بسم الله الرحمن الرحيم
السلام عليكم ورحمه الله وبركاته
انا قصتي بدت قبل العيد بكم يوم لان ابوي وامي كانوا ناوين يحجون هذي السنه وكنت انا اخر واحد يدري في العائله الموقره<< حشى عصابه خخخخخخ
المهم طبعا رضخت للامر الواقع وكنت حزين شوي لاني بفتقدهم وقبل سفرتهم بيوم ابوي ناداني وقالي اسمع انت المسؤول عن البيت من بعدي وابيك تدير بالك على اخوانك الصغار وعلى البيت وعلى كل شي المهم انا قلت له ابشررررر ولا يهمك تراني ذيب من ظهر رجال قعد يضحك ابوي قال ادري انك ذيب بس لا تصير ذيب تحت وايت (يعني كلب) خخخخخخخخ قلت له افا عليك ترى رقبتي سداده قالي وش شايفني بقولك سر انت ورقبتك يا غبي اهم شي انك تدير بالك على الي قلته لك قلت حاضرين لطيبين خخخخ المهم بعد الملعنه رضا ابوي عني وعطاني بطاقه الصراف حقته (الراجحي) وانا ما صدقت خبر انه عطانيهااااااااا وطلعت لي صوره فوق راسي معي سيااااااااره لكزس اخر موديل ومسافر للإمارات وشوي ابوي يهز راسي قال انت معي ولا لاا قلت ايييييييييه معك ما درى اني كنت افكر في صرف الفلوس كلها واشتري سياااااااره واسافر<< يخرب بيتك خخخخخ
المهم قالي مثل ما وصيتك اذا احتاجوا اخوانك شي اصرف افلوس واشترلهم الي يبونه قلت في نفسي ايييييييييه يبطون والله اعطيهم شي << يلعن ابو النذاله ياشيخ خخخخخخخ
المهم في ذاك اليوم ما جاني نووووم علشانهم بيسافرون بعد صلاة الفجر وبعد ساعات من الوسوسه والتقلب في الفراش يأذن الفجر وحسيت فيه شي في صدري مدري وشو كأني بأدخل اختبار رياضيات << ابوك يالتعبير خخخخ
واقوم واصحي ابوي واخواني ونصلي انا وبوي وقالي ابوي شل اغراضنا في السياره وقمت وانا مالي خلق اشيل الاغراض <<< كسلان ههههههههه
المهم تجهزوا ابوي وامي واستعدوا يبون يروحون وسلمت عليهم قبل مايركبون السياره وبعد ما ركبوا وراحوا وانا اناظرهم بنظرت وداع وحزن << اموت على النظرات ههههه
وكانت بنت اختي الصغيره معي بعد وحصل معها نفس النظرات والشعور الي حسيت فيها
وقلت من كل قلبي لابوي وامي (وداااااااااااااااااعاً ماااااااااااااااركووووووا)<<< احم احم لا تفضحنا خخخخخ
المهم مدري كيف استوعبت لحظت الوداااااااااع هذي ولله ياهي لحظه تقطع القلب تقطيع وبعدها رحت حطيت راسي على الفراش ابي اناااااااام يالله يالله نمت والله لا يوريكم جتني احلام كلها وداع وحزن وفراق وكل حااقه وفي نفس اليوم العصر رحت ابي اصرف فلووووووووووس من الصرافه <<ياويلك ياسواد ليلك من ابوك ههههههه
وصرفت كم قرش علشان اشتري حلاو العيد للبيت
وبعد ما رحت للبيت اف اف لو تشوفون بنت اختي الصغيره كنها في حياتها ما شافت حلاو عيد وتجيني وتحبب على راسي وعلى خدودي <<< تتمصلح معي خخخخخ
وقالتي لي عطني حلاوه قلت بعدين اعطيك اذا جا يوم العيد
قالت بس وحده على شاني.
مسكينه والله كسرت خااااطري فاااااااااتحه فمهااااا وسعابيلهااااااا تقوطر وعيونها مليانه دموووع خخخخخخخ مشتهيه تبي حلاوه
قلت طيب بس وحده ما فيه غيرهااا قالت خلاص هههههههه تبيني اعطيها بأي طريقه اهم شي تتذوقها خخخخخ واعطيتها وكانت فرحانه وما خلت احد في البيت إلا علمته ان معها حلاوه خخخخ
وقعدت شوي ورجعت لي وهي تهز راسهااااا تبيني اعطيهااا
وقالت لي غازي حبيبي عطني حلاو
قلت مافيه حلاو خلص
قالت عطني ولا زاعلتك
ههههههههههههههههههههه
انا بغيت اموت من الضحك اما تزاعلني هههههههههههههههه مسويه صديقتي خخخخخخخ
والله ما كان لي نيه اعطيها لكن بعد كلمتها هذي اعطيتها هههههههه
المهم راح اليوم وحنا ما حسينا فيه وبعدبكره عيد يالله مشواااااااااااااار
وفي اليوم الثاني كل اخواني المتزوجين جوا عندنا قلت في نفسي الحمد لله علشان اروح لنياااااااق ماني بفاضي للبيت والقروشه وعوار الراس
وفي يوم العيد رحت اصلي العيد في المسجد
ورجعت للبيت اعايد اخواني
وكانوا اخواني جاهزين وخالصين نبي نروح لعمي عنده عيد
المهم اخواني كلبوهم كلموا ابوي وامي يسلمون عليهم ويعايدونهم حتى اخوي الصغير اتصل عليهم بعد إلا انا ما كلمتهم كنت ابي اشوف هم يحسون فيني ولا لااااا<< مسوي يتغلى ههههههه
وانا كل شوي واعاين في الساعه ابيهم يتصلون علي لكن مااتصلوا المهم رحنا عند عمي وعايدناهم وانا جالس عند عمي في المجلس افكر اتصل عليهم ولا ما اتصل ! اتصل ولا ما اتصل ! واقول في نفسي لالا خلني اتغلى احسن علشان يحسون فيني
وانا افكروفاااااااااااااااااهي وشوي احس بحرااااااااااااااااااااااااااره في ثوبي مدري وش هي ونتفضت من الخوف طلع ولد اخوي الصغير كب علي الشاهي وانا فاااااااااااااااهي هههههههههههه
الله يقطعه يا شيخ خرب ثوبي << تكفى يالامير خخخخ
المشكله اني ما غسلت ثوبي من الشاهي ومع عوامل التعريه الضغط والحراره والرطوبه طلع ثوبي ياااااااااااااابس واسمع الصوت اذا مشيت الله لا يوريكم والمشكله طفشت عندهم ما صدقت على الله اني تغديت ابي اروح لنياق وبعد ما تغدينا وخلصنا
قلت لشباب فيه احد بيخاويني لنيااااااااااق (الابل) تراني باخذ كم يوم هناك قالوا الله يستر عليك
وشوي واحد من عيال عمي يقول اذا جيت جب معك حليب نياااااق
وقلت في نفسي ايييييييييييه تبطي عظم اجيبلك حليب بعد خخخخخ
المهم ركبت الجيب ورحت لنيااااااااااااااق والله لو تشوفوني مع الخط قاااااااااااااعد افكر في ابوي وامي وانا امشي 190 km/h هذي اول مره امشي كذا مدري ليش . سبحان الله الي يفكر في ابوه وامه يسرع مره <<< نظرية فيثاغورس خخخخخ
المهم وصلت عند النياااااااااق وسلمت على السوداني الراعي حق نياااااااقنا وجلست اخذ اخبار النياااااااااق منه وادردش معه وبعدين رحت اتمشى على رجلي شوي وانا افكر اتصل على ابوي وامي واسلم عليهم ولا ما اتصل وانا اتمشى لقيت ورده حمرا وقطفتها
وجلست اقطع فيها اتصل ولا ما اتصل اتصل ولا مااتصل <<< احلا يارومنسي خخخ
وبقت اخر وحد وطلعت اتصل
وطلت جوالي من جيبي على نيتي اني بأتصل وجاني الشيطان ووسوس في راسي وخلاني اغير رايي وما اتصلت<<< قلها من اول وخلصناااا خخخخخ
ورجعت لسوداني
وقلت له وين الشوزن الي عندك قال اي وحده
قلت ما فيه غيرها حقت جدي السابع عشر خخخخخخ
وعطانيها وكانت قديمه مره وعليها غبار<< الظاهر انها من العصر الجاهلي خخخخ
وقالي داير تروح تصيد طيور
قلت ايه وش تبي
قال خذني معك
قلت اقول انثبر هنا بس ما بقى الا هي اخذك بعد والنياق من يجلس عندها
قال ااااااااااااااااي داير نسيت النياق
ههههههههههههههه صدق انه غبي خخخخخخخخخ
المهم رحت ادور طيور ابي اصيد وادور وادور وشوي والاقي كلب (الله يعزكم) كان غاثني دايم اذا جيت بأنام يجي قريب عند الخيمه وينبح وينبح طول الليل ما يسكت لعانه فيني ما يبيني انام
قلت الحين جابك الله والله لأخذ ثأري منك <<< الزير سالم خخخخخخخخ
المهم وانا اوقف الجيب وانزل القزازه واحط في الشوزن رصاص وبحركه بهلوانيه جيولوجيه انبطحت على بطني في الجيب لا تقولون كيف ترى مدري خخخخخخ واطلع الشوزن مع القزازه واعاير فيه كنت ناوي افجر نفوخه الكلب ابن الكلبه هههههههه
لكن رحمته المسكين وقلت والله ما لها داعي اذبحه بدون ذنب وخطيه وقلت خلني اثور من فوقه علشان بعدين ما يجي عندنا ويزعجنا
المهم واتجهز لاطلاق القذيفه النوويه شمال غرب موقع الكلب <<< متأثر بحرب فتنام خخخخخ
وبعد لحظات رميت بالشوزن (تشووووووووووووووووو) والله لو تشوفونه انحاااااااااش من الخوف ما اشوف الا الغبار وراه خخخخخخخ
وبعدها رجعت لنيااااااااق وكل شوي واعاين في الساعه ابي امي وابوي يتصلون علي لكن الظاهر انهم يتغلون علي بعد خخخخخخخخخ
ورحت لناقتي سراب افضفض لها عن معاناتي والله ياني ارتاح اذا شكيت لها الحال بصراحه تقدر وضعي وتبادلني نفس الشعور وتواسيني وتمسح دموعي بمنديل << حشى مو ناقه هذي خخخخخخخ
وبعدين جيت الزول وقلت له عندك حطب قال اييييييييه قلت طيب جب الحطب علشان بشب النار وجاب لي الحطب وجاب معها ديزل عشان تشتعل بسرعه
المهم اخذت الحطب وحطيتها فوق بعض واخذت الديزل وكبيته كله على الحطب واخذت كبريت وياااااااليتني ما اخذته واجلس قريب عند الحطب واشب الكبريت وانطله على الحطب (بووووووووووووووووووف) وانا الله لا يوريكم ما اشوف الا نااااااااااار في وجهي واطيح على ظهري من الخوف والحمد لله ما جاني شي وشوي اشم ريحة حريق في شعري وفي حجاني وفي شنبي خخخخخخخخ والحمد لله انهاااا صارت خفيفه شعري صااااااار مشهب من النار خخخخخخ
المهم جلست اسوي لي قهوه على الناار ويوم جهزت الدله الي مضبطها واصب لي فنجال على كيف كيفك وحاولت اقول قصيده في امي وابوي
وابي اقولكم بيتين منها
ضاق الـصدر وتـردى الحـال *** ابي الليالي تـرد عـني سنيني
ابي اشوف الي في العقل والبال *** وجدد الذكرى في يوم ولا يوميني
المهم حاولت اعدل جلستي ابي اتربع عند النار ومدري وش الي حصل واصك الدله برجلي وتطيح وتنكب القهوه على الناااااااار (تشششش تشششش ) <<< هذي مؤثرات صوتيه خخخخخخ
القهوه انكبت والنار طفت ياااااااااااااااااااااااااا الله وش انا مسوي علشان يصير معي كذا والله ما تهنيت في الفنجال حقي خخخخخخخ
وضاقت بي الدنيا ما عاد تسوا عندي شي
وصرت مهموم
كلها من هالتفكير والتغلي الي ذبحني @_@
والله ياني ندمت على حركاتي الي سويتها فيه احد يتغلى على امه وابوه << انت يالغبي خخخ
وحاوت اتصل فيهم لكن الوقت تأخر وقلت يمكن الاقيهم نايمين ماني فاضي ازعجهم
وقلت لسوداني سو لي عشاء تراني جوعان وابي انام
قال ما فيه الا عصيده وويكه وبتاكل اصابيعك وراها وتنسيك اكل امك بعد ههههههههه (الويكه اكله سودانيه) <<< خبره مع السودانيين 15 سنه خخخخخ
قلت طيب سوها لي اهم شي اتعشاء
المهم تعشيت انا والزول والمشكله كيف انام الحين؟ ووين انام؟ وعلى وش انام؟ ..... واشوف سرير في الخيمه قلت لزول هذا لك
قال ااااااااااااي هو بزاتوه
قلت له تراني بنام عليه
قال والله ماني قادر انام من غير سرير
قلت اقووووووول انا بنام عليه يعني بنام عليه <<< ياااااحبك للعناد خخخخخ
المهم حاولت طووووووول الليل ابي انام ما قدرت والله ياني طفشت وانا اتقلب يمين يسار وحالتي حاله والسوداني ذبحني بصوته (اخخخخخ اخخخخ) ما خلاني ارتاح
قلت في نفسي مالي الا اني اقرا آية الكرسي واذكر الله وانام
وشوي احس بشي يدفني بقووووووووووووووه واسمع واحد يبربر عند راسي (وشوهاشاهشاشي) <<< طلاسم خخخخخخخخخ
طلع السوداني يصحيني على صلاة الفجر خخخخخخخخ
المشكله انه برررررد ومدري كيف اتوضأ
ويالله يالله بعد الويل توضيت وصليت انا والزول
وبعدها رجعت ونمت
وبعد دقايق واسمع واحد يناديني من بعيييييييييد غازي غاااااااازي غاااااااااااااااااااااازي
واقوم من النوم وانا خااااااايف واقول من من نعم نعم وش وش << بكل اللهجات
هههههههههههههه
الله يقطعه طلع الزول بعد
بغيت اذبحه واقول وش عندك بعد
قال ابو محمد برا يبيك
قلت ياااااااااااااا الله صباح خير وش يبي ذا الشايب النشبه
قال يبي يكلمك
قلت قله غازي نااايم
راح له الزول وقال له ترى غازي يقول انه ناااااااااايم <<<غبي السوداني ما يعرف يصرف ههههههههههههههههههههاي
المهم الشايب قعد يضحك قال علي انا ياغويزي ما تمشي ههههههه
رح قله اذا ما صحى ابي اجيه وافقع راسه بالحاجون
وانا داخل الخيمه يوم سمعت كلمة الحاجون وانا انقز من الخوف من هالشايب والله يسويها ما هي غريبه عليه
واطلع له واسلم عليه وقال تعال افطر معي تراني مسوي قرص بالسمن يحبه قلبك
وانا من سمعت قرص بالسمن طارت عيوني في السماء<<<< يحبه حباً جما خخخخ
والله وابركب معه على الجمس الحوض حقه (البهبهاني)<<< ارحم يامشلم ههههه
وافطر معه ونسلوف ويجيب طاري الحج وما الحج وقالي وش اخبار ابوك مع الحج هو طيب قلت اييييييييييييييييه والله اخر ما لكمني البارح والحمد لله هو طيب ويسلم عليك خخخخ
ما درى اني ما كلمته ولا سمعت صوت اصلاً هههههههههههههههههه
المشكله ان ابو محمد يدخن وكل شوي زقاره ورى زقاره وانا انكتمت بغيت اموت من الدخان وهو مروووق على الاخر وانا جالس اكح كح عنده ابيه يطفي الدخان لكن مافهمها #_#
قلت له ولا عليك امر رجعني لنياق ابوي موصيني من البارح يبي يكلم السوداني علشان يسلم عليه ويعرف اخبار النياق منه <<< يلعن ابو التصريف خخخخخخخ
قالي ايييييييييييييييييه اجل اركب اركب
وركبت معه ورجعني لنيااااااااااق
والحمد لله من يوم ما راح من عندي حسيت بقيمت الهوى النقي <<< بسم الله عليك خخخخ
وجلست عند الزول في الخيمه واشرب شاهي صعيدي خخخ وافكر في ابوي وامي بيحسون فيني ولا لااا وانا افكر!!!!
وشوي وتجيني قشعريره في جلدي واحساس مدري كيف اوصفه لكم احساس غريب من نوعه ههههههه
المهم ويرن جوالي تررررررررن ترررررررررررن <<<مو نغمة هذي جرس بيتهم خخخخخخخخ
وانا ما صدقت خبر ان جوالي يتصل والله من البارح محد اتصل بي
وبسرعه اطلع الجوال بغيت اشق جيبي علشان اطلع الجوال واعاين في الجوال !!
!
!
!
امي يتصل بك
.
.
.
يوووووووووووووووووووووووه لو تعرفون وش الي جاني بغيت اموت من الفرحه والله ما استوعبت الي صار إلا بعد الويل <<< مالومك خخخخخخخخ
والله وارد عليها
وتقول لي وينك يامروح ما عندك ام تسلم عليها وتعايدها وتتطمن عليها وتسمع اخبارها .. هاااااااااااااااااه
وانا تخربطت مدري وش اقوووووووووول الساني انعقد (أاااااااأااااااااااأ) <<<يدور اقرب تصريفه خخخخخ
المهم بعد التعتعه نطق لساني
قلت هلاوغلامن العايدين ومن الفايزين وكل عام وانتي فيه صاحيه وحجاً سلساً وطيباً إن شاء الله <<< ما عاد يجمع ههههههههه
المهم سولفت والله ما اذكر سوالفي انا كنت مضيع وماني مستوعب
بس يوم قفلت الخط
كنت مستانس وفرحان على الاخر وحسيت اني ابي ابكي وابي اضحك احساس مدري كيف أعبر عنه واعتبرت نفسي اغلا واحد في العائله ورحت لناقتي سراب ابشرها بلي حصل وستانست زيي وصارت تبكي ودموعها على خدودها اربع اربع وقلت لها هذي دموع الفرح وانا اخوك هههههههههه وقالت لي مبروك وعقبالي إن شاء الله << حشى صار زواج @_@ خخخخخخخخ
لا تقولون لي كيف تكلمت ترى مدري عنها <<<الظاهر معها جن هههههههه
وبعد نص ساعه اتصل علي ابوي وكان الاحساس نفس الاحساس الاول
ورديت عليه وقلت من العايدين يابوي
قال بدري انت ووجهك توك تعايد اااااااااااااااااااااااااه منك ليش مااتصلت علينا امس هااااااااااه والا تتغلى علينا
وانا ما عرفت امسك نفسي عن الضحك ههههههههههه
والله وعرف حركاتي الشايب هههههههههه ما هو بسيط الظاهر انه كان يتغلى على ابوه وامه قبل خخخخخخخخخخخ
واسولف معه شوي وبعدها قفل الخط
وبغيت اروح ابشر ناقتي سراب بعد
لكن قلت ما هي حلا كل شوي وانا عندها واخبرها بكل شي خلها تولي هي ووجها <<< نسى العشره الي بينهم خخخخخخخخخ
المهم جلست عند النياق يومين وبعدين رجعت للبيت علشان امي وابوي بيوصلون بكره وكنت مشتاااااااااااق لهم بالحيل
وطول اليوم وانا سهراااااااااان وعيوني حمر وحالتي حاله وجالس عند الباب حق بيتنا علشان استقبلهم
وفرشت لهم زوليه حمرا عند باب البيت علشان يمشون عليها<< ارحم يا مشلم خخخخ
والحمد لله وصلوا في الصباح واستقبلتهم وسلمت عليهم وكان شعور لا يوصف صراحه واحساس جميل بالفرح والسعاده والسرور << دعوه لزواج خخخخخخ
وانا انصحكم يا اخواني وياخواتي لحد يتغلى على امه وابوه ترى بيتعذب زيي ويصيرله مثل ما صار لي صدق انه حلو اذا كنت تتغلى على حبيبك او حبيبتك واحساس جميل لكن بتتعذب وتاكلها مثلي لكن في النهايه تحس بقيمتك عندهم .
وهذي قصتي ايام العيد الله لا يعودها
وإن شاء الله حازت على رضاكم وستحسانكم ونوعدكم في قصه اخرى اروع واجمل مع الراوي محمد الشرهان خخخخخخخخخخخخخخخخ
مع تحياتي لكم : ابن مكرز ^_*
والسلام عليكم ورحمة الله وبركاته .
ملاحظه : جميع الحقوق محفوظه لـ( ابن مكرز)
آخر المواضيع
قصة ابن مكرز ايام العيد 
رد : قصة ابن مكرز ايام العيد 
