أشًـرت للشاصـي علـشـان راعـيـه= فقـدت لـي خلفـة تحتـهـا ولـدهـا
وأثـر عليـه اللـي تـزيـن مماشـيـه = تبـرم دركسونـه وتمـشـي وحـدهـا
سلام.. كيـف الحـال.. قالـت يالبيـه = قلـت آه وااا لبيههـا الـلـي قـردهـا
نفـس ن يتلتلهـا الـغـرام لمضامـيـه = ومـن العنـا ومـن الشقـاوه جهـدهـا
قالـت ليـه وقلـت ماعـاد بـه لـيـه = لاوالله الا راح قـلـبــي بـيـدهــا
سرحـت مالـي بالمغـازل مشـاريـه = أنـا بـدوي وأغلـى نيـاقـه فقـدهـا
ويـوم اعترضتـي قدمـه بهالمهامـيـه = حاجـة وجدهـا وحاجـة ن ماوجدهـا
لقى العوض فـي حـزة غيـاب غاليـه = هنـوف بـدو ن ربهـا اللـي فـردهـا
رغم انهـا بوسـط النفـود وصحاريـه = نعًوووومـة ن لا قبلـهـا ولا بعـدهـا
البـر يعجـب مـن يتـوق لجـوازيـه = لوشافهـا راع الظبـا قــال صـدهـا
مثـل الظبـي ولوخاوتـه فـي مفاليـه= اذا مـاذيـرهـا مـهــو منتـقـدهـا
زيـن ن ورا البرقـع شقيـت بمواريـه = والعالـم الله ...يعنـي الخافـي ادهــى
بالحـب قلبـي مـن قبـل لا تلاقـيـه= صفًى الحقـوق وكـل عهـده جردهـا
حاجز على اقلاعه من ارض الهوى اوكيه= وصاحت على الكابتـن وقالـت اعدهـا
علـى محطـات ن بـهـا أدل وأتـيـه = والناس يضحك مـن عرجهـا حردهـا
ماعـدت الـوم اللـي تحسـس مخابيـه = مـادام فـي رقمـه حـراوي وعـدهـا
فلـي جديـل الوصـل يابنـت فلـيـه = على متـون ن ضامهـا اللـي صعدهـا
وأرخي ثعول ن مدهـر الجـاش تحييـه= ترحمـه غيـث وتحرمـه مـن بردهـا
يوم اجلس بمجلس وفكـري ماهـو فيـه = عينـي علـى المنشـأ تمـارس نكدهـا
واليا طرت بالبـال لبيـه قلـت اييييـه = راحـت وراحـت خلفتـي مـع ولدهـا
واليـا اقبلـت علـى خفوقـي طواريـه =عـوب ن تداحـم ماضبطنـا عـددهـا
اقول في صوت ن عن النـاس مخفيـه= قدها << يابومتعب إلـى (هنـاك) قدهـا
وان ماعقلهـا الله (بـذاك) وحـراويـه = لا والله الا صـدق (رحـنـا بيـدهـا)
لشاعر
أحــمــد بن نــاحــل
آخر المواضيع
راعــيــة الــشـــاص 
