ياناس قبل أمس جاء عودن يناديني=يشكي من اللي جرا من جملة أقرابه
البؤس في وجه ذاك العود ينبيني=يا وجه رب البرية مدري اش جابه
يشكي ويبكي وبت البوح في حيني=من كبر سنة ومن ظلم تولا به
أقبل وكنه بنفس الوقت يعنيني=من فوق شيخوخته تتوتر أعصابه
قال اسمع السالفة من قبل تفتيني=شيخن كبيرن ظروف الوقت تحدى به
يا هوه همن بقلبي بات يطويني=كني سجين غريمه مات باسبابه
الوضع يابوك شينن بان بالشيني=والناس بظروفها ما هيب تتشابه
خلوني أهلي وربعي قبل ناسيني=من عقب ماكنت في ذاك الزمن لابه
الله على الناس وش فيهم معاديني=يابوك من مثل حالي باروا أصحابه ؟
والا هو الدهر يلعب بالمسنيني=من طال عمره تمنى الموت من مابه
سألته العمر قال العمر تسعيني=حتى الهرامة بدت تظهر على أهدابه
قلت أنت كم هم عيالك قال عشريني=والطفهم اللي يهددني بمشعابه
قلت أنت صادق وسال الدمع من عيني=قلت أسئل الله يرحم حالنا يابه
سكت شوية وقال أرجوك تسقيني=عطشان والنار وسط الجوف لهابة
ثم أقبلت دمعت له وأثرت فيني=واقفيت من هول حاله ويش ذا صابه
زهم عليه وقال اشبك مخليني=حتى أنت يامن ظننت الخير يحظابه
وقفت وادموع عيني فوق خديني=أحترت كيف أخدمه واخفف أتعابه
من بعد ما لاحظ إن الوضع مشقيني=رفع يده واشتكى لله طلاّبه
قال أنت يابوك ما تقدر تخاويني=ندعي على ناس ظلاّمه وكذابه
في حق والدهم انظر وش مسويني=عليهم الله واكبر ناس لعابة
هذي هي القصة أحكيها بصوتيني=صوتي وصوت المسن اللي سمعنا به
آخر المواضيع
شايب التسعين ــ ساعة حوار 
