قصيدة الشاعر : ناصر الفراعنه
في الحلقة الثالثه لبرنامج شاعر المليون
ناقتـي ياناقتـي لا ربــاع ولا سـديـس=
وصليني لابتي مـن وراء هـاك الطعـوس=
حايلاً رابع سنه من خيـار العيـس عيـس=
خفها لا درهمـت كنـه بالنـار محسـوس=
في دجى خالي خـلا لاحسيـس ولانسيـس=
تنوخذ من شدة البـرد طقطقـة الظـروس=
في عيوني يكفخ الطيـر ويطيـح الفريـس=
وانتهض جساس من دون خالتـه البسـوس=
وفي خقوقي فرخ جنيتاً يضـرس ضريـس=
يوم اوردهـا هجـوس واصدرهـا هجـوس=
ديرتي دار ابن ضاري وابن غثلـم جريـس=
ديرة اللي دوجوا فـي فيافـي نجـد جـوس=
ديرتـي يابنـت شيخـاً ومعدنهـا نفيـس=
عيطموسـاً دونهـا دثرتنـي عيطـمـوس=
جادلاً مطرق جسدها مـع الغربـي يميـس=
طينتاً مـن تربـة الخلـد والـدم محمـوس=
نقشت خمساً من الخمس في يـوم الخميـس=
ليت شعـري مـا ارادت بهـذا دختنـوس=
كـم تمنـا ان معـه مثلهـا فتنـة بليـس=
كان يمكن قد قلـب نصـف امتنـا مجـوس=
كن دماث الصدر منهـا كنيسـة او كنيـس=
صومعة رهبـان ديـراً يـؤدون الطقـوس=
أتقـوس مـع تقـوس نواهدهـا وأقييـس=
قبتين قـاب قوسيـن قوسـاً جنـب قـوس=
خصرها يحكي لنـا واقـع القـوم التعيـس=
وردفها عن غطرسة بـوش يعطينـا دروس=
وبالرغم مـن قصرهـا مايجالسهـا جليـس=
تصبح اطول نسوة الارض في وضع الجلوس=
العروسه ماتبي غير ابـو تركـي عريـس=
العروسه نجـد ماهيـب حـي الله عـروس=
نجد بنت المجد وإنسـة مونسـة الونيـس=
ما عسفها الا معزي ضحى اليـوم العبـوس=
كل اهل نجد هلي من اجـا حتـى الخميـس=
في ذراهم بالتجي عـن مجففـة الرسـوس=
وعيشتي مابين اسوداً ولـو مانـي رئيـس=
خير من كوني رئيساً علـى شلقـة تيـوس=
وليس عيباً ان خدعني بمكـره كـل هيـس=
لان ما يفهم بمكـر الهيـوس الا الهيـوس=
مصطفى فـي مأدبـة عمـه البابـا لويـس=
كبر اللقمه تحت ضـوء حمـراء الكـؤوس=
وطسم حدتها على حائـط المبكـى جديـس=
يوم شقـت ثوبهـا بنـت عفـارٍ شمـوس=
سيدة هـاك القصـر اسمهـا الاول لميـس=
دونها سمر الحناجـر بترهـا حـد مـوس=
قسقسة لاحرارهم قيس قيـس قيـس قيـس=
والبستهم مـن مهانتهـم انـواع اللبـوس=
بين خدعة كعـب اخيـلاً ومولـد ادونيـس=
درسونـا الالهـه والمـدرس هـنـا روس=
وش لقو من قناة السويس اهـل السويـس=
وش لقو من تلمسان قومـاً مـن سنـوس=
كلهم من شـدة الجـوع راحـوا خندريـس=
بين غيبوبة مخدر وصحوة عـرق سـوس=
ثـورة راحـو سببتهـا بتـوع الاتوبيـس=
وش نبي فيها وهـي ماتهـز الا الغـروس=
آفة المرء اثنتان إلف كـاس وحـب كيـس=
والنفوس إليا بغيت اتعرفها ارمـي الفلـوس=
ينكشف زيف الشعارات الا حمـي الوطيـس=
ترجع الاذناب أذناب وتبقـى الـروس روس=
صدق لاقال العرب مايحـوس الا الخسيـس=
ولا يويط الروس شيئ مثل ضعف النفـوس=
ناقتـي ياناقتـي لا ربــاع ولا سـديـس=
وصليني لابتي مـن وراء هـاك الطعـوس=
آخر المواضيع
ناقتـي ياناقتـي ((الفراعنه)) 
