بسم الله الرحمن الرحيم
قصيده تعبر عن نفســـــــها
اتمنى أن تنال اعجابكم ورضـــــــاكم
يا خوي دنياك ما تترك مشاكلها = في كل ساعه تزيد ولا لها داعي
إن جيت أعلل بلاويها وأحللها = تشتت والهموم اشكال وانواعي
إليا تفكرت فيها قلت ما اهبلهــا = وإليا تفكرت فينا زادت اوجاعي
لو جيت احاول مع الميلات اعدلها = تصير مثل الهبوب وتخلف اشراعي
ما اخبلك يا اللي مع دنياك تجهلها = الصبح غير المساء والوقت مرياعي
لو استقرت ثلاث ايام با كملها = تقلب كما الذيب في ليله ليا جاعي
تعال خل المشاكل لا تخايلها= وتصير مثل الجبل خطرٍ على الراعي
إن كان لي زلةٍ فا القلب شايلها = عز الله إن الفراق اقرب من اذراعي
لا لا تشيل المشاكل واتحايلها = أحيان تجلب من الأغراب فزاعي
النفس للشر تمشي في حبايلها= لا قادها ابليس نزعها تنزاعي
العين بعض العرب لا جاء يكحلها = سبب لها بالعمى وابليس بتاعي
أبواب كل المشاكل قوم قفلها = خل الزعل ما يفيد الراشد الواعي
ادمح لي الزلة اللي كنت فاعلها = وانا بعد بأدفن الزلات بالقاعي
تعال صف القلوب ولا تزعلها = عطني يمينك وعهد الحب ما ضاعي
النفس تحتاج عزم وبأس يصقلها = يا خوك لا ترتخي وتصير سماعي
لا ترخي اذنك عن الزلات عطلها = اعرض عن النمه اللي سوقها ذاعي
واحذر من الوسوسه نفسك تشكلها = والظن سوءٍ على من كان تباعي
هاذي رساله وفكر في معاقلها = واحذر من اللي مع الشيطان منصاعي
الناس يا خوك يا مكثر مشاكلها = بعض المشاكل فراق ولا لها داعي
بقــــلم
خليل المطيري ( حسام الشعر )
5/6/2007م
آخر المواضيع
يا خوي دنياك ما تترك مشاكلها 
