VILLAGGIO

راعي المغازل قال: اسولف ,, قلت : هاه ؟؟! =
قال : انت ما عندك عن الدنيا خبر ؟؟=
قلت : اسلم ,, وسولف وجاب اللي وراه =
وحب الفضول اقتادني وانا بشر=
رحت بوصاه وجيت اوصي بالوصاه =
فيلاجيو فيلاجيو يا اهل قطر=
مول ٍ جديد يشد كل الانتباه=
مالك مجال تصد وترد البصر=
احمر يدين / احمر خدود / احمر شفاه =
احمر ثياب / احمر شناط / احمر شعر !!=
احمر حماره شع مع اكل اتجاه =
ماله من الاسما سوى الموت الحمر=
شوفة عيوني ماهو بقول الرواه =
شفت العبر وام العبر وابو العبر=
حتى المطوع شفته بوقت الصلاه =
قلت: الصلاه !! وقال : لي جمع وقصر !!=
والشايب اللي ما نقله الا عصاه=
منين ما عرض عليه احد ٍ طمر=
قلت: انتبه يا عود واجلس قال : آآه =
انا اشهد انه ضاع من عمري عمر !!=
من لا تهنا له ثواني في الحياه =
يحتاج له في ما بقى لفتة نظر=
والا الهواوي ما شعفه الا هواه =
والله ليا منه نوى يغفر غفر=