بسم الله الرحمن الرحيم
السلام عليكم ورحمة الله وبركاته
اسعد الله جميع أوقاتكم بكل خير
محاورة أعجبتني وحبيت انقلها لكم
المحاورة جرت بين شاعرين من شعراء المحاورة
ولكن هذه المرهـ عن طريق الانترنت
الشاعرين الكبيرين
الشاعر / عوض الله البقيلي ابو مشعاب
الشاعر / حبيب العازمـــي
ابو مشعاب:
سوقها عبر الفضاء دام الضماير حره=الفضاء ما فيه ترحيبه و لا تسليمـه
عالم الذرة تفنن فـي علـوم الـذره=مير عيت تستفيد الناس من تعليمـه
حــبــيــب:
لو وصلت الى الفضاء مرجعك فوق الحره=لا ترحب لين تبني فالفضـاء لـك خيمـه
مااستفاد اللي على دربـه يقـص الجـره=شـدت العالـم وحلـت والعلـوم مقيمـه
ابو مشعاب:
لو بغينا نشترك في الحالية والمره=ينبني بيت الشعر ويبيد ماله قيمه
انتبه للعلم وأنته لا تفك الصـره=ثم يفرح فوقك اللي مابراسه شيمه
حــبــيــب:
النبات افقت حتونه والسنه محمـره=لاتقول السيل سال وصار عقبه ديمه
صاحبك طول الليالي مايبوح بسره=يامفـوح دلتـك تبغالهـا تلقيـمـه
ابو مشعاب:
ابيض الشارب من الغليون اخذله جره=وانتفخ ذربه وجاك يدور التجظيمـه
والأمين اللي على الأسـرار لله دره=لو بغينا نكرمـه يستاهـل التكريمـه
حــبــيــب:
أبيض الشارب بعد مـرك هذيـك المـره=ينتفـخ مثـل الجبـل واحطلـه تلغيمـه
أنـت تبغاهـا تفـوت وجبتهـا مفـتـره=مير ليش أغضبك وانت الشيخ راعي ريمه
ابو مشعاب:
نظرته فيكم عسى ربي يكافي شـره=يا الله استر لا تجيكم كارثة هورشيمه
البشر فيهم مرض وكبودهم محتـره=مير اقف دون اللزوم وزين التختيمه
حــبــيــب:
واحدٍ ماضره الله لو بغيت تضـره=ماقدرت ولاقدر صاحبك ابو تحجيمه
والعلم مرفوع لو البحر يغرق بـره= وأنت تدر أن البهيمه لو تموت بهيمه
تقبلوا تحياتي
مغليكمـ
راعـي الرايــ (فراج بن عون) ـــه
آخر المواضيع
ابو مشعاب وحبيب عبر الفضاء 
