دلوعه البنيه !

بين سهر الليالي و طعون الآخ و غدر الأوف=يضيق صدري و ابشري يا معاليقي بمليون كيه
غير عسرات السنين شفت من الرفاق سيوف=و عرفت أن الحزن أنواع و أشكاله أنانيه
و عرفت ليه البحر غامض و ليه القرب يزيده خوف=و لعنت الساعه اللي بتحقق أحلامي على النيه
عجزت أشرح معاناتي و تاهت في شفاي حروف=و كل ما جيت أبي أبدي تشوش قلبي بلاويه
حزين و دنيتي غربه و لو عايش ما بين ألوف=و لا به من سمع وني ولا واحد من المنيه
يصبن الدموع أنهار و ما غير الوساده كفوف=و ما غير الدمى أحضان و قالوا دلوعه البنيه
ما هد حيلي في هالزمن كثر كلمة تقال ظروف=أبي عاقل يجاوبني هل ظروف الآدمي تقلل من الآدميه
و ليه دفن الأمل أصبح حسب رغبه و أمر مألوف=و ليه بتندفن قبله إذا فكر يشع ضيه
و إذا غاب النظر عن العين وش هي فايدة الشوف=أتحدى عقل أو قلب يجي بإجابه وفيه
تولعت ببدر كامل أقل ما فيه رمش معكوف=أصابوا حبنا بإعدام و دعوا له يلقى بالجنه حوريه
ما أبي أشرح القصة لإن دمع العيون صفوف=بس اللي أبيه يوصل لا سامحهم الله ولا ملة نبيه
لإنهم مو بشر بإحساس لإنهم أقسى من حجر و رفوف=لإنهم نقطة سودا في بحر الإنسانيه
تبي شويه أفسر لك و تبي أكثر أزيد وصوف=أنا و خلي جمعنا حب و عشنا أحلام ورديه
عشاق و النظره تكفينا و نتلاقى لقا الطيوف=أحبه زود عن روحي و يحبني أكثر شويه
كامل و الكامل الله و يبغوني غصب أعوف=تدرون السبب وش هو وضعه و ظروفه الماديه
هذا جرحي الخالد و بداية حظي المكفوف=و هذا مسبب أحزاني و مطويني ذي الطيه
عرفت ليه البحر يغدر و ليه البدر صابه خسوف=لإن الناس كذابه و طينتهم هيه هيه