كل عام و أنت يالغالي بخير

حظ من هو ليله يالغلا ليلك=و يا سعد يد ٍ لامست خد ورد و حرير
يا ليتني لا اشتقت لك أقدر أجيلك=و يا ليت ربي خلقني بجناحين و أطير
هاك قلبي تلقاه عندك دخيلك=حبه و ضمه و عيش به حلم ٍ كبير
و أعطف على روحي إن جت تشتكيلك=من ضنا بعدك عايشت جمر ٍ سعير
تفداك عيني و لا تدري كلني لك=أنت لعيوني الضيا لا شك بغيابك ضرير
حلفت ما يروي الضما غير أعذب سلسبيلك=أنت لأحشائي الهوا أنت الأول و يا أخير
جيتك و أنا فاقد غلا مبتديك و أنتهيلك=شفت كيف الأم ضمت لصدرها طفل ٍ صغير
بأغفى على صدرك أنا و أبيك تضمني لك=و أبي أسمع كيف قلبك دقاته بقربي تصير
ما عشت قربك هنا ليه يعذبني رحيلك=ما ذقت حلوك منيتي منك أذوق المرير
أقضيه يومي بالصبر ما غير أدعي و أرتجي لك=و الليل حي يالليل دامني لخاطر عيونك سهير
كل همي كيف أشوفك يا تجيني ولا أعني لك=و يضيع يومي كذا جيه و روحه بس بالتفاكير
يووووووه تدري نسيت وش كان بخاطري لك=و ليه صرت ألف و أدور و ضيعت كل التفاسير
كنت شايل لك سلام و بوسه و ضمه بأهدي لك=و طير ٍ على مسمعك ينشد كل عام و أنت يالغالي بخير