ضيعتنا يا صاحبي في وعودك=خليتنا نشرب مرارة صدودك
من عقب ما فاحت علينا ورودك=اليوم نبغاها تبين البراهين
تبغى الحقيقة ما عرفنا مرادك=بالله وش هو مقصدك واعتقادك
إن كان تبغا نا نغادر بلادك=قلها وحن يا صاحبي مستعدين
الوضع هذا مايريح فؤادي=وأنا عطيتك نيتي واعتقادي
واليوم قررت أتوجه بلادي=أفضل ولا نبقى دواما ذليلين
ابشر بسعدك والله إن أتوجه=ما عيش في جو تراء فيه رجه
خذيت لي في دار لجواد سجة=ما يمكن أنسا فضل ناس عزيزين
أنا أعرف إنه ما يهمك وجودي=ما دمت ماشي في طريق الصدودي
خلاص ليه أتعب وضيّع جهودي=أحسن لي أرحل عنك من حد ذلحين
وصفت ياخي فكرتي بالخيانة=وشلون وأنا إنسان عندي أمانة
والغش منهي عنه حسب الديانة=ما يقبله عقل ولا يقبله دين
الغش ما هو طبعنا يا عميلي=لكن بغيت أعطي شعوري زميلي
وأشاركه من قبل يوم ا لرحيلي=وأصاحبه ياخي في العسر واللين
هو كل ما فلأمر يا خي هدية=ما قصدي ألقاء من وراها عطية
والنفس من تنقيص غيري بريه=كل البشر عندي على الرأس والعين
نبينا سيد جميع البرايا=في حسب علمي ما يرد الهدايا
والحمد لله ما عملنا خطايا=وحنا على نهجه ومبداه ماشين
إن كان جاء منا غلط يا صديقي=أطلب حقوقك ليه صدرك يضيقي
وأنا عليّ أمشي بنفس ا لطريقي=حتى يزول الغيظ ما بيننا بين
أهم شي إنك تجي وأنت راضي=ما أشوف في نفسك رسوم اعتراضي
هاجوس شعري لك لك الله هاضي=والحال من فرقاك كنه بنارين
ما هو بعشق لا ورب البرية=لكن أنا ما ابغاك تزعل عليه
لنك بقلبي لك تراء مقدرية=والناس يازين النسب غير دارين
إن كان تبغاها تعود العلاقة=والعز يبقى والوفاء والصداقة
حنا ترانا يا عزيزي رفا قه=والحمد كل ما بيننا زين
وسلامتكم
آخر المواضيع
أبشر بسعدك 
