نامي على أهدابي

نامي على أهدابي و خليني أنام=مثل الطفل نومه على لهايته
نايم و عين أمه نواظرها هيام=يكبر و يكبر عمرها و حكايته
يا حبي اللي صار له مليون عام=اكذب ثلاث شهور تحت وصايته
انتي مثل نسمه بعد رش الغمام=انسامها تشفي جروح ٍ بايته
و انتي مثل روض ٍ يغني للحمام=سرب ٍ يسافر به و سرب ٍ غايته
يالله تعالي و احضني كل الغرام=من قبل عمري تعشقه برايته
بحساس شوفيني جسد ميت حرام=يرمي هموم التبغ في طفايته
يسهر اليا خيم على يوم ٍ ظلام=يطوي شريط أيام مر ٍ فايته
قصة بطل لبا لتاريخه و قام=و الفين رمح اتمكنوا في رايته