يا الدبيبة يا ولد عمي يا خـي الدبـه=القصيدة هاجرية واللحـن قضعانـي
يابحور الشعر يا اجمل ما تظم الغبـه=يازفير الموج ياللولـو ويالمرجانـي
جعلكم بعد السفيه اللى دعـم فالشبـه=يتبع جموس البدو فالسايـد المثنانـي
و الله اني ما أكرهه لكن ماني بأحبـه=كرهني يا كرهني للعالـم الفقرانـي
من تعشى الحبحبه .يجمع بقايا حبـه=خاف يزرعها الفقير ويكبر البستانـي
والسلام ختام والباشـا يـدق الصبـه=أنتهى الموجز و أحولكم على كراني
مانع ابن شلحاط
راس ابن شلحاط بين والهبـوب تهبـه=حتى لـو أرسالتـه مخفيـة العنوانـي
فرمضان يصوم ويصلي ويطلب ربـه=والشهور الباقية بسـم الله الرحمانـي
يستدير وينفخ الجمـر الحمـر ويشبـه=ويعتزي ويقول يانـاري ويـا دخانـي
قلت وش بك قال انا مجنون وانت السبه=انت ويا صاحبك ضيدان بن قضعانـي
تمدحـون المنتهـي وتلبسونـه جـبـه=لين قـام يزاحـم الفرسـان فالميدانـي
ما درى أنه وكري لو حط فوق الشبـه=يرفع الجنحان ولا يرخـى الجنحانـي
الشعر مهوب لعبة مـن بغـى يلعببـه=عالم ما تفرق الاصلـي مـن التيوانـي
أكتشفت أفكار أبن شلحاط حبه حبـه=يعتبر نفسـه خليفـة هتلـر الالمانـي
سلطان الهاجري
راكب اللى ماش له ماما ولا لـه ببـه=أخترع شكله امريكي وصنعـه يابانـي
جيب شاصي فالعتش والصلب كن مطبه=طمرة الزيدي ليا غنـا لـه الجيلانـي
نصـه اللـى فالحنايـا ماتغيـر حبـه=شايب و نقدره مـن عادنـا بزراني
هو أستاذي بالقصيد وفي عموق الغبـه=في زمان العولمة والشاعـر العلمانـي
برفسور الشعـر واللـى سـواه نكبـه=لو الابرص خاشره في شاعر العجماني
قل لأبن شلحاط ابو الطيب هجا طرطبه=وذبحه فاتك وهو من خيرة الفرسانـي
و انت عود نص بطنه واصـلٍ لركبـه=لا تشقوى بالهوى وتحـرش الضبانـي
والهواجر شيخهم لا أبطيت منـه نبـه=والشحم فالك وفال الشاعر العرجانـي
والسلام ختامهـا و لكـل شـي سبـه=وانت سبة ضيقة الخاطر وصح لسانـي
ضيدان بن قضعان
آخر المواضيع
مانع ابن شلحاط وضيدان بن قضعان وسلطان الهاجري 
