ريح ورد وريح ند وريح كاد=اجتمع فيها وهام بودها
لو تهب الريح من يمه وكاد=الفضاء بتعطره من يدّها
ولو تبسم حركت حتى الجماد=والجبال الصم خطر تهدها
همسته تجعل من العالم رماد=لاهمس بشويش .. لابو جدها
الخطر من وقفته بين العباد=تستحيل الناس تاقف ضدها
من يكابر وقفته شيك اعتماد=معتمد ببنوك ماحدِ قدها
لو يصرف كل ماله بزدياد=ترفع اسعار الذهب وتردها
مترفة والدل زايد والعناد=من مزاياها تعب من عدها
من رموش العين ياليل النكاد=من نظرها ماتعدى حدها
الغلا والحب منها مستفاد=كل هجماته لقى من صدها
بين لين الطرف وعيون الوداد=يابيوت الشعر حبي خدها
منتهى الامال في موسم حصاد=ياقصايد باح حبك سدها
الفضاء من بعدها ماله بلاد=كان مني يوم يخطب ودها
خبروها بالغلا وأن كان عاد=ودها والا بعد ماودها
آخر المواضيع
ريــــح ورد وريــح نــــد وريـــح كــــاد 
