ظرف الزمن والمكان

نعتذر منكم على الغياب
ونتواصل معكم بهذه المتواضعه نتمنى ان اتنال شي من اعجابكم

ظرف الزمن والمكان ومحتمل ومعروف=هذي جمل ماتدورنا ونشقالها
لاتجعل اعذارك انته بالزمن والظروف=هذي دنيا من اولها وذا حالها
انجيت صاحب محل وانجيت ضمن الضيوف=الدار دارك وحنا من تعنالها
اكبر مصيبة عليه يوم اناظر وشوف=عهود بعض العرب ماجت على بالها
ياليتها طعنة الشلفا وضرب السيوف=ماكان توجع ترى قلبي ولاقالها
لكن جتني من اقرب الناس بين الكتوف=مدري على ايش اطعون ومن تهيالها
تبعثرت مجمل افكاري وماتت حروف=اموت من موتها مابكي على اطلالها
شمس الحقيقه تغيب ومعتليها كسوف=بين الحقايق تموت الشمس وضلالها
لاتقول لاتاقف اناصرت مدمن وقوف =في وقفتي من شموخ الارض وجبالها
اّقف وياقف ابجنبي حب هاك الهنوف=مهره اصليه وانا لاشك خيالها
مطنوخة الراس ماترضى بدرب الضعوف=تاقف بهامة شجاعتها وتختالها
الهابقلبي جنون الشعر وابدع وصوف=والها محبة ولو بالارض تشتالها
ماجابها صوت موال العرب والدفوف=وماتنجرف من مواقعها ومنزالها
اخترتها من جموع الناس بين الصفوف=وسكنتها وسط قلبي دوم بالحالها
اتعبت فكري بها يوم التعب ومخلوف=وصارت قصايد (.....)صوت موالها