أخاف من اعوفك بعد ماأشوفك**اذا ماتجيني أقدّر ظروفك

أخافْ مْنَ أعوفَكْ *** بعَدْ ماأشوفَـــــــكْ
إذا ماتجيْنِــــــــيْ *** أقدّرْ ظُروفَــــــــكْ
طويْلَةْ رَحِلْتـــــيْ *** واخافْ بْرَجعْتيْ
بعد ما أشوفَـــــــكْ
يامفراس اختكْ آنه ولا تِبارِحْـــــنيْ *** جِنتْ إنت تِمَسّينِيْ وتِصَبّحنِيْ
فراقَك ذلّتيْ .. شوفَـــكْ يِفَرّحـــــــنيْ *** كلام الشّامِت بْفرقاكْ يجرَحنِيْ
ياريت الموتْ اخذ روحِيْ ويرَيّحنِيْ *** إذا أنسَاكْ اللهْ لا يِسَامِحْــــــنِيْ
أخافْ أشتِيكِيلَكْ *** واعذّبْ دِلِيـــــلَكْ
واريدْ بدِمُـوعِيْ *** أبرّد غَليـــــــــلَكْ
توَدعَك دَمِعــتِي *** واخاف برجعتي
بعد ما أشوفـــــك
أودعَكْ ياابنَ أبويَهْ ولَلْيِسِرْ أطْلَعْ *** واعوفَكْ بَدِرْ غايِبْ نُورَهْ بالمَصْرَعْ
مِثلْ جِسْمَك تِوَذّر قلبيْ وتْقَطـّـــع *** كلام وياكْ صار يتَرجِمَه المَدْمَـــــــعْ
إذا أرجع ياخوْيَه شراحْ أتوَقّــّــعْ *** إذا أرجَع .. أشوفَك بعَدْ مِنْ أرجَـعْ ؟
أباصِرْ دِلِيْلِــــــــــيْ *** سَفِرتيْ ورَحيليْ
قلتلَه عَجيبَـــــــــــهْ *** أفارِق كَفيلِــــــيْ
عْلَى فَقدَك حَسِرتيْ *** واخاف برجعتي
بعد ما أشوفـــــــك
أصيْحَنْ واليُمُوتْ إشْ ينْفعَه الصّايِحْ *** اسْكَتِتْ ودموعي جَدْوَلْ عَلْ وَجِنْ سايِحْ
غَصُبْ عنّي أعُوفَك والضّعَنْ رايِــــحْ *** بــلا توديــعْ اتِركَــكْ عَلْ نَهَــرْ طـــــــايِحْ
تَعاتِــبْ لا تَعاتِــبْ والعَتَــبْ جَــــــارِحْ *** تِودْنِــي واليِــوِدْ مِــنْ شيْمِتَــه يْسَامِــــحْ
ضَعنّه بْرَواحَــــهْ *** يريدْ السّمَاحَــــهْ
تسير الضّعِينَــــهْ ***ونين ونياحَــــــهْ
تنِشدَك مُهِجْتِـــي *** واخافْ بْرَجِعْتيْ
بعد ما أشوفـــــــك
أنِشدَك لُو مِشَيتْ بْضَعنِـيْ وتْيَسّرْ *** تقدَر تنهَض اتْشِدّ الضّعَنْ تقـــدَر؟
إذا بِسْياطَهْ خَصْمَك يضرُبْ الخِدّر *** تقدَر تِحْميْ عَيْلَه وْسَايرَه بْهَلْ بَرْ
إذا قتّالَك بْمَجْلِسْ شِتَـــــــمْ وازوَر *** تقدَر تِجيْ هْنَاكْ تدَافِعْ وتِحْـــــضَر
إذا وَقـّـفـَـونَـــــــــا *** بْمَجالِسْ عَدُوْنَــا
حَرَمْ واحْنَا نِسْمَـعْ *** يِشِتْمُونْ أبُونَــــا
اشْ يِنَشّفْ دَمِعْتيْ *** واخاف برجعتي
بعد ما أشوفــــــك
إذا مَسْبِيّه مِنْ يَمّك رِحِت وامْشَيتْ *** عنّــي ماقِمِــتْ ياخَيْمِتــيْ حَامَيــــــتْ
إذا مَجْلِسْ دَخَلتْ وْحَايرَهْ ظـَلـّيــتْ *** إذا حَشـّمْتَــك وْلـَلـْنـَخــوَه مالَبّيــــــتْ
العِذِر مَقْبُولْ مِنّك خُويَهْ لا مَاجَيتْ *** اشْلُونْ تقومْ وانْتَ بَسْ جَسَدْ ظـَلـّيتْ
يَاجَمرَةْ حَنِيْنِــــــيْ *** يِعِذرَكْ وِنِيْنِـــيْ
عَسَنْ مِنّيْ قِطـْعَوا *** يسارِي وْيمِينِي
إشْ يِرَجّعْ لـَهِفْتِي ***واخاف برجعتي
بعد ما أشوفــــــــك
اشخَلـّتْ سَاحَةْ الصّف خَذتْ مِنّيْ حْيُـود *** شَحْجِيْ ويَهْ النَهَر والسّهَمْ والعَامُـــود
فُطـَر كَبْدِيْ العِطـَشْ مِنْ نَارْ سَهمِ الجُودْ *** إذا تِسْكِنْ لِحِدْ أسْكِنْ ياخُويَهْ لْحُـــــــودْ
للصّفْ يابنَ ابُويَهْ الضّعَنْ مِنْ يْعُـــــــودْ *** أخَافَنْ ما أشُوفَك لُو رِجَعـــــــــتْ رْدُودْ
يِطـَوّلْ غِيَابِيْ *** وَاجيكْ بْمُصَابِيْ
إذا ما لِقَيتَـــك *** تِزَيّدْ عَذابِـــــــيْ
تِهَيّجْ جَمُرتِي *** واخاف بْرَجِعْتِي
بَعَدْ مَا أشُوفــَــــك

اللّهم نسألك أن ترزقنا شفاعة هذه السيدة الكريمة
وشفاعة هذا السيد العربي الشهم

حماك الله من كلّ سوء
ورزقك شفاعة أهل هذا البيت الطاهر
بارك الله فيك اختي ملاك البدو