وداعية

أنا يا بنت ما صديت و هذي لغيبتي أعذار=أنا ما أقدر على الفرقا و قلبي رهيف و خواف
تبين أودعش ؟! حشا ما أدوس أرض المطار=روحي و خليني للدمع ولا من درى ولا شاف
روحي عسى الله يسعدش و جيبي لنا عيالٍ صغار=نحبهم قد حبنا لش .. لا بنحبهم بإسراف
و اتركي لنا صورتش و من أوراق الغلا تذكار=ارسمي بسمة ثغر و قلبٍ أبيضٍ شفاف
و ابصمي لي بالعشر مهما كان ولا صار=ما تنسي خطوات دروبنا و ضحكنا النزاف
لحظه لحظه .. امسحي بطرف أصبعش هذا الدمع منهار=ما فيني أخط وداعيتش دمعي هدر بالزاف
تذكري .. كنا نجي و العصفور توه طار=و انتي تقولي هذا حبيبي طار لأنه خاف
تذكري .. ما نسيته موقفش يووووه وشكثر صار=لما تعثرتي بالسلالم .. كنت أضحك بس و الله عليش أخاف
جمعاتنا بعد الغدا نجلس نروي الأشعار=و كنا نسمي أكلنا من زود الهبل أعلاف
يا ساتر ما بقى إلا نركب أجهزة رادار=على النافوره الأولى عشان ننشوف ما ننشاف
تذكري " ملاكش " و السؤال : هذا السفر for ever ?=و تذكري كم مره يمر و كم مره يمش طاف
و الله لأمر شارع هلش .. و أزور بيتش كلما هاجني استعبار=و أنتي أحلفي أنش تجين باللي خلق نون و قاف