شموخ الأبطال

يمضي الزمن والحدث توجع تفاصيله =وقلوبنا ما تشافى جرحها الدامي
كم ليلة ٍ تعبت الأجفان كم ليله = لو غمض الجفن نون العين ما نامي
إن قلت فقد الأمل وإن قلت تكبيله =وإن قلت موت الفخر بيدين الأقزامي
كابوس ليل ٍ ترك راوية تاويله= ثبات راس ٍ شمخ مع روغ الأقدامي
ومواجه الأمر يغني عن مراسيله= راع المرض يحتمل للميسم الحامي
والقبح واضح ولا يخفيه تجميله =ومن ينخدع فيه ذاب بعشق الأوهامي
يوم ابرهة ساق بدروب الخطا فيله = الطير بحجارة السجيل ما حامي
مدائن العز صاحت له وتوميله= ترقب طلوع الفجر من عقب الإظلامي
ونهر العذوبة عقب صافي مناهيله =تكدر من الخطا وكبار الأثامي
ما كل برق ٍ لمع تصدق مخاييله =كم بارق ٍ ناض عذب خاطر الضامي
كم راس ميت تمنى منه تقبيله = وكم راس حي ٍ تمنى فيه الإعدامي
والمومن اللي ختم عمره بتهليله = عليه مني سلام ٍ مثل الأعلامي
شموخ الأبطال ما تطفي قناديله = لو اُسدلت حجبهم مع مر الأعوامي
نجوم ليل ٍ تهاوى من السما مهيله = إبها ثرى الأرض فاخر موجها الطامي
وعسى يمين ٍ تعاف الحق وتزيله = تصيبها في عصبها رمية الرامي
واللي يعس المطر يعرف مداهيله =والشجرة اللي ذوت ما فرعها بنامي
عم الذعر والغضب صبت هماليله=يا حامي حمى الشرف وين أنت يالحامي
النبع جف وهلك غالي محاصيله = واللي بقا للرياح جذوع وحطامي
يا مبتغي المجد لا تخطي مداخيله = مجد ٍ بلا عز مثل أضغاث الأحلامي
العز مبدأ يجب في النفس تأصيله =والحر ما هان لو يشبك وينظامي
من مات في عز ذات العين ترثيله = في عزة الذات تاج ٍ مصدره سامي
والسيف والحصن لا ضاعوا وش الحيله= مهابة السيف تحمي حصن الأكرامي
ويوم انحدا فارس الميدان عن خيله =شهب الليالي تقفت بيض الأيامي

اشكر اختي صفوفوه
على هذا التوقيع الراائع

ياشعر وقف للكرم وللكريمين ....... اجلال واحترام لكل العشاير .

وخص منهم بدو ديرة فلسطين ..... ولبير السبع تحديد مني بشاير .

اربع قبايل على الراس والعين...... ليهم تحياتي بصدق المشاعر .

وأنا انتمائي ياعرب للترابين ........ ربعي وان دارت علي الدواير