السلام عليكم ورحمة الله وبركاته
يسرني ان انقل لكم هذه الشامخه
للشاعر الرائع عاتق جرمان الأكلبي
من منتديات اكلب
اترككم معهاااااااااااااااا
سبحان من عرش السماء سابكه سبك = أبدع ملاك الحسن في صورة الإنس
زول ٍ ظهر ما هوب مع خالص الترك =شوفه جلا لحزان عن خاطر ٍ عمس
له نظرة ٍ تفتك بقلب الأسد فتك = كم هزة عروش ٍ وكم عذبت نفس
وله ضحكة ٍ تفتن ليا سلهم وضحك = وله صوت به لحن العذوبة وبه همس
وله جسم من حسنه حبك ملبسه حبك = ومن رق جسمه ما يداني به اللمس
وله خصر لولا نعمته قلت به ضنك =متعزل ٍ من فوق ردف ٍ تقل طعس
وله صدر لو هو ضم له ميت ٍ درك = عاش ورجع لأيام طرد الظبا الكنس
وله من بنات الريح جيد ٍ وله ورك = واليا مشى ماتسمع لمشيته حس
وله جلد من لولو وبه ريحه المسك = ومن كل عضو ٍ فالجسد ساطع ٍ شمس
لو شاف حسنه ناسك ٍ صادق النسك = خطر ٍ يصيبه من جنون الهوى مس
له بالضماير أرض دوله وله ملك = حامي ٍ حماه بسيف فارس بني عبس
تنظم له نجوم الفلك نظم في سلك = وأرقى الحرير لجسم غض النهد لبس
حبه ثبت في وسط قلب ٍ منه هلك = كما اثبتت بالكف لصابع الخمس
آخر المواضيع
ملاك الحسن 
