الشاعر/النباغة سعود الحارثي
سرى ليل القصيد وشب قافه والخيال أشتب=على جمر المعاني شبت حروفي شبايبها
ياقافي بهر دلال القصايد بالجزيل وصب=وسقها في فناجيال الوفا ليمين شاربها
شبيب القاف والميقاف وإن صاح الرفيق ونب=يسوق الروح لو تروح مايحسب حسايبها
شبيب اللي على سلم أهل الأمداح كبر وشب=سلامي للرجال اللي تشب بسلم شايبها
شبابي من شبابه ياشبابه والحرم له رب=وأنا منهم وفيهم والحجج بيدين كاتبها
شبيب الشعر يفخربك ياشاعر ياعلم ياذرب=ليا غبت أنت عن جو القصايد فأنت غايبها
وأنا وإن غبت عنكم يالبناخي والله أنه غصب=خذتني رحلة الأيام وأقفت بي ركايبها
أقول الوقت بكره يستوى ولوقت ماله طب=أحسب فالثواني يامعين اللي يحسبها !!
ليا ضيعت لحظة سانحة تثر على واغضب=وتعاتبني عقارب ساعتي واشره وأعاتبها
خصوصا لاذكرت الخيمة اللي بالوفا والحب=ملكني حب شاعرها ومشرفها وصاحبها
سعود يعود لو طال السفر يامسندي والدرب=تدرهم بي ذلول الشعر والهاجوس واشعبها
شبيب العتيبي
هلا مليون فالمليون على المليون هلا ورحب=هلا عد الشجر رش المطر مزنة سحايبها
..هلا بالقاف يوم انشاف من شاعر كتب وعجب=على جمر المعاني شبها والعود طايبها
سعود الجود يمنى الطيب لاهبت كرمها هب=يوردها على عد الرواى وصفا مشاربها
.سلالة شيخ من لابة عطاه الله ثم انجب=سعود النابغة فخر الشبابة من مناسبها
ابا انقا واتخير من جزال القول انا وكب= وابااجمعها بباقة ورد وافخر ورد وعذبها
هلا يامرحبا ياسعود يمنى الطيب ماتعطب=يمين تستقر المرجلة فيها وتكسبها
على شرواك ننشد ياسعود ايضا بعد نعتب=لإنا ماعلمنا عن غيابك وش سبايها
على عد الرهى يالنابغة عد الرهى ماجدب=تسطرها ملاحم في ملاحم يوم تكتبها
وعلى طلة حضورك ياسعود اليوم ويش اكتب=تزاحم في ضميري من غلا شخصك وجاذبها
ظروف الوقت ماتقضي احد يمشي وحد يشعب=وعلى سلم الوفا والطيب جت بيدي مقاظبها
آخر المواضيع
شبيب القاف والميقاف 
