مدري معك يازين وشلون ابحتـال
ملّيت من كثـر الرّجـا والتمنـي
تبعد ولا يبعد خيالـك عـن البـال
تقرب ولا تقرب مشاعـرك منّـي
مرّات قدامي ينفتح بـاب الآمـال
ومرّات ياسي منك يرجـح بظنـي
لا جازم انك ناوي القرب ووصـال
ولاجازم انّك نـاوي البعـد عنّـي
ساعات احسّ بهرجتك طيّب الفـال
وساعات فيها احساس ياس وتجنّي
نمسي بحال ويصبح الصّبح في حال
في ماقـفٍ بيـن الهنـا والتعنّـي
خلّيتني محتـار بامـرك ومهتـال
مدري وش اللّي في ضميرك نكنّي
فكّر وقرّر واحسم الامـر بالحـال
تكفينـي الحيـره ليـالٍ مضنّـي
لشاعر
\ ســـــاجي الحربي
آخر المواضيع
تقرب ولا تقرب مشاعـرك منّـي 
