السلام عليكم ورحمة الله وبركاته
اعزائي يسرني ان اطرح بين ايديكم هذه الرائعه راجياَ ان تنال استحسانكم .
وهي للشاعر المميز سعد بن هادي الاكلبي
وناقلها لكم من منتديات اكلب
شكوى شاعر
باسم من يهلك ويحيي ولا غيره الآه=واحدٍ في ستة ايام كون كونها
الارض ارضه كلها والسما كله سماه=مالكٍ مابينها ماوراها ودونها
يعلم بجهر الاوادم على اية لغاه=والنوايا ماتغره قبل ينوونها
البصير اللي يرانا وحنا مانراه=يقبل التوبه ولا رد من يبغونها
جلّ من يسمع دبيب النمل فوق الحصاه=والاوادم عندها غير مايوحونها
انزل كتابه يبشر وينذر من قراه=محكم الايات نور ٍ لمن يقرونها
له نصلي ونتصدق ونعطي من عطاه=والامانه لجل نكسب رضاه نصونها
له نحج البيت ونصوم ونأدي الزكاه=ماخلقنا الا العباده نقيم ركونها
خالق الانسان ومميزه عمّا سواه=با العقل يدرك طعمهاويدرك لونها
وعقب ذكر الله يزين القصيد لمن بغاه=من لسان ٍ ماغوي قافها ووزونها
مرحبا يا الشاعر اللي بنا قافه بناه=عند حكام القصايد ومن يبنونها
شاعر ٍ يشكي على شاعر ٍ شي ٍ شكاه=يشتكي من حاجة ٍ عند من يشكونها
يا محمد وقتنا ماحد ٍ يسلم أذاه=دام بقعا يامحمد تكد قرونها
عيلة الدنيا قديمه وترويها الرواه=من عصور آدم وحوى وهم يروونها
القوي يبلا الضعيّف وياكل من عشاه=الاقويا مالقيته حطته في بطونها
غير لاتفتر عزومك وتبرد في العباه=الصعيبه عند راعي العزم ياهونها
والله لو ان لي جدا لعنبو ذاخر جداه=ماتحريت المواجيع يكبر كونها
اطرق البيبان والسيف لا تذخر شباه=سل سيفك تخضع الروس فوق متونها
حد من كبرت هقاويك به على قصاه=ولع الجمره تولع على غليونها
جرب الرجال ويبين طيبه من رداه=الرخا ماهوب جربه لمن ينهونها
لا تضيع حاجتك بين ذاك وبين ذاه=يسكتونك بابشر ابشر ولايقضونها
قاله اللي خذ دروسه من ظروف الحياه=اتعب ركابه وراها لسواد عيونها
الاوادم ودها بالستيره والغناه=والنيجه غير والله يكون بعونها
من يبي يرقا على الطايل بعزمه رقاه=ومن ذروا واسقوا محاصيلهم يجنونها
ومن رجا في رحمة الله مايقطع رجاه=رحمة حطها الله لمن يرجونها
غافل الدنيا نهار الحشر يلقا جزاه=في نهار ٍ تغفل الام عن مضنونها
في نهار ٍ حظ من عمه الله في رضاه= يوم لاتلقا المناصيب من يكفونها
قلت ردة قاف من باب رد لمن بداه=لجل يلقا غاية الروح في مضمونها
والقصايد كل ماتجلب لجرح ٍ دواه=تعجب المصغين للذوق ويحبونها
ومن ذكر مولاه في مبتداه ومنتهاه=طاب قافه والقصيده تطيب فنونها
وسلامتكم
آخر المواضيع
شكوى شاعر 
