السلام عليكم ورحمة الله وبركاته
هذه القصيده للشاعر / زيد بن مبشر الحثل الحصني الحربي
اترككم مع القصيدهـ وانشاء الله تعجبكم
ليه رفيقً رفقته مابها خير= ما أبيه لكن الله بلاني بشره
الله مضيرني على رفقته ضير= أمشي على رايه لو أني مكره
لا جاء يمشيني معه عاكس السير= على الحمر والا الخضر ما نمره
من يوم رافقته وأنا مع دحادير= خلاّ الحياه ولقمة الزاد مره
يبي يصومني وأنا مع مفاطير = وأن قلت أبا أبره لحقني مضره
من وزنته بازت سنون المسامير= أرخي على المسمار وأحيان أزره
لو رافق الهدار وقت المخاضير = كان أصبح الهدار منقوز جره
ما شولن منه العشاير معاشير= ماله نظر لو للمياسير صره
ومن الجبال الصم لو رافق النير = والله أن يروح النير مثقال ذره
ولو رافق النزيان راحن معاصير= خلاّ الهوى للطعس دايم تكره
آخر المواضيع
ليه رفيقً رفقته مابها خير 
