صمت المكان

كل ماطابت هجوسي .. رحت اسولف للزوايا=عن فتاة ٍ كان يملى صوتها صمـت المكـان
عن فتاةٍ غير كل اللي قرينـا فـي الحكايـا=صمتها طيش وقصيد .. وطيشها صمت وأمان
باقي ٍ فيها مـن اللـي فـي طفولتهـا بقايـا=شيطنة ضحك وسوالف .. رقّة شعور وحنان
كم تزاعلنا .. وكلٍ ينتظـر دمـح الخطايـا=ثم سكتنا .. والزعل من بيننا مثـل الرهـان
لين ماتنهي زعلنـا ضحكـة ٍ بيـن الشفايـا=ضحكة ٍ غابت ولكن شانهـا مـازال شـان
ماذكرت الا عيوب .. ولاتركـت الا مزايـا=سوّد الله وجه حظي .. والليالي .. والزمـان
راحت وخلّت دلعهـا صـورةٍ بيـن المرايـا=وين مالدّيت فيها شفـت ضحكـات الثمـان
وشفت شامه فوق جمره سوّت بقلبـي سوايـا=آه ياهالحال منها كيف صار .. و وين كان !
بس ياذاك الخفوق اللـي تلـجّ أبـك الحنايـا=شدّ حيلك .. لاتخاذل .. مايطيح الا الجبـان
مالك الا ذكرياتك وأنـت مـن بيـن الهدايـا=حول ذاك الورد ابو عطـرٍ يهـز الشمعـدان
كل ماخلّت وراهـا غالـي ٍ ريـم الصبايـا=حتى والله من غلاها .. رحت وأغليت المكان

إقتباس   المشاركة الأصلية بواسطة ضميرك الحي كل ماخلّت وراهـا غالـي ٍ ريـم الصبايـا حتى والله من غلاها .. رحت وأغليت المكان الله الله ليه ماتعجبنا ؟! قمه في الروعه تحياتي

إقتباس   المشاركة الأصلية بواسطة بدوي فرنسي الثغر الخجول روعه الله يعطيك العافيه شكرا لك