الى اهل القوافِ والكَلِمْ البديع-شعراء البدو-دعوة الى عتاب مع صديق
عتاب مع صديق
ليشْ المعاتَبْ كَلِفْ=جرحي وِلَكْ ملجُومْ
امكابَرْ حِمَلْتِ الجَرِح=والمِثلِيْ صَعْبِ يْقُومْ
مِنْ شِفِتْ عينَكْ تِهِلْ=وقْفَتْلِيْ بالزّرْدُومْ
كل منيتي تنسِعِدْ=وادعِيْلكْ ابْكِلْ يُومْ
داويتَك ابْمُهجتيْ=داويتني ابْزَقّومْ
ليلي قمر ماخسف=ليلك يخر انجوم
أهديلك أحلى ورد=تهديلي حبّة ثوم
جا ويْنَةْ ذاكِ الحَكيْ=تهديليْ سَبْعِ انْجُوم
بِهلالْ ماجاوَبِتْ=تتعَذرإمْنِ الحَوم
ليشْ إنتَ مالَكْ وِفَهْ=تلعب لعب مذموم
بيدك جِبتْ عاذلي=فوق القلبْ جَيْثُوم
عبروا اشطوط الغدِر= وانتَ تغِطْ بالنّوم
ماشِفِتْ غَيْرِ الهَجِرْ=والنّكَدْ فُوقِ اللّوم
مَقْدَرْ أداري الوقِتْ=مااقدرْ اشيلْ اهموم
شَلّيتْ وتقّطّعَنْ=مافادْها التَرْهُوم
غيره ونذاله ودهر=وتلملمن لملوم
آنِيْ جِبَلْ وانهِدَمْ=من قمت قمت ابزوم
طيّرِتْ طيرِ السّعَدْ=فرحانْ عِنْدَكْ بُومْ
ياآهل الشعر ياربعْ=بالمنتدى الموسوم
لآهل البدو المنتدى=والنعمْ..نعم القُومْ
ياعيضه وينك يُبَهْ=وانتَ بالقافِ اتزومْ
وينْ الشريف الأبيْ=وينْ الوكيل اليومْ
ياضاري يالندني=ناصر مبارك دوم
وينَكْ حُسامِ الشّعِرْ=والجَرِحْ غايِرْ.. عُومْ
فرحان(هات القلم)=فدعاني عِنْدَه اعلومْ
بركانْ مِنْ ثورتكْ=عندك الحَلّ ايْحُومْ
(ياروح روحي) السّويدي=إبغَيبِتَهْ مهموم
ياظميا قولج رمح=والدّرُبْ كلّهْ هموم
وينج جنون الشعر=طيش الصبا مذموم
والغَيْم منّكْ يِجيْ=مهيلانْ كلّكْ زَومْ
برّاقْ مثلِ البَرِقْ=يعتيبي امشي وهُوم
حيّاكْ راعي الإبلْ=بالبلوه جاري ايعوم
ياالعجمي وينك بدر=جرحك نزف محموم
جبَيْلٍ طلال الرمق=لآخِرْ ضلِعْ محطوم
ياالكايد إنتَ الدَوا=حَرْفَكْ يدِرّ اغيوم
ماقَصّرَتْ غَيْمِتيْ=أرضَهْ تِريْدِ اعلُومْ
قولولي وش محنتي=والقلبْ لَيْهْ مَكْلُومْ
ابو حيدر البوهات الطائي
السبت 27-10-2007
الحبيب الأول
آخر المواضيع
دعوة شعراء البدو الى - عتاب مع صديق - 
