السلام عليكم ورحمة الله وبركاتة
اخواني واخواتي الاعضاء اضع بين ايديكم اول مصافحة لي في منتدى البدو
وهي عبارة عن مشاركة متواضعة امل منها ان تحوز على رضاكم وتنال اعجابكم
لا اريد ان اسهب في المقدمة واليكم القصيدة:
............... الضيقة .................
الضيقه اللي يلوف القلب لايفها =يا الله عساها سحابه صيف وتزلي
تمر في خافقي والقلب عايفها=تسرح على مهجتي وتسوح وتفلي
اسج من ضيقتي والرجل مكلفها=يمكن عساها مع السجات تنجلي
مير البلا مالها وقت وانا اعرفها=دايم تجيني وتلازمني مثل ظلي
في كل وقتِ تصادفني واصادفها=.تقول من حرصها تقعد تفطن لي
وملت عيوني دموعٍ صرت ذارفها=وش حيلتي في عيونٍ دمها هلي
كله سبب من جرح روحي ومتلفها=الصاحب الي عليه صــار متغلي
يابعد روحي وناسي مع طوايفها= يا نــور عيني يا خـــل ٍ تلني تلي
البـعد جـدد جروحٍ كنت نازفــها=الجرح دامي وعندك حله و حلي
عالج جروحي بوصلك وإرجع اسعفها=ما فيه داعي يطول البعد يا خلي
عجل ترى موتتي حلت مشارفها=مليت عذرك ومنك القلب ما ملي
أنثر حروفي على شانك و أصففها=وأعلمك في عنادك ويش يحصلي
والضيقه اللي يلوف القلب لايفها=إن طال بعدك تراهل دوم تفطن لي
........... وسلامتكم ..........
آخر المواضيع
قصيدتي 
