السلامـ عليكمـ ..
اشحالكمـ عساكمـ بخير .. وشو العلومـ^_^
!*! .. فلسفة العيايز .. !*!
1) الحريم و مرض السكر
تقول الوالده الحريم ما ياهن السكري و الضغط إلا من قل الحركه و اليلسه و الهيازه و البشاكير
2)الجن و المس
لول الدنيا فضا و الفرجان متباعده و كل فريج فيه كمن خيمه ينعدن عالصبوع.. والجن سكون في الخلا لكن من يانا الخير زادو الأوادم و زادت البيوت وعدو على بقع الجن..عاد الجن ما حصلو بقعه يسكنونها قامو و سكنو في الأوادم
3)رغوة الحمام
دخل اخويه الصغير الله يعزكم الحمام و ترس البانيو ماء و رغوه.. يوم دخلت يدتيه الحمام و شافت الرغوه
قالت يالله بالستر بلاه مايكم وارم
4)البر و الموتر
يوم سرت ويا يدتيه العزبه يوم كنت صغيره غرز الموتر و الهندي ما عرف شو يسوي نزلت أطالع السالفه.. جان أقول ليدتيه إنزلي شوفي الموتر .. لقيتها يالسه في السيت الجدامي و تدز التابلون بريولها قلتلها شو تسوين؟ قالت: أدز الموتر عشان يظهر ..
5) الفتين و الهزاب
تقول يدتيه لا تفتنون على الأوادم و إتهزبونهم لأن رب العالمين قال: الفتنه أشد من القتل
6)التقويم
اخوويه مركب تقويم وطاحت حبه منه جان يسير ويقول حق يدته يدوه جوفي طاحت حبه
جان اتقوول يعلني فداك ماعليه بتكبر وبتنساه ولا برووحه بينقض لاتحاتي انته خخخخخ
والله يحفظهن والبيت بدونهم ما يسوى
>> وما اتخيلـ حيااتيـ منـ دونهمـ ..
والسموحهـ ..
آخر المواضيع
!*! .. فلسفة العيايز .. !*! 
