اتحبنـي ولا تـحـب الـدراهـم ....اختارلك وحـدة علشـان ماضيـع

اتحبنـي ولا تـحـب الـدراهـم اختارلك وحـدة علشـان ماضيـع

علاقـة مـا تنبـنـي بالتفـاهـم حتى تحت نور القمر يمكـن تميـع

ترى اهل الحـب الحقيقـي تراهـم مشجعيـن احساسهـم دون تشجيـع

صغيرهم يـدري بقيمـة غلاهـم لا يمكن تحصله معـروض للبيـع

مزروع في قلبي غـلاك وعساهـم فدوة لبستانـك وحصـد المزاريـع

مداك ما يشبه فـي عينـي مداهـم يا ظبي يلي مرتعك فـي المرابيـع

اذا زماني مـا نصفنـي واذا هـم يبغوننـي انثـر دمـوع التواديـع

للحين بعده مـا وصـل مستواهـم المستوى شكر الحـرار المطاليـع

وصغار وعيوني لا يمكـن تراهـم ما هي تشوف الا النجوم الملاميـع

البحـر ولا المـوت انـا كلاهـم اغرقهم واحبسهـم ليابـس الريـع

الا اذا شفتـك معـاهـم انسـاهـم كنك تقطـع قلـب مغليـك تقطيـع

لك محتوى يطغى علـى محتواهـم ويزيدني شـوق ومحبـة وتنويـع

انت القمـر والشمـس ولا حداهـم انـت الـورود اليانعـة والينابيـع

اهل الحروب تجر لجلـك حداهـم واهل الطرب تعزف لك اللحن تنويع

والاتقـيـاء موحـديـن دعـاهـم يحفظك ربي من عيـون المقاليـع

فرع وعلـم هالبنـات اش بلاهـم احبابك الموتى يـا سيـد المفاريـع

في ارضهم جنة .. نجم في سماهـم اذاعة اهل الحسن وصوفـك تذيـع

مـن مـا تطلـع تـراك حلاهـم اذا طلعت تصدع النـاس تصديـع

لكـن لا تبعـد بفكـرك معـاهـم لا الوصل يشرونه ولا الشوق للبيع

لو كل حاجـة تنشـرى بالدراهـم كان اشتريت العمر قدام لا يضيـع

هذه القصيدة
للشيخ الشاعر حمدان بن حمد بن راشد
دمتم بود