهم
تعب .. كل المواعيد تعب
باسم الحب
باسم الشوق
مأساتي معاك تزيد
وتم بعيد .. وتتم بعيد
وتم مثل الحزن .... انطر سحابة عيد
أجي ملهوف ..
ملهوف عطش .. تحت المطر ملهوف
وقتي يطوف .. ولوني ضايع ومخطوف
ويضيع الشارع بصمتي
وصمت الانتظار سيوف
وكل مامر .. وهم صوبي
أقول إنتي
أكذبت .. العيون والموعد وهم
ألم .. كل ساعة وكل لحظة ألم
وين عيوني .. حبتني .. ومنتني
وقالت لي ... نعم
تلاشت فرحتي
وتاهت خطوتي
وحلم كبير .. كبير .. في لحظة انهدم
وكل مامر .. وهم صوبي
أقول أنتي !!
( نســـاي )
نَسّاي ..
وأنتِ الهوا بالنسبة لي والماي
أسمع أنا صوتك
ولا تسمع نداي
أشهق أنا بأسمك
واشتاق لك ...وأنت معاي
نساي
أكتب على سمعي أغانيك
أكتب واغنيك
حيرتني
وأحترت أنا فيك
تزعل بلا أسباب ... واتعاند ...واراضيك
في كل حالاتك أبيك
في كل زلاتك أبيك
حبيبي إنت ؟
واللا العذاب إنت؟
واللا الفرح إنت ؟
مدري شسميك ؟!
نساي
تغيب .. والدنيا معاك اتغيب
تقطع خيوط الشمس عني
ويصبح العالم كئيب
واصبحت انا لوحدي
على ارضحك غريب
ماتكتفي في غربتي
ماتكتفي في حيرتي
ماتكتفي ماتكتفي
الله ..كم إنت عجيب
الصمت دايم لعبتك
رد ياحبيب
الصمت أحيانا رهيب
أشهق أنا بأسمك
وأشتاق لك ..وأنت معاي
نساي
( الناس في لحظة تخون )
طيب وصدقت الحكي
غـلطان غـرتني العـيون
ماادري انه الناس
في لحظة تحب
والناس في لحـظة تخـون
الناس آه ياالناس
حتى بالمحبة يكذبون
كنت اتصور حبي في عـيونك كبير
همزة وصل
تبدأ ولا تعـرف اخير
كنت اتصور كل شيء ممكن يصير
نشوف الكثير
نعاني الكثير
نفرح كثير
نروح .. نتفارق .. ايصير اللي يصير
الا الخيانة ماهقيت انها تصير
اجرح مشاعـر حبيتك
اكذب عـلي
اكذب وصدق كذبتك
الطيب انا عادتي
والظلم يمكن عادتك
مسامحك .. تقدر تروح
مسامحك .. ياللي تركت الذكرى في
نفسي جروح
ماادري انه الناس
في لحظة تحب
والناس في لحـظة تخـون
الناس آه ياالناس
حتى بالمحبة يكذبون
آخر المواضيع
روائع فايق عبدالجليل 
