بسم الله الرحمن الرحيم
السلام عليكم ورحمة الله وبركاته
(( نسيتني علمني شلون ابا انساك
،،،،،،، في هالزمن نسيان الاحباب عادي))
هذا البيت للشاعر متعب التركي ..
تمت عليه مسابقة في أحد المنتديات
فحاولت الكتابة بأبيات متواضعه على نفس القافية
مع الفرق الشاسع بين الشاعر متعب وبيني
نسيتني واليوم جاء الدور ابا انساك = الوقت به نسيان الاحباب عادي
عطني طريقه للجفاء ودي أجفاك= دام الجفاء له في حياتك مبادي
لا شلتنا من داخل القلب شلناك = مثل الهبوب اللي تشيل الرمادي
لا تحسبني مثل غيري ترجاك = لا والذي يعلم مماتي وزادي
إن كان غيري في كلامه ترضاك = يمشي على كيفك يبوس الأيادي
أنا نويت انساك وابيع ذكراك = هذا جزاء اللي للجفاء كان بادي
أتعبتني والحظ غادر سراياك = أشقيت حالي معك علمٍ وكادي
لو الوفاء طبعك تمنيت لقياك = بس الوفاء بعته حراج ومزادي
لا عاد ترجيني وهاذي سواياك = ابعد وانا ببعد وابا اقطع مدادي
نسيتني واليوم جاء الدور ابا انساك = خلاص يكفي لا تزيد العنادي
بقــــلم
خليل المطيري . حسام الشعر
آخر المواضيع
نسيتني .. واليوم جاء الدور أبا انساك ؟ 
