*·~-.¸¸,.-~*دام البكاء ياريم مافيه تحريم*·~-.¸¸,.-~*

أبـكـي وعـيـنـي تـسـهـر اللـيل يـا ريم=مدري بلاها الشوق والا الظلـيمه
يا ريم دمع العين مدري على الريم=والا على قلبن تواكل صمـيمه
تقول لاطمني على نونها سيم=أبكي وعندي لأزرق الدمع قـيمه
ويمكن يكون الدمع للعين تكريم=ويمكن يكون إلها عذاب وحـريمه
والله يا لولا دمعتن كنها الديم=راحت ضلوعي من عذابي حطـيمه
ودم البكا يا ريم ما فيه تحريم=يا عنك والله لأرخص الدمع شـيمه
وابكي على حالي من الوجد وآهـيم=لين الزمن يخلف عليّه نسـيمه
أبكي حياتن صافيه ما بها غـيم=وين المحبة والقلوب السلـيمه
أبكي قهر وابكي من الغبن والضــيم=وابكي من طعونن بقلبي قـديمه
غدر الزمن خلـّـى بوجهي مراسـيم=وما يذبح الرجال مثل الـهـزيمه
بعض المصايب شرها ياكل الهـيم=وشلون بكبود الرجال الـكـريمه
وبعض المصايب يخلفن المفاهـيم=تبغى على ما قيل صبر وعـزيمه
مظلوم بالدنيا وغيري مظالـيم=من عرض ناسن لبسوهم جـريمه
ما عاد أبي من سود الأيام تعلـيم=عقب العذاب اللي كلاني جحـيمه
ولو تصفي الدنيا عليّ المـلازيم=ما عاد أدور من وراها غنـيمه