السلام عليكم أخواني البدو جميعاً
كيفكم ان شاء الله طيببين وممطوريين بالخير
هذي رسائل خاصه بيني وبين أخي عبث في أحد المنتديات بخصوص اللغز 0
أنشدك عن عود بالمحيا جلوسه 00عودا كفيف وغايه خدمه الناس
ما ينفعك لوما البنيه تبوسه 00 وان خلته تلقى شفاياة يباس
وانا الحق عجبني وكانت عيونه وأضحه جدا ومؤيد لمرماع أحد ألاخوان وكان( الختم وألاسطمبه ) واذا كان ما فيه اسطنبه الختم مثل العود الناشف ما يفيد وأنتظرت اني أشوف الجواب لكن ما قسم الله أخوي غبث ما دخل ذيك الليله وماكان عندي شك في الحل انه ماهو الختم والاسطمبه المهم 00
جبتة لكم عسا ما يجيكم شر ان شاء الله واحنا يالبدو الله لايرمي في يدينا شي !!
الرمي يشتغل من كل جهه ومافيه فرصه لا يشم نفس ولا يعبي سلاح ياموت يا أستسلام
وانشهد والله يالبدو عزوتي وبعد ماحطيته وشفت المحرق واليورانيوم قلت لازم أعرف الحل الجماعه ما معهم طعم ويوم رحت ولين أخينا غبث يقول (مالك لواا ) أمممممممممم ليه ياغبث تسويها <<< ما سوى شي الرجال كم مرة تقولها لنا ذوقها الحين وش حليلها
مافيه مشكله بتنعرف هلحين فيه جماعه عارفهم ما يخلوا مستور بس جماعتي ماهم قليلين شر
وصار الرمع والسراج قالته الاخت أظن ملاك ورمعته انا وقلي عبث ( 000000) وش السالفه المشكله اني لما نقلت اللغز ماكان عندي شك ان الحل هو ( الختم والاسطنبه ) ولا ما انقله والختم طلع ماهو هو والجماعه رمعهم شغال وفيه رمع يحير لاني متأكد انه غلط واقول مالك لوااا ولاني قاطع انها صح واقوله صح وفعلا كانت حيرة وكل ما أمر ادور انه أنحل ما أحصل جديد غير (0000) وش اقول للي يرمع ؟ هذي والله البلشه !!؟
قلت ما يصلح انا قبل ما أقول للي يرمع ما لك الا تقول للي جاب اللغز
وفعلا أرسلت هذي الرساله لاخي غبث صاحب اللغز
مساك الله بالخير أخوي عبث
ان شاء الله كل أمورك زينه
سلامتك أخوي قدّر الله علي ونقلت لغزك لمنتدى الـ بدو 0
مدري عمرك جربت لما تجيب للغز و يرمعوا فيه الناس وانت
ماتعرف الحل ههههههههههههههههههههه أول مرة تمر علي والله
انا عجبني وأحسبه محلول 0
لكن خيرك الله بين ثنتين 0
اللغز عليه( 10000عشرة الأف تعال حله وخذها *ولا خذ خمسة الاف وبيعني اللغز<<< ماهو صاحي
منتظر ردك أخوك الشريف الوكيل
*ملاحظه : مافيه زينا يالبدو ناخذ فلوس لمجرد انك تقراء موضوع ولو ما رديت 0
وكان هذا رد أخي غبث وحملته كيبورديه وما أظنه لا يفي ولكن تبقى في قلوبنا المحبه الصادقه 0
اقتباس:
المشاركة الأصلية كتبت بواسطة عبْث
السلام عليكم ورحمة الله وبركاته
لايابعدي مابيننا دنيا
دونك حله
القليب جالس على محيا الارض والبنية السحابة إن ماجاه مطر ماينفع لأن ماله عيون تغذيه
ودمت يابو فايز
وهذا ردي
عسى السحايب ما تفارق لكم دار @@بالديم والرحمه تقاطر مزونه
الظل وأرف وأخضر العشب محتار@@ من وين ما نسنس تمايل غصونه
ريح الشمطري والخزآمى مع بهار @@ الطير حر وذاك تشدي لحونه
سلام لك يا مكرم الظيف والجار @@ شرواك أعرفه باينات عيونه
لك التحايا ياغبث سر واجهار @@ هذي المعونه كان قالوا معونه 0
الله يطول عمرك ولا يحرمني منك وأتشرف بزيارتك لنا في منتدى البدو 0 وتقيل اعطر تحيتي وأعذبها
أخوك ابو فايز
وبكل فخر أعلمكم والله لازال اللغز ما أنحل في المنتدى ألاصلي وفيه وما عليكم زود والله بشر ما أكل انا معهم عيش <<< وش حظرتك
حال لغزين في أقل من ثلاث ليالي معهم ومجموع ما حليته ما يجي عشر اقلهم ونص اللي حليته تراثي معروف واذا تغيرت طريقه عرضه ,,,وسلامتكم وهذي أول وأخر مرة أنقل للغز الا وانا حاط حله في أيدي الثانيه خصوصا هنا
اللغز ما تعرف حله ليش تنقله ؟ 
