وكلٍ يفصل له ثياب على قده

علي كثرو أعوان الدهر والدهـر ضـدي=وذي حال من صارت ضروف الدهر ضده
تحدانـي الدنياعلـى غـيـر مــا ودي=وحبـل الرجـا رث ليـا جيـت باشـده
بعض الأصدقـا لاجيـت باقابلـه صـدي=ومـن عـدنـي بـبـلاش والله مـاعـده
لاصار الفضـا عنـدي وسيـع وممتـدي=ومن سار في درب وصل لو بعـد مـده
لا بـارو الخـلان والحـض مـتـردي=فلا للفتـى ألا يتـرك الـدار مـن جـده
وخـلً بـدل خـل وحـد بـدل حــدي=وربي هو اللـي يقصـر العمـر ويمـده
تمسكت في حبل الوصـل وتعبـت يـدي=بـلا فايـده والحبـل ذالـيـوم بـاهـده
وباقوس ثوبي دمـت حـي علـى قـدي=وكـلا يفصـل لـه ثيـاب علـى قــده
ومـن لايسـد بواجبـه مـات مـاسـدي=ولاخيـر فيمـن مـات واجبـه ماسـده
بأشد الرحال وباترك الـدار مـن جـدي=ومن له علـي معـروف ذاليـوم يرتـده
ورزقي على اللي لاعطا يجـزل المـدي=ومـن يستعيـن بخالقـه نــال مــاوده