رد شعراء السعودية على قصيدة الشاعر هادي المنصوري .. الساخره من زيادة الرواتب في السعودية

حنا ما كان ودنا نروح في الاتجاه هذا

بس مدام قصيدة الشاعر هادي المنصوري معلنه ومنشوره

رد شعراء السعوديه لازم ينشر احقاق للحق .. ومن قال كلمة لقى جزاها


هذا رد الشاعر علي بن حمري

ياهل دبي ردو على شين الاسناع=اللي لحقنا منه رمسة ذفاره
اخطا علينا والخطا شاع وانشاع=قليـّـل الدبره ضعيف البصاره
ما الله مكلّف هاديٍ فوق ماطاع=وش دخله فبن المجوّر وجاره
خلاّ عطا الدوله ثمن كيس نعناع=امظمـّرينه ما احسنو في ظماره
إن ما انردع ولاّ ردعناه في ساع=البادي اظلم غارةً تو غاره
لايحسب ان مالي على السيل مجزاع=سيل الحفاير مايشل الحجاره
على حساب ابلادنا والشعب باع=سلعته في سوق الردى والخساره
عطا حكومتنا لو انصاف وارباع=بعيوننا يسوى التجر والتجاره
وحب الوطن فطره ولاهو تطبـّاع=حتى لو انك شفت منه الغياره
وهوى الوطن ماهو هوى سيد الاتلاع=لبا عجاجه وغبرته وقشاره
وحب الوطن ماهوب يشرى وينباع=حبه شرف الانسان وايضا وقاره
نحما شرفنا من رديين الاطباع=ممن تحسّب في مسبه شطاره
ابسألك وابغي جوابك بالاقناع=لو جاء احد سب اشرفك في عباره ؟
تسكت او انك تجزي الصاع بالصاع=تبت يد اللي ضاع حقه وثاره
كسر الشرف في سلم وافين الابواع=ماله سوى الموت المحتّم جباره
يجوع بطن ويبطي الراس ماجاع=من روسنا يستخرجون السطاره
استح وقدّم عذر يامرحب الساع=يامرحبن ماشب للضيف ناره
حاول تشيجع لو ظلمك التشيجاع=واعلن على اعلا علو فالمناره
بالمختصر رمستك مال امها داع=هذي تسمّى عند اهلنا دباره
لومادبي فيها محمد وفزاع=إن كان كفنّا الولد في وزاره

إن كان كفنّا الولد في وزاره

خخخخخخخخخخخخخخخخخخخخخخخخ

اشهد بالله ان علي بن حمري شاعر هذي وين لقاها

الرد هذا للشاعر عايض العتيبي

ياهادي المنصوري الشاعر الواع=أونس على كبدي منول حرارة
أصد واجنب وأنا أدري بالأوضاع=وأرجي من الله فالزمان استداره
واليوم طاحت واستوتلي على القاع=وهديت لين الجو داخت غباره
تضحك بنا ياقصير الشبر والباع=أثرك خفيف الدم راعي عيارة
..................................=......................................
وتبدلت حالك وعلمك لنا شاع=غرك زمانك بالذهب والعمارة
لولك كرامة قفل البار ياراع=....................................
ولا السعودي بألف خير ولاجاع=مرفوع راسه في نواحي دياره
على الوفا ولذمته مابعد باع=لو الدهر ولع على الجوف ناره
والخاتمة وقعلي بروس الأصباع=وادمح لك الزلة ياراع العبارة
وان جاك هجمة من (نجادي) لاترتاع=المملكة ملاذ لأهل الامارة

أنت الزائر لردودي ومواضيعي :

تغرب عن الاوطان في طلب العلا=وسافر ففي الاسفار خمس فوائد
تفرج هم اكتساب معيشة=وعلم واداب وصحبة ماجد

يعطيكم العافيه
وبيض الله وجيهكم