مجالس قبيلة العجمان تجري لقاء مع شاعر البدو (البركان الثائر)

يـا الله المعبـود غـفـار الـذنـوب=يـا ألـه الكـون مـا غيـرك ألــه
خالـق الأنسـان عــلام الغـيـوب=عالـم (ن)عـن مبتـداه ومنتـهـاه
عالم(ن)مأخفـت صناديـق القـلـوب=توبتـي للقلـب هـي غايـة أمـنـاه
كل ليل أذنب وأقـول الصبـح أتـوب=عبـدك المسكيـن يـا مكثـر خطـاه
العمـر لـو طـال تاليـه النـصـوب=في ظـلام القبـر مـن فوقـه ثـراه
القبـر بـرزخ ولا عـنـه هــروب=والحيـاه الأخــره هــي الحـيـاه
كل شي(ن)فـي كتاب(ن)وأمحسـوب=في كتاب(ن)مـا تـرك شـي(ن) وراه
الحساني صـوب والسئـات صـوب=يـوم عـدلات الموازيـن القـضـاه
أختبار(ن) بـه نجـاح وبـه رسـوب=كـل ذرة خيـر مـع شـر(ن)يـراه
الصـدوق أيبيـن وأيبيـن الكـذوب=كـل واحـد لازم (ن)ياخـذ جــزاه
أحد وسط النـار وأصياحـه طنـوب=وأحـد بالجنـة يذعـذع لـه هـواه
وسط قصر(ن) من ذهب ما هوب طوب=ثـم يخلـد بعدهـا مـامـن وفــاه
أيتمنـي الطاغيـه جسمـه يــذوب=بالتـراب ولا يجـي ضمـن الطغـاه
في جهنـم جثتـه تسحـب سحـوب=يشـرب الزقـوم وأيقـطـع شــواه
نستعيـذ الله ليـا شـبـت شـبـوب=مـن لهيـب النـار نطلبـه النـجـاه
ومثل حد السيف وأخطـوف وكلـوب=الصـراط وكـل خـلـق الله تـطـاه
يا ال بن أدم لا تضيق بـك الـدروب=أنص رب(ن)رابح (ن)من هو نصـاه
الحظيظ اللـي مـع النـاس أمحبـوب=واصـل(ن) فـي والدينـه وأقـربـاه
والمجاهـد لـو تـوفـي فالـحـروب=فـي سبيـل الله ويفـرح فـي لقـاه
ومن قدر للحـج واجـب وأمحسـوب=كلمـة التوحـيـد للعـبـد أتحـمـاه
والتجـاره مـن حـلال الله كسـوب=كـل مـال(ن)دار حولـه بـه زكـاه
وأعلم(ن)باب الرباء سبعـون حـوب=خاسر(ن)مـن بـاع بـه وألا شـراه
الربـاء يحـت مـا وسـط الجيـوب=راس مـال الأدمـي صـوم وصـلاه
والكبائـر مـن كبـيـرات الـذنـوب=والمنافـق لأدبـر المسـلـم قـفـاه
اللسـان أحصـان لا ياتـي هــذوب=فالمجالـس بيـن شـلات الـوشـاه
وأنتبه لبسـك يجـي تحـت الكعـوب=أسفلـه فالنـار وأحـفـظ للـوصـاه
لا تصلـي عجـل تنهبهـا نـهـوب=يحفظ أركـان الصـلاة اللـي خشـاه
كيـف تنعـم بالطعـام وبالـشـروب=والقريـن السـؤ تومـي لـك يـداه
تحسـب الدنيـاء ملـذات وطــروب=أجتنـب خـوة هـل السـؤ العصـاه
ولا تهدر الوقت في ضحـك ولعـوب=كـل مسلـم ينصـح أبنـاه ونـسـاه
وقتنا الحاضـر طلـع فيـه العجـوب=أحـذر الـدش الفضائـي والقـنـاه
فتح أعيونك تـري منـت أمعصـوب=أذكـر الله لا تقـرب مــن حـمـاه
يغفـر السيئـات حـلال الصـعـوب=الكريـم ولا خسـر مـن هـو دعـاه
يسمـع الداعـي وفـراج الـكـروب=فـارج الكربـات مـا عنـه غـنـاه
وحكمنا بالشرع والسيـف القصـوب=كـل واحـد بالقضـاء ياخـذ قضـاه
ومن عفـي لله ولا هـوب أمغصـوب=يرتجـي مـن لا يخيـب مـن رجـاه
متبـع سنـة محـمـد والـوجـوب=صـادق النيـة ويكـرم مـن لـفـاه
فالأراضـي الواسـعـة لله يـجـوب=داعيـه للخيـر وأيــدور رضــاه
جعل وجهه عن سناء النار أمحجـوب=مـن خـشـع لله هيـبـه وأتـقـاه
الله الـغـلاب مـاهـوب أمغـلـوب=فوق مكـر الماكريـن أمـن الدهـاه
ولين يوم الدين وأبليـس أمغضـوب=يسرج أخيولـه صباحـه مـع مسـاه
في عروق الـدم يمشـي بـه دبـوب=نستـعـيـذ الله وسـاويـسـه وأذاه
ومن بطن حواء وأبونـا أدم شعـوب=والله الخـلاق عرشـه فـي سـمـاه
الله أكبـر والبشـر كـلـه عـيـوب=خالـق المخلـوق مـا شي(ن)خفـاه
يوم شفـت القيـل يجذبنـي جـذوب=الشعـر مثـل البحـر صعب(ن)مـداه
المثايـل قلتـهـا قـبـل الـغـروب=من نهر دجلـة ومـن نهـر الفـراه
القـراح الصافـي الحلـو الـعـذوب=يـروي الضميـان وأيـروح ضمـاه
لاح برق الوسـم بأخشـوم النصـوب=ساقـه الغربـي وهـل الغيـث مـاه
غيث وبله مـع تصاريـف الهبـوب=كل روض(ن)من فضـل ربـي مـلاه
لين غاب الجـدي وأسهيـل الجنـوب=ليل(ن)أظلـم تايـه مـن هـو سـراه
يا عسي قافـي عـن الخافـي ينـوب=مثل بدر(ن)بالدجـاء يوضـي ضيـاه
عد هتـان السحـاب اللـي صبـوب=للرسـول أزكـي التحيـة والـصـلاه

وبسم الله الرحمـن عـلام الأسـرار=يصلي له المسلـم خشوع(ن)وطاعـه
حمي المصطفي مع صاحبه داخل الغار=وبيّن لـه النصـر المبيـن بنزاعـه
نشر دعوة الأسلام في كـل الأقطـار=وطاعـت قبايلهـا ثقيـف وخزاعـه
هو الخالق الرازق هو النافع الضـار=عسي الله يهدينـي طريـق القناعـه
ومن بعد ذكر الله نبي جزل الأشعـار=وهزل القوافـي مـا عليهـا طماعـه
لا شفت الثمينه حيل أجازف بالأسعار=وأنا أفهم بسوق البيع نوع البضاعـه
علي الهون أجيب البيت شاعر وبيطار=وهجسي وهاجوسي هجومـه دفاعـه
وتشرب محيط الشعر وعيون وأنهـار=وعندي علي ضعف المعانـي مناعـه
أنـا للمثايـل كنـي الوالـد الـبـار=ولانـي معودّهـا علـي الأنهزاعـه
بسجل لكم تاريـخ وأفعـال الأخيـار=بتصوير فكري عبر سلـك الأذاعـه
علي شان تبقي للزّمن تـاج وشعـار=الأمـوال تفنـي والعمـر الزراعـه
قصيده بربعي يـا الأجاويـد تذكـار=وقول(ن)علي فعل(ن)ينومس سماعـه
تشوّش فعايلهم علـي قـب الأمهـار=زمان المغـازي والجهـل والمجاعـه
رجال(ن) علي الشده يحكمون الأشوار=وكـم مهرة(ن)قبـا خذوهـا قلاعـه
سفارين للعانـي وللضيـف والجـار=سفاريـن وأدناهـم يكـف الجماعـه
سفارين مثل الموت قصاف الأعمـار=هل الجود والمعروف وأهل الشجاعـه
ولدهم يهز طويق مع ضلـع سنجـار=قبل ياصل العشرين حفـظ الوداعـه
تعلّم من الأخيـار الأحـرار وأختـار=جميع العلـوم الغانمـه كـل ساعـه
تعوّد وهو تـوّه علـي شبـة النـار=وبنّي البيوت المنوّره فـي الرفاعـه
تربّي علي عـزّة طويليـن الأشبـار=وذيب الغداري مكسبـه مـن ذراعـه

الله لحـكـام الجـزيـره يـمـهّـل=أل سعـود ملوكنـا طـول الأزمــان
ويـا كاتـب التاريـخ دوّن وسـجّـل=للحكـم حكاّمـه وللكـتـب عـنـوان
لا اللي في علم الغيب في بطون حمّـل=ولا اللي ولدّن ما طلع مثـل سلمـان
حاله ومالـه فـي رضـاء الله سبّـل=تقصر قـدم يمنـاه جـزلات الايمـان
جمعـيـة الأيـتـام فيـهـا تكـفّـل=وتدعم كبار السن (جمعيـة أنسـان)
يمسـح علـي راس اليتيـم ويقبّـل=لا شان وجه الوقت للناس مـا شـان
والبـر سجّـل فيـه قصّـر ورمّــل=يلقي جزاها يـوم روغـات الأذهـان
كـم ليلة(ن)فيهـا بنفسـه تـجـوّل=فاروق هـذا الجيـل للعـدل ميـزان
ولا قيـل مـرّه مـن وفـوده تملّـل=في القصر في المجلس وفي كل ديوان
كم مشكلـه فـي حلّهـا قـد توصّـل=جزاه منّـا الخيـر كلّـه والأحسـان
هـداج لــو زادت وروده تحـمّـل=كم ضـام(ن)ورده وصـدره رويـان
وكم شاعر(ن) لأجـل سمـوه تمثّـل=نوادر(ن)في الوصف لولـو ومرجـان
والله لعمـرك يـا ذرانــا يـطـوّل=غيث(ن)هماليله علـي كـل الأوطـان
ونجـد العذيّـه فـي سمـوّك تغـزّل=يا سيف عبـدالله ويـا درع سلطـان
تجود مـن مالـك وكـم لـك تفضّـل=يا أبو اليتاما يـا ذري كـل حيـران
لا قمـت كـل الشّعـب كبّـر وهلّـل=رمز الأمم يا أمير في حقوق الأنسـان
وكفّك علي شعـب الجزيـره تجمّـل=تروي ظما الظامي وتقرئ الجويعـان
وكم واحد(ن) في مجلسك مـا تعطّـل=حكّمـت شـرع الله والحـق سلطـان
ومن شاف له مخطي سنع مـا يهمّـل=أقولهـا للنـاس فـي سـر وعـلان
صبرت طول الوقـت والصبّـر كمّـل=والصبر زين وشين في بعض الاحيان
واليـوم راس الكفـر حـرم وحـلّـل=ولا عاشت الحيّه بـلا نـاب ولسـان
قنـاة راس غليـس فيهـا المـهـوّل=اللي بها غـادي ومخطـي وفسقـان
مثـل فقيـه اللـي عليـنـا تـقـوّل=سفيه في عقله ميـة ألـف شيطـان
اللـي مـع الأرهـاب صفّـق وطبّـل=خاين وحصّل دار في الغرب وأعـوان
مـن ملّـة الأسـلام قلبـه تـحـوّل=ماله يا كود الحـد بالسيـف شامـان
وكم جاهل(ن) أغـوي بفكـره وظلّـل=خاسر علي الدنياء وفي الحشر خسران
وفكـره ونهجـه بيننـا مـا تسـلّـل=حنّا جنود الله علـي العهـد عجمـان
وعقـول عبتّهـا نفـوس المسـلّـل=يلقي بها الشيطان مسكن مـع الجـان
وحنّـا هـل التوحيـد ضـد المهبّـل=علـي عهدّنـا مـا نقضّنـا للأيمـان
ومنّـا طوابيـر الحـرايـب تشـكّـل=في خلف أبو تركي وقـدّام الأخـوان
ورزقنـي علـي رب المخاليـق الأوّل=بيده عصي موسـي وخاتـم سليمـان
وعد السحاب اللي علي الكـون همّـل=صلوا علي المعصـوم مـا هـل ودّان
خير البشـر و أختـاره الله وفضّـل=صفوة قريش الهاشمي نسـل عدنـان