الشاعر جحيش بن مهاوش قال قصيدته المرثية في عياله حيث دعا عليهم واستجاب الله دعوته ولم ينجبوا أولادا وقيل أنهم تزوجوا مرة ومرتين وثلاث من أجل أن يزرقهم الله ولكن أمر الله قد نفذ وانقطعت من ذلك الزمان ديارهم ....... (ولم ينجبوا أولادا) . والقصة وما فيها أنهم تنكروا لوالدهم حيث توفيت أمهم وهم صغار وقام بتربيتهم حتى كبروا وكان لهم بمثابة الأم والأب يسهر الليالي على رعايتهم وراحتهم وفي النهار يذهب لجلب طعامهم............. الخ وعندما كبروا تنكروا له وأصبح لا يريده أحد منهم مراعاة لخاطر زوجاتهم اللاتي تأففن من خدمته وصار كل واحد منهم يطرده من بيته فما كان من الوالد إلا أن سكن إحدى (الخربات) حتى صار لا يقوى على النهوض أو السير وضعف بصره فذهب زاحفا يتوسل ويرتجي أبناءة بأن يمكث عندهم حتى يقضي الله أمرة فلم يستجب له أحد منهم ...................... فقال فيهم الأبيات التالية :
قـال الـذي يقـرا بليـا مكاتـيـب=ياللي تقـرون العمـى مـن عماكـم
ياعيالي اللـي تشرفـون المراقيـب=تريضوا لي واقصـروا فـي خطاكـم
خذوا كلام الصدق مـا بـه تكاذيـب=مثل السنـد مضمـون للـي وراكـم
ياعيال لا صرتوا ضيـوف ومعازيـب=تـرى الكـلام الزيـن ملحـة قراكـم
وتروا السبابة مـن كبـار العذاريـب=وهرج البلايـس مـا يطـول لحاكـم
المذهب الطيب فهـو مذهـب الطيـب=والمذهـب الخايـب يبـور نسـاكـم
ياعيـال مـا سرحتكـم باللواهـيـب=ياعيـال مـا عمـر المعـزب ولاكـم
ياعيـال ماضربتـكـم بالمشاعـيـب=ولا سمعـوا الجيـران لجـة بكاكـم
يامـا توليـت القبايـل تقـل ذيـب=من خوف لاينقـص عليكـم عشاكـم
وياما شربت السمن من عرض ماجيب=يفـز قلبـي يـوم يبـكـي حـداكـم
أحفيت رجلينـي بحامـي اللواهيـب=وخليت لحـم الريـم يخالـط عشاكـم
ياعيال دوكـم لحيتـي كلهـا شيـب=هـذا زمــان قعـودنـا بـذراكـم
قمت اتوكا فـوق عـوج المصاليـب=قصرت خطانـا يـوم طالـت خطاكـم
عطونـي القرضـة عليكـم مطاليـب=عطوني القرضة جـزى مـن جزاكـم
لابـد يـوم عـاوي دونـي الذيـب=بالقبر ما افرق طيبكـم مـن رداكـم
مانـي بفاضحكـم بوسـط الاجانيـب=باعمالكـم يـدرون كــل اقربـاكـم
لوكـان تـدرون الـردى والمعاييـب=صرتوا مع المخلـوق مثـل خوياكـم
خوالكـم بالطيـب تـروي المغاليـب=ولو تتبعـون الجـد محـدن شناكـم
وش علمكم يـا تاركيـن المواجيـب=حسبي عليكم هالـردى ويـن جاكـم
قصيتكـم واسنـدت وادي سلاحيـب=ولقيـت بالصبخـا مدافيـق مـاكـم
ياعيال بعتونـي (بصفـر العراقيـب)=مـا هـي حقيقـة سـود الله قراكـم
يالله عسى اعماركم شمسهـا تغيـب=يعتـم قمركـم ثـم تظلـم سمـاكـم
يـا علكـم فـي حاميـات اللواهيـب=ياللـي علـى الوالـد خبيـث لغاكـم
شفت الجفا والحيف والغلب والريـب=بضلوعـكـم لابـيـض الله قـراكـم
عسى نساكم مـا تحمـل ولا تجيـب=ولا حدن من البزران يمشـي وراكـم
اخسوا خسيتوا يـا كبـار اللغابيـب=اهبـوا هبيتـوا يقطـع الله نمـاكـم
الشاعر/ جحيش بن مهاوش
اختياري / الســــــــــــــاهره
آخر المواضيع
ياعيال لا صرتوا ضيـوف ومعازيـب ** تـرى الكـلام الزيـن ملحـة قراكـم 
