نفحات من عطر القصيد من اختيارات الساهرة

ليلة مطر شق الرعد جـو الانفـاس=وامطر جنون العاصفه من حروفـي
اعد واذكر ناس .. وانسى بعض ناس=اشباح ذكرى تسكن اطـلال شوفـي
كان الزمان لصادق الحـب نبـراس=وكان المكان اطهر مكـان لوقوفـي
طفولتي ياحلـم ياغربـة احسـاس=يابعد شـق بخنجـر البعـد جوفـي
اصرخ ولكن تحتضن صوتي اقـواس=وجمرة قلم مرتـد تشعـل كفوفـي
كل ماتكسـر للقلـم بيـدرالمـاس=حدر السنابل تورق اغصان خوفـي
وكل ماخرج من معطف الليل نسناس=احاول اخـرج مـن ثنايـا ظروفـي
واكتب شعر تنزيل من وحي الانفاس=لعلها تقلـب حروفـي .. حروفـي

ياصاحبي وقـف لزيـف الصحـاري=وبشر هجير الشمس عن موعد السيل
حاول تغيـر فـي ملامـح نهـاري=واعط القمـر مفتـاح بوابـة الليـل
مدري لشنهـو موعـدي وانتظـاري=مادامـت أيامـي قليلـة محاصيـل
في داخلي نزعـة خفـوق انتحـاري=حلـم تكسـر فـي ثنايـا التفاصيـل
واثر انكسار الحلم يعنـي انكسـاري=بغيت اكمـل وانكسـر فينـي الحيـل

انا ماني بمن يقرا الصور حتـى ينـام اللـون=ولامن يهدم اسوارالشمـوس ليبنـي ظلالـه
انا الليل البهيم اللي خرج من كاحل العرجـون=صباح اطراف اصابعكم تنـز بطينـة اطفالـه
جنوني حكمتي .. والحكمه اولها صلف بجنون=لذا صوتي رما دلـو الكـلام وقطّـع حبالـه
صحيح النار تاكلني .. ولكني عرفـت اشلـون=اموت .. وكيف يختال الرمـاد بعـزة اشعالـه
وداعاً يالسيوف الطاعنه في جثـة المطعـون=وداعاً يالمرايا .. وجهى اول وآخـر اشكالـه
وداعاً للمكان المستوي فينـي وفيـه الكـون=هلا بك يامكان ٍ قبلـي اسمـك ماحـد ٍ قالـه
مخاليقه تعيش بدون اساميها عشان آكـون =انا اول من يدق طبول عرس الشمس في رماله

تعبت اراجيهم بما تخفـي الـروح=متشردٍ قطاع غـور الـدم الحـار
إما مسافر حامل أفكاري جـروح=ولا مقيم وحامل جروحـي أفكـار
وتعارضت في سندباديـة البـوح=كينونـة الناسـك وبوذيـة النـار
السر مسودة تفاصيـل مفضـوح=والحال تضحك منّه أشباح الأقـدار
أحكي وكيف أحكي بما تخفي الروح=وانا يدي حمرا بلون الـدم الحـار

اروى .. وانا جرحي ثمل طين وتراب=قـاع ٍ خطـب ود الغيـوم ونفاهـا
اروى . وتكسر ضحكتي دمعة اسباب=وكم فرحة بعـت بكدرهـا صفاهـا
تبعثرت فـي ذاكـرة صيـف كـذاب=ادركـت باديهـا ولـذت بجفـاهـا
كلي رجا .. ومنادمة ليـل وعتـاب=وجروح تركض عكس نقطة شفاهـا
اغمّض عيوني على بـرد الاهـداب=واتذكر احضـان امنحتنـي دفاهـا
والليل درويش ٍ حمل رفض الابـواب=خبل ٍ شرب زيت الشموع وطفاهـا
وانا على جال السهر ظـل وكتـاب=احـاول استرجـع لاولـى جفاهـا

من قال مالك شي من فاقد الشي=ماهو صحيح وفاقد الشي يعطيـه
مثل الشجر يعطي لنا بارد الفـي=يعطي الظلال ولاهب القيظ يكويه
مثل القمر يعطي لنا برزخ الضي=يعطي الضيا ومايندرى وش يغطيه
مثل العذاري تسقي النازح المـي=تسقي البعيد ونخلهـا ماتسقيـه
مثل الطبيب اللي يداوي عن العي=لكـنّ ماهولاقـي احـدٍ يداويـه
عطيتك التحنان من خافـقٍ حـي=يعني عطيتك شي انا منحرم فيـه
أرويتك ابعضي وانا فاقـد الـري=مخفي ظماي وقلبي الحزن طاويه
لي في عيونك لاح مستقبلٍ جـي=حلمٍ بعيد ٍ .. ساهر الليل يرجيـه

صاح بي / صاحبي .. والليل عطر الكتابه=كيف نبنـي وطـن للمتعبيـن اغتـراب
كيف تطلـع يدينـك يارفيـق الصبابـه=وانت للتمر فـي شفتـك طعـم الغيـاب
قلت له : ظلك الناضح بريـق ومهابـه=اطعن الظل واكتب مـن دمـاه الجـواب
من رقى نخلة الدفتـر وشـق السحابـه=تغسلـه باحتمـالات المطـر والتـراب
كلما خـدرت صحـو السـؤال الاجابـه=سال قيض تشجر من عـروق السحـاب
فوق نخل جنـو طلعـه وخانـواترابـه=وارتدوا فوق ثوب الطين .. طين الثيـاب
صبي الغيـم ياسلمـى لنـاس ٍ غلابـه=من عطشهم على الما يحلبون السـراب
اظهري مثل نفحة برق .. والفجر غابـه=واختفي مثل ورده فـي ظنـون الكتـاب
غصنها يعزل الما من سـراب التشابـه=والنسانيس ترسم بـه نوافـذ .. وبـاب

حبيبي مانت لي وحدي حبيب ولا حبيب الكل=كثير اللي يحب ويمتلـى ويفيـض فنجالـه
دخيلك لاتحاصرني حبيبي بين شمس وظـل=انا مثل المطر مثل القدر مثل الشعـر حالـه
انا مثل البحر قالت له امواجه تكلـم .. قـل=ولاقال البحر كل الكلام اللـي علـى بالـه
انا اللي الف نجم ٍ اهتدابي والف نجم ٍضـل=سرى من شرفة الغيم البعيده ينفض ظلالـه
تقول امي وهبني شعري الخلاق عز وجـل=جمعت الها النجوم اف ثوبها وابتلت اسماله
احبك .. لاتصيرها علـى اوراقـي سـؤال=وحل دخيلك ياحبيبي من جواب الحب وسؤاله
اخاف اقولها ويجـف ورد ٍ بالظنـون ابتـل=وانا ماحب اكون الشاعر اللي يبكي اطلالـه

لو صرخت. النار لاتحطب ضلوعـك=زادهـا وزنادهـا مـنـي وفـيِّـه
وان صرخت.. النور لاتوقد شموعك=في عيوني من غبار الشمـس فيَّـه
وان صرخت.. الموت لاتنزف دموعك=مانـزف طاهـر كمـا دم الضحيـه
ليه تبني فوق رعش احلام جوعـك=عرش عـراف المسافـات القصيـه
وانت دايم سلمـك يرقـى طلوعـك=ماستـوى طينـك لتوطينـك هويـه
كل منفـي داخلـك ملفـي ربوعـك=وانقطاعاتـك لطاعاتـك عصـيـه
اعص .. ولاّطيع عصيانك بطوعـك=لاتطفـي جمـرة آلمـا فـي يديـه
هاك نار القلب لاتحطـب ضلوعـك=تحطب ضلوعك ونار القلب حيه

يامحرم علـى اوراقـي حضـور القصيـده=خيـرة الله عليـك اطلـق رهينـة غيابـك
القوافـي غـدت مثـل الخيـول الشريـده=ويـن ماتتجـه يتبعـن وجهـة ركـابـك
واحتبس منـك دم المحبـره فـي وريـده=شوف.. حتى القلم ماطاق قسـوة عذابـك
كيف اعاتبك كيف اعطيك فرصه جديده=انـت شوهـت مفهـوم العتـاب بعتابـك
كـان لـي فيـك ياماكـان هقـوه بعيـده=يجذبنّـي حبـال الصيـف واتبـع سرابـك
اتعبتنـي مسافـات الــدروب العنـيـده=لازم اسألـك واتحمـل فجيعـة جـوابـك
قـول مابيـك والفرقـا طرقهـا عـديـده=كان عندك شجاعة صـدق تبـرح جنابـك
خذ معك كل شـي غيـر القلـم والقصيـده=مالهـا ذنـب تاخذهـا رهينـة غيـابـك

دخيل ركـض الوجـع والآه والضمـه=ومتابع الركض .. لاتكّلف على شانـي
خلاص مني ومنك الحـب فـي الذمـه=تضاعفت من جروحـك قـوة ايمانـي
محسوبك ان جيت وان ماجيت ماهمـه=وش ياخذ الدمع من تغميضـة اجفانـي
انام وادخل قميـص الليـل مـع كمـه=واخرج صلاة الفجر مـع كمـه الثانـي
اتنفـس الفجـر الاول عاقـد الهـمـه=واركض مع الناس .. والعن خيّر احزاني
كرامة النفس عندي فـوق فـي القمـه=وتثور من دونها .. نـاري ، ودخانـي
ذبحت خيل الهـوى .. واسقيتهـا دمـه=خليتها غصب تحمل جثـة ( الجانـي )
ياحالمـه فـي دروب العشـق مهتمـه=عمري مهو لك رصيف احلام واشجاني
عمري قصيده ( رديـة حـال )منسمـه=مافينـي اوراق يامحبوبـة اغصـانـي

رفرفت فـي بالـي اوراق بيضـا مهملـه=واشتهى صمت ابيض الجوع تفاح الكـلام
مثل طفـل ٍ كـان يبنـي ويهـدم منزلـه=في هديل البحر واصطادته موجـة حمـام
جيـت لاسهـم ٍ تناسـى ولاجـرح ٍ دلـه=عن هوى اللي ينزعون الجروح من السهام
جيت للدنيا قمـر وجـه صوتـي حنظلـه=تحت جلدي ذاكرة خبت من رمل ..وعظام
لي سما عالي وحفنة سديـم و.. وسنبلـه=سبحت فيهـا وغنـت عصافيـر الغمـام
كن من روّع ضبى خبـت دمـي واجفلـه=وارتبك في حانة الصيف طاروق الصـرام
كلمـا قربـت للريـح نــار ٍمشعـلـه=فوق صدري زادني جمرهـا بـرد وسـلام
كيف خيلت آخـر الوقـت قـاع ٍ ممحلـه=كيف خيلت آخـر القـاع وقـت ٍ للهـدام
وش هو آخر دربنا .. آخر الـدرب اولـه=لاهمزنـا مهـرة الوقـت وانـزاح اللثـام
كـل درب ٍ تعرفـه حـاول انـك تجهلـه=الدروب لصمت وجهي .. مجاهيل وظـلام

اذكـرومبتل السكوت اطفاك واشعلك الحوار=ليلـة شتـا فيـهـا تقاسمـنـا ظـنـون الأرصـفـه
قلت انك اطول مايسور قامتك ظل الـجدار=قلـت انـك اجمـل ماتشـوهـك الحـيـاة المتـرفـه
قلت ان اقوى مانقيضك غير هذا الانكسار=فـي صوتك الليله ولاهـو صوتـك اللـي بعرفـه
خابرك تحكي عن خلاص الورد واغصان الحصار=تلمع تلاشي تنبعث من كل شي فـي اطرفـه
مسفر قم انفض ثرثرة دفترك عـن صمت الغبار=حتى تنامى من فضا الغبشه عصافير احرفـه
وان كان من غيم الجبل سيلـت بالوادي نهـار=جب لي معك مـن سـدرة الـوادي هديـل .. ورفرفـه
اذكـر عـن الموتى يجي لاصـار للفـي انحـدار=مـع لمـة الفيـه علـى بـالـك كــلام تسولـفـه
ماعـاد فـي قلبـي تشـب لدهشـة التخميـن نــار=صمت المدينه في عيونـك ضـج رقـص وغطرفـه
اسمع دوي ريـح الجبـال اللـي لهـا بصـدري قـرار=يمـمـت لــك تيـارهـا يجـرفـك ولاتجـرفـه
تعبـت افتـش عـن ينابيـعـي وخطـواتـي بـحـار=تعبـت افتـش عـن سمـا حفنـة رمـال مجغـرفـه
ماختـرت اكــون مــن الـهـوى .. والـنـار =والطين اختيار ماخترت الم البحر دمع ٍ في عيوني واذرفه
ماخترت اغنـي موجـة اليامـاااال مـن لـول البحـار=لكنـي اخترتـك تقاسمنـي ( ظـنـون الأرصـفـه )

آه يا قربـك ويـا بعـد المسافـة=اقرب مـن القـرب لكنـك بعيـد
أنت عمر صب في عمري جفافـه=نصف نار ونصفـه الثانـي جليـد
أنت نهر عندي استـودع ضفافـه=واعذابي لا افتكرت إنـي وحيـد
حزني ابسقف المسا يأخـذ كثافـه=ويتصاعد صبـح دخـان وحديـد
وارتمي بين الحقيقـة والخرافـة=جوف صدري عذق وضلوعي جريد
افتح الدفتـر ويصفعنـي غلافـه=ويتساقط كل ما بـه مـن قصيـد
وتختنق دمعه ويسقط حلـم تافـه=وارجع ارسم اكتب احلم من جديد
آه يا قربـك ويـا بعـد المسافـة=اقرب من القـرب لكنـك بعيـد

بس ماخذت من صمتي نهاية مطـاف=دمي أخضر ..ورماي القفا مايصـوب
ترعد اقلوبهم – لكن مطرهـا جفـاف=وش يميت القلوب الا جفـاف القلـوب
من يصدق ؟ نهر يغتال حلم الضفـاف=بين جزر الشمال وبين مـد الجنـوب
ماهقبت أن في عشق الرمال انحراف =لين خانتني الخطوة ..وخنت الـدروب
بعدها صرت " للصفين" معنى وقـاف=وابتسامة على ثغر المواجـع تـذوب
الاماني / سنابل ينتظرها القطاف =والمواسم / تعاني جوع كل الشعوب