بسم الله الرحمن الرحيم
السلام عليكم ورحمة الله وبركاتـــه
اسعد الله جميع اوقاتكم بكل خير
قصيدة اعجبتني وحبيت اطلعكم عليها
القصيدة للشاعر الكبير/ مناحي ابو شعرتين الشهراني
يالله يـا معبـود يـا عالـم كــل الغـيـوب=يا عظيـم الشـآن يـا واحـد نرجـي عطـاه
يـا وجـودي تالـي اليـوم قـدام الـغـروب=ويا وجودي في عشي النهـار وفـي ضحـاه
و يا وجودي لا بدا الليل يكسي الأرض ثـوب=و يا وجـودي لا بـدا الليـل يكسيهـا عبـاه
و يا وجودي كل مـا هـب نسنـاس الهبـوب=و يا وجودي كل ما حس جـرح فـي حشـاه
و يا و جودي و جد من تاه من بيـن الـدروب=و يا وجودي وجد من طاح مـن بيـن العـداه
و يا وجودي و جد من هو على الأمر مغصوب=و يا وجودي و جد مـن لـه مقـام مـا لقـاه
و يا و جودي و جد من ضيعه كذب الكـذوب=و يا وجودي و جد من ضيعه بعـض اصدقـاه
و يا و جودي وجد من هو على شفـه دبـوب=ويا وجودي وجـد مـن تبحـث الدنيـا خفـاه
و يا وجودي وجد من سج نوب و فـاق نـوب=ويا وجودي و جد مـن طـاري الفرقـا بـراه
و يا وجودي وجد من حـس تآليـف القلـوب=و يا وجودي و جد من شاف شـيء مـا بغـاه
و يا وجودي كل ما شفت برق فـي نصـوب=و يا و جودي كل ما شفـت غيـم فـي سمـاه
كلهـا مـن شـآن حـب الجنوبـي للجنـوب=و كلهـا مـن شـآن حـبٍ رفيـع مسـتـواه
و كلها من شآن صبـري علـى حـر اللهوب=و كلـهـا مــن شــآن يالله يالله بالنـجـاه
و كلها من شـآن زيـن الملامـح و السلـوب=وكلها من شآن مـن حـب زولـي و اهتـواه
و كلها من شـآن يـوم السوانـي و الغـروب=و كلهـا مـن شـآن وقـتٍ سقـاه الله سقـاه
و كلها من شآن كشفـة غطـا كـل محجـوب=و كلهـا مـن شـآن بـرق يشوّقنـي سـنـاه
و كلها مـن شـآن الايـام غالـب و مغلـوب=و كلها من شـآن يـوم الفـرج يبـدي ضيـاه
و كلها من شآن في النـاس هايـب و مهيـوب=و كلها من شآن مـن هـاب شفـه مـا قـواه
و كلها من شآن حـبٍ و مـن شـآن محبـوب=و كلها من شآن ويـن الحـلا و احـلا حـلاه
و كلها من شـآن ذيـبٍ سـرى ليلـه قنـوب=و كلها من شـآن يقنـب يبـي يلقـى عشـاه
و كلها من شـآن مـن تـاب ولا مـن يتـوب=و كلهـا مـن شـآن يهدينـي الله فـي هـداه
تقبلوا تحياتي وتقديــري
مغليكمـ
راعـي الرايــ (فراج بن عون) ـــــــه
آخر المواضيع
كلهـا مـن شـآن حـب الجنوبـي للجنـوب 
رد : كلهـا مـن شـآن حـب الجنوبـي للجنـوب 
