عشق خاص

كلن طلب ودي وكلن بغاني =وانا أبيه إنسان ما مثله إنسان
ابيه يفهم قبل ينطلق لساني =وإذا ندبته صار لي طير حوران
اااحرم على غيره!!! ويحرم عشاني =كل البنات ولو جته بنت من كان
له فلسفة «أحمد» أمير البياني =و«الحنبلي» و«الشافعي» و«ابن حيان»
واليا تكلم يعجز «الأصفهاني» =وبه من كرم «حاتم» ومن شعر.. «حسان»
يثني علي والمدح غررر الغواني =ويهيم فيني عشق مثل «ابن عدوان»
ويخلط لي الكافور والزعفراني =والمسك مثل «المعتمد» صار عنوان
ان جيت يمه قال نور مكاني =وانرحت عنه يكتب الشعر ديوان
أصحا على صوته يزلزل كياني =واحلم يوسدني ذراعه بليهان
أبيه ذاك الطيّب المشعراني =وفي هيبة.. «الخطاب» يوم الردي خان
والله ما أغضب خاطره لو ثواني =لأني نطرته كل عمري ولا بان