على خطى الاحلام ماتاقف مراكبنا رحيل=ومعلقه على ظهور الامانى حلمهاوامالها
فيها تسلحنا التفائل كل يوم وكل ليل=لو قفلت ضربه بقبضتنا تفل اقفالها
رحلة عمر فيها تعلمنا صراع المستحيل=فيها هزمنا المستحيل وتوجتنا ابطالها
الصبر مفتاح الفرج حتى ولو دربه طويل=واهل الجلاده تبلغ الغاية بطولت بالها
الارض لو عطشت سقتها رحمة الخالق بسيل=اثباتها السبع العُجاف اللى طويل امحالها
لله فى خلقه شؤون وهو على خلقه وكيل=سبحان ربى محصى الذرة على مثقالها
انا عشقتك يالطموح الصلب مادور بديل=المجد له قمه وياصلها ولد يرقالها
اخذوامثل بالخطوه الاولى نهايتها الف ميل= واخذوا بعد بالحسنه الحسنه بعشرامثالها
مانى بمتفلسف ولا ساحرولا شيخٍ جليل=شاعر كتبت وأغلب الشعارهذا حالها
ياصل صدى صوتى هنا واثبت على المبدا الاصيل=واعيش يمناى الكريمه ماتطق اشمالها
سالم العجمي
آخر المواضيع
رحلة عمر!!! 
