يقول الشمري

يـقـول الشـمـري مـبـدا جـوابــه=سـلام الله علـى رجـال المهابـه
لكم بهدي سلامي في حظوري=وعـــن جـمـيـع شـمــر بالنيـابـه
وعـن سكـان حائـل كـل ابـوهـم=الـــي برمـالـهـا ولـــي بهـظـابـه
اهل سلمى وجا اللي حملوني=وشلت الحمل في عزم وصلابـه
مـن اديـار الجبـل الــى المديـنـه=ديـــاراُ بـــه مـحـمـد والصـحـابـه
معـي حمـل الـسـلام معلتحـايـا=هديه من صحيـب الـى اصحابـه
من اعيـال الطنايـا لحـرب ياصـل=وانـا الـلـي يمـهـم زفــه وجـابـه
لئنـي جيـت البـي دعـوه الـلـي=دعــانـــا والـتـزمــنــا بــلاجــابــه
حظـر فـي حفلنـا وقـام ودعـانـا=ولـــزم بـالـحـظـور بــكــل ثــابــه
محـمـد طـيــب المـجـنـا مـحـمـد=عـسـا مــن عقـبـه طـوبـا تـرابـه
وهـاذي عــاده اكــرام المـبـادي=سـلـوم لـحـرب مافـيـهـا غـرابــه
رجـــالآ بالـشـدايـد لـــه عــوايــد=وهــل نـخــوات يـومـنـه حـرابــه
ويـوم الوقـت بـه صايـل وجـايـل=قبيـلـه يــذري الـخـايـف جـنـابـه
وانا اشكرهم ولهم الشكر مني=وخـص اللـي مواصلـنـا سعـابـه
وجمـعـنـا بـالـرجــال الغانـمـيـنـا=وكسبـنـا بدعـوتـه اجــر ومثـابـه
لبيت المصطفى المحبـوب زرنـا=ودعـيـنـا ياعـسـاهـا مستـجـابـه
عـسـا الـمـولا لدعـوتـنـا يتـقـبـل=وينجـيـنـا ويـاكــم مـــن عـقـابــه
ويـنـجــي والـديـنــا ووالـديــكــم=مـــن الـنــار ولـظـاهـا والتـهـابـه
ويـسـتـرنـا ويـصـلــح مـاعـطـانـا=ويكفيـنـا الـزمــن هـــو ونـقـلابـه
وختـام القـول اريـد العـذر منكـم=عـــن الـــزلات يـاعـيـال الـذيـابـه
وصلى الله على الهادي وسلـم=عــدد ماخـطـه حــروف الكـتـابـه

قال تعالى :

أنت الزائر لردودي ومواضيعي :

][@][ مـــدونتي ][@][