السلام عليكم ورحمة الله وبركاته
هذه الرائعة من القصايد القديمه
للشاعر الكبير محمد بن سياف الصاري الاكلبي
نقلكم من شبكة قبائل اكلب
والله لولا القضا والقدر نومن به = اني مخلي بعض لزمات تجرحني
واخاف من فعل سو يحيط بي ذنبه = مهما استتر يكشفه ربي ويفضحني
ماصبر عن الما الزلال ومسكني جنبه = لرده واصدر وكلب القوم ينبحني
وان مارضو شربة المصدار لقطن به = ومن صاد لي مذبحٍ سهلٍ فيذبحني
وان عشت حققت حلمٍ دايم احلم به = طاريه مثل السبب ياخذ ويلفحني
لاكن سهم الجهل ماودي اطعن به = ولي عن دروب المعاصي عقل ينصحني
والجرم جنبت دربه خايف اجرم به = وخيل الشياطين ماركبها فتطرحني
لاكان دنياي تعذيبي تفنن به = تهبد بيدها وبالرجلين ترمحني
غريق في بحرها ويش آتلزم به = موجٍ يجي من وراي وموج ينطحني
وفي برها لهجتي رطنٍ لو ارطن به = آصير عباد وجه وجاه مفصحني
والكافر امشي معه لا اكفر ولا اسلم به = ولا ارضى عدو القفا فالوجه يمدحني
وذا طبع الأنذال احذر منه واجتنبه = وراعيه ابيعه بما جابه ومربحني
بيتٍ بني بالنذاله ينقلع طنبه = وراعيه اجهز غبوقه قبل يصبحني
عندي له امخمسٍ فالوجه يلطم به = حتى عيونه تدنق يوم تلمحني
واللي له اني فلا آثق به ولا اركن به = واني لعرقل مسيره قبل يسنحني
وان راح ذلفه وكان اقبل فلا اهلاً به = له مني الكسح وان جيته فيكسحني
آخر المواضيع
من قديم ابن الصاري الاكلبي 
