بســـــــــــــــم الله الرحمن الرحيم
أيها الأخوة إليكم هذه المرادات بين الشاعر شجاع بن عمر الاكلبي والشاعر الكبير غازي بن دخيل الله عبر الجوال
أرسل لي غازي قائلاً
بالجهاز أفرحني اليوم رقمك ياشجاع=فرحة اللي شايفٍ غايبه عقب البطا
رافعٍ يا الأكلبي للوفا متن الشراع=ولا أنا مخطي بحقك وداريٍ بالخطا
رديت عليه قائلاً
مرحباً يامعدن الطيب ياريف الجياع=عد من فوق البسيطه برجلينه خطا
أنت رفقة مثل شرواك تشرا ماتباع=عند من يعرف رفيع الديار من الوطا
خابرك هدّاج الأشعار ياسبع السباع=المثايل يوردنه مثل ورد القطا
وأنت نجمٍ لا ضوا الليل يظهر له شعاع=مزبنٍ في عسر الأيام لا شحّت عطا
في العرب ماكر شياهين ودحالة ضباع=وفرق مابين الرفيعه ومابين الوطا
وأرسلت له معاتباً
سلامي لغازي تحمله صافيات النود=سلام الوفا له بأسرع الوقت وجهته
أحب الوفا وأهل الوفا والله المعبود=وأفاخر بعرفي للمطاليق لا جبته
أنا أشامج الطيّب ولا لي وراه قصود= ومن دار لي مقرن علا بيه جنبته
فرد عليّ قائلاً
هلا عد ما مرت على الخلق بيض وسود=وعدد ماتهز النود غصنٍ بفاكهته
بهدية صديقٍ مايقرب من المنقود=صديقٍ يشابهني بطبعه وشابهته
صديقٍ ينبهني عن النقص وعن الزود=وأنا لو ألاحظ لي خطا منه نبهته
وأرسلت له
الطيب له سوقٍ ولا الكل يشريه= يجهل كثير الناس وجهة مقرّه
شرواك غالي الطيب له خبرةٍ فيه=في كل يومٍ وسط سوقه تفرّه
ترفع لك البيضاء على كل عاليه=والزل في سكة مسيرك نشرّه
فرد قائلاً
يابو عمر قولك جزل وأنت راعيه=ومن يستمع في صيد فكرك يسرّه
دلوك تميح من أعذب الشعر حاليه=وكدره يكرع فيه غيرك ومرّه
لا من ديد الشعر درّت معانيه=تبهل خلافه للضيوف وتصرّه
منقول من منتديات اكلب
وسلامتكم
آخر المواضيع
غازي بن عون وشجاع الأكلبي 00 والجوال 
