[[POEM font="Simplified Arabic,4,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
قال ابن ريفه بدافـي المرقـب العالـي= واعلا المراقيب تومـي بـه هبايبهـا
يامرقبي جاك مـن الاسبـار همالـي = انصوب مزن من المنشـا يهـل ابهـا
ما يدهله كون صافي الريـش ولوالـي =ولا الولع يـوم يفتـك فـي عجايبهـا
انـا ولـد طارفـه مانيـب كسـالـي =اخاف مـن خبـرة باحـت مزاهبهـا
عليك يا مرقـب جيتـه وانـا سالـي = هيض على القلب ديارنٍ شطيـت ابهـا
هيض عليه شدوق ( الثفن ) لا سالـي = عطفة ( طريب ) ليا زافـت عجايبهـا
لامن غدا الفيض كنـه زرع عمالـي =سيلـه مـن القـدم للبطنـان ناهبهـا
كم مـرة قـد نزلنـا عشبـه المالـي = بيوتنـا لاوزا المجـرم يلـوذ بـهـا
تنزلـه ببيـوت عـراف وجهـالـي = وانا جا النذر مـن خفيـف مانزهبهـا
ربعي ( عبيدة ) الياجاهـوش وقتالـي= هل هية في الضحـى تشعـا كسايبهـا
انشد ( عبيده ) هل الطولات من حالـي = وانشد الاجانيـب يـوم انـا نقربهـا
منهو يقلـط علـى فـرش وفنجالـي =سعد ابـن عمـه لياجاتـه مكاربهـا؟!
لامـن غـدا بيـن نقـاض وفتـالـي = وصفت الاجانيب واذاته بطلايبهـا ؟!
ثم جيتها ثم لفحت بهـم علـى الجالـي = لفـح الدالـي للمعـدي يـوم يجذبهـا
ياركب ميمونه فـي مشيهـا ارمالـي =ماشتحن مـن هـل العيـرات راكبهـا
تزهي السفايف وتزهي الخرج وحبالي = ومجرب لاسرى فـي الليـل صالبهـا
ملفاك من يلبسـون الجـوخ والشالـي = ربعي ودرعي وضـد اللـي يحاربهـا
ملفاك شيـخ القبيلـة حامـي التالـي = عند ( ابن شفلوت ) يالمنجوب قربهـا
قل له على طالت المدة وانا ( جالـي )=عشر ( سنوات ) مضت بحساب مقطبها
فان كان ربعي نسوني مانيـب غالـي = باعيش في ديـرة قفـرا جوانبهـا ii!!
في ايدي قرار تكـف الجمـع لاهالـي = طويلـة ناحـل مقضـب خشايبـهـا
لي بندق ما صنعهـا الصانـع التالـي = من دقة ( المارت ) نحـال مقاضبهـا
شريتها بالثمن يـوم ارخـص المالـي = إميه وعشريـن مـا يمهـل بغايبهـا
الله يرحمـك يـا عـود شراهـا لـي =مـن واحـد جابهـا للسـوق جالبهـا
حديدهـا واذكـر الله كنـه ريـالـي = كـن الحيايـا تطوافـي مقاضبـهـا
اقف بها بيـن ربعـي وامنـع التالي= لا خف ولد الردي ما احتـال يزهبهـا
عط الطويلة عريـب الجـد والخالـي = ولد الردي لا تلخونـه يـزول بهـا !!
واللـي رفيـع وللشوفـات حمـالـي =ارفـع نواصيـه ياربـي وقطبـهـا
وانا من الخبرة اللـي شورهـم عالـي= واهل سلوك الـردي يـارب تذهبهـا
بنت غراهـا زبـاد فـي ايـد دلالـي = ولا طمـوح هواهـا مـن يلاعبـهـا
كم مـرة قـد ضربنـا منجـم خالـي =وكـم جملـة فرقتهـا مـن ربايبهـا
وليا لفونـا مـن المقنـاص زعالـي =أحـد مـدح بندقـة واحـد يعذربهـا
بشرتهـم العشـا مـن عقـب مقيالـي =القايدة مـع مـرد الكـوع ضاربهـا
اضرب بها الوعل لاجاد لـه تهنفالـي = ابـو حنيـة كبيـر الـراس شايبهـا
ذبحت عشرة بها والظـل مـا مالـي = والحاديـه روحـت تثلـغ مضاربهـا
وبالله انا طالبـك حمـرا هـو بالـي = لا روح الجيـش طـفـاح جنايبـهـا
لا روح الجيش حاديه اشهـب اللاليلي= هي تورد وسيـع صـدر راكبها
اللي على كورهـا واللـي بالاحبالـي = واللي على عيزهـا واللـي بغاربهـا
لا روحت مع سباريت الخـلا الخالـي= كن الذيابـه تنهـش مـن ترايبهـا!!
تمت وصلـوا عـدد ماهـل همالـي = علـى نبـي شـروع الحـق رتبهـا
اغفـر ذنـوب الفتـى يـالله ياوالـي = لا جيت فـي حفـرة رزوا نصايبهـا
[/poem]
آخر المواضيع
أبن ريفه القحطاني 
