عبد الكريم الجباري [ هـنـا ]

الطير لاكسـرت جنحانـه يطيـر؟=هـذا السـؤال الـي يـدوج بالخفـا
ماهمنـي مابعـد هـذا وش يصيـر=الي حصل في صفحه الماضي كفـا
مابين خـوف الله وتأنيـب الظميـر=ماخاب اي شخصن لوجـه الله عفـا
انـا السفيـر الـي يدورلـه سفيـر=وانـا الوفـي الـي زمانـه ماوفـا
شفت الزمن لبسني الثـوب الحريـر=وثوبـه يبنجنـي لطعنـات القـفـا
ماعاد ابي ثوبه وابي ثـوب الفقيـر=الـي احـس بلبستـه ستـر ودفـا
اسهـل مابالدنيـا برستيـج الاميـر=بس المصيبه لـو بعـد نـاره طفـا
من عاش وقتـه لايجـار ولايجيـر=محـدن بداريبـه مشـى والا لـفـا
والكلمه الـي حدهـا حـد الشطيـر=لاقال شخصن تحسب حسابه افـااااااا
ياااكبرها كبرااااااه في عين الكبير=وياصغرهـا للـي بمرجلتـه هفـا
الحمل ماشاله سـوى ظهـر البعيـر=الـي تبيـن فـي مواطيـه الحـفـا
البارحه تقريب فـي حـزة عصيـر=كنه خفوقـي قطـن فـي دار السفـا
طرا علـي الحـب الاول والاخيـر=الـي معلقنـي علـى جسـر الجفـا
وش هو سبب هالصد والدنيا بخيـر=ليتـه مأكـد صـددتـه والا نـفـا
ماني بناقص هـم تكفـااااا يالعشيـر=جفنك ينـام وجفـن غيـري ماغفـا
ابك انت غير وغيـر اي والله غيـر=لوهو صفا جـوي بدونـك ماصفـا
لاكن خذ الشرهه وانا اخبرك كبيـر=ماهي تجيني منك يالغالي افـااااا

خالد وضيدان كلن قال انا راعي اليتيمه=مادرو بان اليتيمه قطعة مني وفيني
بند من بند الحقوق يقول ذي سرقه عظيمه=واللذي ماهو مصدق لاقرأ نصي يجيني
هيه ياخالد وياضيدان يامال الغنيمه=واحدن شعره سمعته واحدن شفته بعيني
الفشق والفرد زاهب والخصم يلقى خصيمه=عاصبن راسي وراسي شر لعيونك ضنيني
يابعد من زاغت اعيونه على صورة حليمه=ويابعد من شال في قلبه علي ولايبيني
ياليتيمه من عرفتك ماعرفت الا الحشيمه=ومن فقدتك يايتيمه مافقدت الا يميني
لو بقول اني نسيتك اوووه ياكبر الظليمه=لو اقول اني تسيتك كني انسى والديني
ولو بقول البعد عادي بعتبر هذي جريمه=شاعت بكل البقاع وبصمه العار بسنيني
ياليتيمه مالقيت الطب لجروحن اليمه=ماظلمتي غير نفسك قبل انك تظلميني
ياليتيمه خافي الله صرت لجروحي وليمه=خافي الله ياغلاي الله عليك اتسامحيني
لو انا ماكنت مخطي والبلا بهل النميمه=جبت لك ميه عذر يمكن تجين وتعذريني
الله اكبر يا زماني كان لي قدرن وقيمه=كان لي!واليوم هذا خافقك مايشتهيني
كان لي!والعالم صرت انا موضه قديمه=كانها فعلا كذا؟ ياخي تعالي جدديني
والله اني مازرعت الا نواياي السليمه=وماحصدت الا العذاب وفوق هذا تجرحيني
ياليتيمه ياليتيمه ياليتيمه ياليتيمه=ياليتيمه راح صوتي راح صوتي واسمعيني
لو بقول اني نسيتك اووه ياكبر الجريمه=بس لبيلي طلب لو مت بالله سامحيني

ياخليف مابه باليدين استطاعه=القلب يشفق والمعاليق ياخليف
يشفق على حائل وشوف الجماعه=شفقت بنئ شمر على الطيب والضيف
في راكب الي عزمها له طماعه=تصنيفها من جيدات التصانيف
من وارد الساير جديد اختراعه=صناعه ندرك فعوله ولا شيف
طول المسافه كنها ربعه ساعه=ماكننا في ماقد الحر والصيف
تمشي ووجهتها ديار الشجاعه=اهل السخى ربعي على الرمح والسيف
وتاصل لخو وضحه بسمع(ن) وطاعه=ابو هلا ماهي تصنع ولا زيف
طلقن احجاجه والكرم من طباعه=للضيف والله ماحسب للتكاليف
وله مجلس(ن) باهل النشاما بضاعه=تداوروبه من خيار السواليف
لاغاب واحد مانوا بالقطاعه=لاروحو عنه يجونك مناكيف
اهل الفخر واهل السطر والبتاعه=شرابة الطيبه وشرابة الكيف
عسى السحاب الي كثير نفاعه=يسقى حيا دار لاهلها مواقيف
ينبت بها عشب(ن) بشوفه متاعه=مثل الخزامى والنفل والجفاجيف
واختامها معاد فيها طماعه=توصل لاخو وضحه من الكيف للكيف

رضيت بدبرة المولى وانا في عيشتي راضي=يقولون العرب صمتك ذهب لو الحكي فضه
اعيش بصفحه الحاضر واجدد صفحه الماضي=وا نا مثل الشجاع الي يجول ولاصدق حضه
احاول قد ما اقدر واعرف ان العمر قاضي=واعالجلي ذراعن لوتعداه الكسر رضّه
فهيم ولاكنن منهو يفهم حضرت القاضي=ابعد لو ذكرت الي يقولون العمر مضه
حكيت وما حكيت الا بأدب واحسن الفاضي=ولكن الذهب صمتي ولوكان الحكي فضه

الله اكـبــر يـــا لـيـالـي مـابـقـا غــيــر الـبـقـايـا=هـي مـن اسبابـي او انـه يالليالـي مــن سببـهـا
الوكـاد ان آخرتهـا صـرت مـن ضمـن الضحايـا=مارضـيـت الا دريـــت بقسـمـتـن ربـــي كتـبـهـا
الله اكـبــر الله اكـبــر لــــو تـحـظـنـت الـهـدايــا=ذكـريــات وامـنـيـات ودمـعـتـن تـغــرق هـدبـهـا
قـربـيـلـي يـالـنـصـايـب واقـربـيـلــي يـالـمـنـايـا=واعبسـيـلـي يـالـوجـيـه وعـلـمـوهـا يـاعـربـهـا
علـمـوهـا لـــو تـبـعّـد دونـهــا بـيــض الـنـوايـا=علمـوهـا لــو تفـكـر سهـلـهـا يـسـبـق صعـبـهـا
علـمـوهـا لـــو تـقـيّـم قـدرهــا يـعـلــو سـمـايــا=وعلمـوهـا فــي طلبـهـا آخ لـــو تـذكــر طلـبـهـا
او كـلام اللـيـل يمـحـى فــي وجــودك ياضحـايـا=بس ابعـرف يالضحـى فـي قولهـا منهوغصبهـا
الـعــرب قــالــت نـصـيـحـه لاتـكـثــر بالـهـقـايـا=ليه.....؟ لو صدوا تشوف النفس مازادت تعبها
ماسمعـتـك يالنصـايـح واعـتـرف هـــذا خـطـايـا=الادب انـهــا اتـعــذّر بـــس ويـنــك يـــا ادبــهــا
اهـلـهـا ماعلـمـوهـا مـــن يــســوي هـالـسـوايـا= لا...لا وادخـل علـى الله مـا تكـلـم عــن نسبـهـا
يمكـن انـي كنـت ضايـق مـن كــذا جـانـي بـلايـا=والا اهي ماهي بسيطه فـي نسبهـا فـي حسبهـا
بنـت شيـخ وكــل اهلـهـا مـدهـم جــزل العطـايـا=والـعـذارى بالغليـبـه مــا اظــن احـــدن غلـبـهـا
علقتـنـي فــي رجــاي وقـــام يذبـحـنـي رجـايــا=علـمـوهـا بشتـيـاقـي حـتــى مـشـتـاق لعـتـبـهـا
ذكـروهــا بشـتـيـاقـي يـومـهــا كــانــت مـعـايــا=وشتـقـول الحـيـن فيـنـي لــو تـذكـرتـه جـذبـهـا
الله اكــبــر يـالـيـالـي مـابـقــى غــيــر الـبـقـايـا= ذكـريــات وامـنـيـات وقسـمـتـن ربـــي كـتـبـهـا

جيتك وانا مشتاق .......مشتاقلك موت=مـاعـدت انــا اقــوى واتـحـمـل غـيـابـك
مــن لهفـتـي عـيـا يجاوبـنـي الـصــوت=ابـطـيــت عــنـــي لاكـــــن الله جــابـــك
جابك وراحـت وادري ان فاتنـي الفـوت=صـدمـه عظيـمـه جاتـلـي مــن جـنـابـك
التـوت مـو هــذا عـلـى خـبـري الـتـوت=حــتــى هــلابــك مـانــطــق يـاهــلابــك
حسيـت نفـسـي وقتـهـا وســط تـابـوت=وافـتــر راســـي مـــا امــيّــز صــوابــك
جيتـك وانـا بانـي علـى شـوفـك بـيـوت=هديـتـهـن واخـلـفــت مـنـهــو هـقـابــك
والـي خلـق يونـس وفكـه مـن الـحـوت=لـو بـه عـذر كنـت اعـذرك مـن جـوابـك
بــردك يعلمـنـي عـلـى لـبـسـه الـكــوت=بــردك ونـــاري واتـبــع الـــي غـدابــك
عـقـاب لــو انــه تـوّجــد عـلــى نـــوت=مـاهـو دلـيـل انــي بـحــط الـرجــا بـــك
راعـي الذهـب لـو جـاب لولـو وياقـوت=فـرّط بـهـن لــو كـنـت تعـطـي حسـابـك
والمـوت لـو انـك تبـي تـعـرف الـمـوت=لاخـــاب ظـــن الـــي يـبـيـك وهـقـابــك

الـبـارحــه يـامـحـمـد لـيـلـتـي iiلـيــلــه =مـاغـيـر افـكــر واحسـبـهـا iiواقـلـبـهـا
يومي تواجهت مع مـن يلبـس iiالشيلـه=قمـت الهواجـيـس اشرقـهـا iiواغربـهـا
سبحـان مـن جـاد فـي صنعـه iiوتمثيلـه=شقـت عيونـه تقـول السيـل iiضاربـهـا
قـال التفـت فــي يديـنـي مابـهـا iiحيـلـه=دام الـمـقـاديـر مـاتـحـمــد عـواقـبـهــا
قلت العسـر يمكـن امـع الوقـت iiتعديلـه=الا اذا عـشـرتــي مـنـتــه iiبـراغـبـهــا
قال احسن الظن شوف الروح وشهيله=وش فـايـدتـهــا اذا مـنــتــا iiمـعـذبـهــا
ماهـو بـالاول تـحـول صـعـب تحويـلـه=وتـكـفـا ابـيــك الـحـقـايـق iiماتـكـذبـهـا
قلـت الحـكـي مكـثـره والفـعـل iiعزيـلـه=ماشـفـت انــا فــي عيـونـي يامغلـبـهـا
دامــك تـقـول الـغـلا ياصـعـب iiتبديـلـه=عـلـل هـذيـك الخيـانـه وش iiسبايـبـهـا
قـال اعتبرهـا جهـل اوطيـش او iiميـلـه=مثلـك يـبـي يـدمـح الميـلـه iiويشطبـهـا
ابنشـدك عـن حقـوق المـزن iiوسهيلـه=لاوافــق الـوسـم ماتـحـمـل iiسحايـبـهـا
قلت اتحكي في سحابن ما مشـى سيلـه=دنـيـاك هـــذي كـفــاك الله iiمصايـبـهـا
والموت لا مـن نـوى يرسـل مراسيلـه=مـاحـسـب اصـغـارهــا والا iiلشـايـبـهـا
وانــا مـعــه يامـحـمـد خـــذت تعلـيـلـه=تقـريـب سـاعـه اشـرقـهـا iiواغـربـهـا
بــس الـوكـاد اعترفـلـك ليلـتـي iiلـيـلـه=من كثرت الشـوق ضعنـا فـي iiطلايبهـا

ضايق ومستانس ورايق وطفشان=تجمعـــت بي كلبـــــــوها بساعه
ياستار اكاديمي ابي منك عدنان =خلــــه يجـــي بعلقـــه من كراعه
اللي يجـازي ديرة الطيب جحـدان=نــدق له خشمـــه ونلـــوي ذراعه
ان كــان في سلمك محبه وخـلان=عندك علاقـــــات وسوالف مياعه
مو عندنا رح دورهـ في بلـــودان=تلقى على سلمك ربـــوع وجماعه
فنـــان واشهـد له مــــو اي فنان=فنــان من راســه حتـــــى نخاعه
الدار ياعـــــدنان مــو لعب وغدان=هاذي اللــي اغنتك عقب المجاعه
هاذي الكويت ولا مهونه بالاوطان=دار الكرم دار الفخـــــر والشجاعه
دار المحنــــك ابو ناصـــر كحيلان=لمثله يقول الشعب سمعـن وطاعه
ضايق ومستانس وضايق وزعــلان=وبغير الموضــــوع من عـرق قاعه
متصدر حصـــــاني على كل ميدان =وواثق وعندي في قصيدي قناعه
لو قلــــت لي بيتن بدون اي عنوان =بالسوق يشرى مثل شري البضاعه
ليا من بغيت الشعر مانـــي ببلشان=لكني اطمـــع بالفـــــــرايد طماعه
تصب لي من غيمـــه الشعـــر هتان=مع اول الوسمــــــي وفيضة قاعه
انجح ويطلع لك من الناس عـــدوان=ومركب نجاحك لاترخي شـــــراعه
قبــــل استشير فلان وفلان وفلان=واليوم عندي للمشـــــــاور مناعه
اخذ بشور عبيد في بعض الاحيان=لو رايــــه غيــــر راي الجمــــاعه
(اضرب على الكايد ليا صرت بحلان=عند الولي وصل الرشا وانقطـاعه
اما تجيب عقود حــــص ومرجــــان=والا فهي لابليــس طار بشعــــاعه)
يابنت فلي في قرونك على شان=شعرن خــذا رمز الصحيح انطباعه
ضايق ومستانس ورايق وطفشان=وبشنكـــــر اللي غثني من كراعه

يقول الي تغنـى فـي كلامـه=عرفت ان الليالي شبه خامـه
تروح وتنطوي والعلـم يبقـى=اذا كان الـردى والا الشهامـه
ابقصد واعسف القاف وبغنـي=ولا مريت من جرف العدامـه
انا اصعد من طويله لي طويله=وعلى شعري مواثيق وعلامه
ولا طقيتهـا فـي كـل حاكـم=دور حاجة البطـن وطعامـه
انـا غنيـت للطيّـب وطيبـه=واكرّم من تحق الـه الكرامـه
على الجبلان وجهت القوافـي=لعنـه الله مـن زت الملامـه
هذولـي لابـة الجبـلان والله=لهم قدر الجبـاري واحترامـه
هل الردات مرويـت الهنـادي=عوايدهـم يفكـون الجهامـه
يسفون الهـوى زود الطناخـه=يبون التاج هاويـن الزعامـه
الا منه نخاهـم مـن نخاهـم=يذبـون الطواقـي والعمامـه
والا من قال ابن لامي مشينـا=تحزم كل رجلن فـي حزامـه
يجون الموت مايدرون وشهـو=يبون امن الجمل عالي سنامـه
نعرف فعولهم والناس تـدري=واظن النـور جلايـن ظلامـه
وعليك بديرة الصمـان تشهـد=وتشهد نجد مـع وادي تهامـه
وتشهد ديرة العارض كلامـي=عن الي مر في قاع الثمامـه
ويشهدلي نهر دجلـه والاردن=من بلاد الشريف لحـد شامـه
واذا جت للكرم ادخل علـى الله=تسر الضيف في سفحت يدامـه
ترحب من قبل عرف الطراقـي=مع حلو النبـا زود ابتسامـه
انا خاويت منهـم كـم واحـد=وهاض القلب ثم وثق كلامـه
عرفت عيـال بتـال العنانـي=ياجعل النار ماتلمس عظامـه
وشفت المرجله ربـي يقاهـم=من عيون الحسود ومن سهامه
يعل الـي حمـل فيهـم يخلـد=على الفردوس في يوم القيامه
يقوله شمري جـاب الحقايـق=على الجبلان قد وجه سلامـه

يالجنوبي دوك صدري وهات صدرك يالجنوبي=دارت الدنيا علينا وانكتم صدر الشمالــــــي
فاض صبري وانتهيت ومابقا الا اشق ثوبـــــي=مال حظي وانغبنت ومال واستعدل عقالي
آه يا دبل الكبود وآه ياغبني وحـــــوبــــي=وآه ياذاك الحبيب وآه ياطول الليالـــــي
وآه منك يالليالي وآه يادوبك ودوبــــــــي=وآه ياحر الخفوق وآه يالي مايبالــــي
وآخ لوني ماعشقت وآخ ما تغفر ذنوبـي=وآخ والا آه يعني تبترد اليوم غالـي
وين قيس وين عنتر في عذابي مادروبي=ويش حبك يا كثير ويش حبك يالهلالــي
اي نعم هذا انا هذا انا الي ماهقوبـــي=قالو ان قلبك حديد وللهوى لاما يبالــــــي
ما هقيت الحب بلوى غلطتي واكبر عيوبي=وما اقتنعت ان القناعه كنز مايعرف الزوالي
لين صابتني رماحك بالخفوق وطعنوبي=يا الغلا ياروح قلبي يالرصيد الي بقالــــي
يالطريق الي مشيته دون لا احسب دروبي=يالعسل يالذة الماء ياصفا نبع الزلالـــي
يابعد روح المعذب ياعنا قلب العزوبــي=ياقدوع الكيف ياكيف القدوع وكيف بالي
يالنفل ياريح عشبن جاء مع لفح الهبوبي=ياربيع(ن) ماظهر للناس من اول وتــــالي
ادري انك ذنب لاكن عن ذنوبك ما اتوبي=اي انعم بس انت وينك يا غلاي وزين فالي
لو يجيني الف حضنن غير حضنك ما اذوبي=يعلم الله غير شخصك كل شخصن ماطرالي
ياغلاي ارجع فديتك مابقا الا اشق ثوبي=ياهواي وراس مالي يالرصيد اللي بقالي
انكتم صدر الشمالي واتسع صدر الجنوبي=والعرب تضرب مثلها في سعة صدر الشمالي!!

قالت علامك يا فتى سارح عن الدنيا بعيد=هو هم ولا غم ولا انك معذب فالوله
قلت ايه همي صفقة في نيوز لندا والسويد=واربع مصانع في مصر كلن يبي اموله
وكمية ضاعت علي من المعادن الحديد=وحسابي الي بالبنوك ازريت كيف احوله
من كثر ماملك انا في كل ساعه يستزيد=البنك يبقى توسعه من مالي الي فوله
عمار ودي اهدمه ثم اعيده من جديد=وعمار مادري اتركه ولا كمان اطوله
ماغير ماسك مصحفي وقرا من العلم الحميد=خايف من عيون الملا وخايف من المتسوله
يابنت عقلي مستجن عندي من افكار ٍ عديد=مشروع في بالي ثبت بس الفكر متجوله
يابنت يعني وش الي خذا فكري بعيد=يعني برايج وش يكون الي بنا متهوله
جندي كويتي فالحرس خيط ٍ على متني وحيد=وجالس افكر عطلتي بقصى الشهر او باوله

وش يبعــــــــــد الهم ياللي ناشد(ن) عنه=عزالله انـــــــــي عجست انطقـــه بلساني
ياما تقهــــــويت من هيلــــــــه ومن بنه=لــــــــــــو قلت بس وقال اقدع وقهواني
ياجـــــــــر قلبي ليا من جــــــــرو الشنه=احس معلوق قلبي جــــــر الالحــــــــاني
الرجل قــــــــــــــد المواقــــف يوم ياتنه=مير الرفيق ان تنكـــــــر موقف(ن) ثاني
اللي هقى في رجال(ن) وخيبـــــوا ضنه=كنه بطعن بحد السيـــــــــــــــف شاماني
ابوي يطــــري كلامـــــــــــه ياملا الجنه=تمشــــــي نصيحتـــــه في دمي وشرياني
يقول حقــــــــــي عليـــك ان ضيقك تكنه=انت تحملــــــــه لو ماكنت غلطــــــــاني
كم واحد(ن)في نصاباك يبتســـــــــم سنه=ولا ابيه يشمت بضيقـــــــــك ايت انساني
الجـــــرح لابــــــد مالايــــــــــــام يبرنه=ولابد خيـــــط الجريمــــــــه يعلن الجاني
والحـــــــــــــرب انا لانويت اعلنه واشنه=مايعرف بنيتـــــــــــــي لو اقرب اخواني
والطيـــــــب ليا من فعلتــه مابهــــــا منه=درب نحــــدر معـــــــــه من دور جداني
واللي تردى يصير بنظرتـــــــــــــي كنه=ميت(ن)وهو حــــــي جعـــل الله مايبلاني
ولا رفيقــــي ليا منــــه جــــــــــر له ونه=كنه يحـــــرم علــــي نــــــــــوم الاعياني
الرجـــل قــــد الصعايـــب مايهـــــــــــدنه=والحمل يثنــــي له الركبـــــــــــــه بليهاني
قال المثــــــــل عيب(ن) عقب العزم كنه=وعيب(ن)على اللي يتخفــــى عقب ماباني
النــــــــــور يبقـــى ويدينـــــــــك مايخفنه=والطيـــب متعددن باشكــــــــــــال والواني
وحظيـــــــــــــــــظ من تم شرع الله والسنه=وماهو على مغريـــــــــات الوقت شفقاني
يالله لاتحــرم الطيــــب مــــــــــــــن الجنه=وفي ذلـــة النفــس ياربــــــــــي لا تبلاني

الحبيب الي غرامي صـار بيـن ضلوعـه=ليه وجّـه فـي يدينـه طعنتـن بضلوعـي
ماهقيـت انهـا تغيّـر نيتـه و طبـوعـه=اما انـا هـذي محاسـن نيتـي وطبوعـي
والله انـه مـن غلاتـه كلمتـه مسموعـه=لو تدخل في خصايص روحتي ورجوعـي
حتى انا عندي خبر في روحتـه ورجوعـه=من قبل تطفـي جميـع معلقـات شموعـي
ليـن حدتنـي فعولـه ديرتـن منـزوعـه=ماقدرت ادوج فيهـا واختـرب مشروعـي
لو نقول انه غشيم ومـا نصحـوهiربوعـه=الخطا ماهو خطاي انـي سمعـت ربوعـي
دام ماصـان الغـلا خلـه يـذوق اللوعـه=يكفي اني من عذابـه جـد شبعـت بلوعـي
يعنـي اتكـون العلاقـه بيننـا مقطـوعـه=من سببه ومن يلومن لـو مشيـت بطوعـي
لو عرف لعب العيال ولويعـرف هجوعـه=ليه انا ناقص ذراع......؟الا اعرف هجوعي
من غصبه انـه يسفّـح بالخطـا بطلوعـه=بس انا مانيب مثلـه والصحيـح طلوعـي
مو غـرور ولااظنـه منفتـحi موضوعـه=بس من حـد الخطايـا يبتـدي موضوعـي
والله انـه فعلتـه هـذي مهـي مشروعـه=كن دستوره مسـوى فـي يديـن شيوعـي
يالله انـك مـن سواتـه لاتكثـر نـوعـه=ويالله انك من سواتي انـك تكثّـر نوعـي
ذيـك حـزة ماعرفتـه ليلتـن مسبـوعـه=ليـت والله ماعرفتـه واكتنـزت قنـوعـي
اشهد ان حبه تكاثـر فـي حشـاي فروعـه=وانصدم لامن نظرت .....!الله ياكثر فروعي
الله اكبـر ياحبيبـن صورتـه مطبـوعـه=داخلي واقول عمـري هـذا هـو دلوعـي
والله انـي لـو تركتـك قيمتـك مرفوعـه=وش بسوي مو بديني جد حصدت زروعـي
لاتحـاول لاتحـاول ردّتــك ممنـوعـه=والغلا باقي مكانـه لـو فتشـتiضلوعـي

مابين حق النفس والدنيا وحق الوالدين=ومابين تجريح العباد وهرجها وسكاتها
ومابين رغبات اليسار ورغبه اصحاب اليمين=انا ضحيه عالم(ن) تمشي وراء مشهاتها
طيب واحب الطيب وامشي في سلوم الطيبين=لكن قلوب الناس تصدمك نياتها
الطيب فاقدله عرب والحق فاقدله عوين=والحسد اكبر ظاهره تشر علي راياتها
والحب نغمه مابها غير التوجد والحنين=كم سربتن عاشت وماتت مالقت غاياتها
العفن يلقى حاجته والخبل صار هو الذهين=والناس فزة للعفون ودوره مرضاتها
البارحه فكري يقلبني وراء ذاك البطين=وتطري علي سلمى وتطري علي جلساتها
الله مزينها وجاعلها متاع الناظرين=بنت الرجال اللي تهيب منخاتها
حنا تربينا على الهيبه مع العقل الرزين=مانحني الهامه مثل اللي حنة هاماتها
رجالنا لوهو ضعيف مايجنبك السمين=يومنها بعض العرب تبلشك في لجاتها
احد(ن) ذبحلك مصلحه ويضحك لك الحاجبين=وماتدري انه عقرب(ن) ماتنومن من غشاتها
واحد(ن) يذكيها ولايدري تراهـ انت منين=يمناهـ في درب المراجل تعجبك مداتها
وترا الحيا ساس المراجل ينفعك دنيا ودين=والمرجله لابد مانك تعرف اوقاتها
والفخفخه والطخطخه والكبر للقلب اللعين=والعقل هو سوق الرجال اللي علت قيماتها
وانا ليا قربت ثم طالعتني عين(ن) بعين=عرفت وشلون الاسود تهابها بسكاتها

صار الوطن غربه وصار السفر دار=لويـــــن مدري لكـــــــن لا أي ديره
من عاش وقته مايحسب للأشــــوار=يضيع مايدري توالـــــــــي مصيره
للنفـــس حــــد ولـــو تعـــــدته تنهار=ماعاد تفــــرق بين خيـــــرن وخيره
بعض العرب في جوفها علوم وأسرار=والله هـــــو اللــي عالم(ن) بالسريره
كم واحد(ن)يشرب قراطيع ألامرار=ولا كـــن صابه مثـــل حب الشعيره
وكم واحد(ن)لو صابه أدنات ماصار=خلــــى الصغيره فــــي عيونه كبيره
اذا معك دينـــار قــــــــــدرك بدينار=مع أحترامــــي للــــــوجيه السفيره
كب الدلال وصـــك بابك عن الجار=وغير مسمــــاتك وخـــــل العشيره
تلقى مـــع العالــــم معـــزه وتعبار=الطيب تال الوقت أصبــــــح معيره
ماعاد بها الوقت حشيمــــه وتعبار=لو انك أنت شيخ فخــــــذك وأميره
المال يغسل من مـــــــلا وجهه العار=والفقر ذل أهل السيــــــوف الشطيره
يحقر اللي ماعلـــــى ساســـــه غبار=ويعـــز من شان النفــــــوس الفقيره
الفقر قصر مــــــن طويلين الأعمار=والمال طول فالأعمـــــار القصيره
هذا الصحيـــح ولو تجيبون الأعــذار=عذر أنسحــــاب القوم عقب الكسيره
الميت له دعوهـ وللكســــــــــر جبار=والهــــــرج ماسر الجروح الخطيره
اللي مشى في عـــــــزة النفس مابار=واللي يذل النفس بايــــــــــع ضميره
قدامنـــا جنـــــه وقــدامنـــــــــــا نار=واللي بغينــــاه الهــــــدى والستــيره

اسمـــك يمــر على كــل بيت(ن) لحنته=حتــــــى على بحر يالاحــي وليحـــاني
أقول بس أنت وألا أقــــول بـــــس أنته=اللي سكن بقلبــــــي وعـــروق شرياني
حبك تمكـــن على الوجــــــدان وأدمنته=حسيبـــك الله يامسكــــــــــي وريحــاني
عرفــــــــت ان الغــــــلا جبــار وايقنته=خص ليا صـــار لك عنـــــدي غلا ثاني
حتى أسمــــي احلو ليـــا منـــــك تفطنته=ليا قلــت ياشمــــري والا ياقحطــــــاني
هـــاذي وهـــاذي ســــواء دامــك تمكنته=ليا قلتهـــــــن مانسيــــت فعـــول جداني
ودي أوصفك ميـــــــــر الوصف جننته=ماأقـــول ألا أنـــــت تامــــرني وتنهاني
يا أنعــــم من الورد ليا منـــــــي تحظنته=غلاك عندي غلا الـــــــدوحه لا ابن ثاني
وألا غـــلا الـــرجل لا واجــــــه مزبنته=يومنهـــم مابغـــوهـ القاصـــي والـــداني
ويا أحلــى مــن البيــت ليا منـي تهيجنته=وأطعم من الكيف ليا من صـرت وحداني
ويا أثقـــل من الســـر ليــا منـــــي تئمنته=وأخـــف مـــن كلمة أحبــــك على لساني
يعنـــي بقـــول الغــــــــلا بالقلــب دونته=وألا كـــذا أحــس يقــول أن أنت ديواني
لـيا قلــت بس أنــت وألا قلت بــــس أنته=أنت الـــذي وحيــــــد بعــــروق شرياني

النجـــــــــــــم لولا موقعه فوق مابان=وليا طـــــاح دك لك الجبال الرواسي
يعني أن بقى ماهان وان طاح ماهان=يعنـــي متعادل(ن) بالوزن والقياسي
أن كان يدينك قاصـــرهـ عندك لسان=ماجيت لجل تصير قاطـــــع وخاسي
واللي يقــول سايـــــس الوقت غلطان=على حســـــــاب النفس ماهو سياسي
ماقلت سيــئ لمـــن يجازيك بأحسان=منهـــــــو يدوس الراس راسه يداسي
ولا تعيـــش انســـان حيــــا الله أنسان =تصيـــر أنــــــــت والعذارى سواسي
أمــــــا عيش حصان وبموتي حصان =وألا حـــــرام أن عرب الساس ساسي

أقـــدر الطيـــب لـــو انــــه عــــــــدوي=والأ الــــــردي لوهو قريب(ن) خسارهـ
وأكــــرهـ طريــق(ن) خافي(ن) ومتلوي=وأهل العيـــــــــــارهـ تهتني بالعيـــــارهـ
أحد(ن) ليا مــــن طــاح يبقــــــــى مطوي=وأحد(ن) قبـــــــل طيحتــــه ماخذ قرارهـ
وأحد(ن)جزم بالطيـــــــب وأحد(ن) ينوي=وأحد(ن) يمين الطيــــب واحد(ن) يسارهـ
وأحد(ن)رواء بالطيـــــب وأحد(ن) يروي=وشخص(ن)يكن وشخص عندهـ جسـارهـ
وانا أدري أنـــي مابعـــــد شفـــــــت توي=لكن جمعــــت من البــــــدو والحضـــارهـ
من لا أنكـــــوى مــــــــن الزمان المكوي=ماهــــو مميــــز بــــرد وقتــــــــه ونارهـ
وأنا لربـــع الجـــــــود ابشب ضـــــــوي=وبحــط للقلـــب الفهيـــــم أعتبـــــــــــارهـ

الغنــــــــــوج اللي نوت للبعد والعشره نستها=مانويت أفراقهـــا والله مير الحــــــــــظ ناوي
الله واكبر يالحظــــوظ السود من يمي حدتها=لــــــــــو بقول اني قويت فراقها ماني بقاوي
كن صورتها بدون فـــــــلاش فالقلب طبعتها =الفلاش خدودها والوجه دون فلاش ضــاوي
المشاعــــر في يديها والاحاسيـــــــس ركبتها =كلها فتنـــه عســـــــى ربي يكافينــــا البلاوي
لازعلت ترفــع حواجبهـــــــــا وغزت برقبتها=بين هيبات الملــــــوك وبين نظــرات النداوي
النعومـــه والتـــرف والزين مـــــع زايد ثقتها =لو ضربنا كل ذولي في بعضهن وش يساوي
مايســاوي غير اف اللـــــــــــــه ياحلو ثمرتها =بياضها سكر نبات وثغـــرها تمر(ن) حساوي
والشعـــــــر لاطاحــــت القذله كذا ثـــم عدلتها=تربك الطاووس كيف تصير ربكــات الهواوي
ولاحكت كــــــن الســـوالف ذايبه في حنجرتها=ولا سكتت ماهو مسولف بعــدها راع الحكاوي
كرهتنـــــــــي فالحريــــم وحببتنــــي مرحبتها=وعيفتنـــــي فالســــواد وولعتنـــي فالسمـــاوي
جننتنــــــي وكــــــــم عقــــول(ن) قبلي جننتها=والعقـــــول اللي اجننها عجـــــز فيها المداوي
أأأأأأهـ ياليت الصـــــدف وعيـوننا ماصادفتها=كان ماذقت الفراق وصرت في حال الخلاوي
والله أنــــــي ماذخرت بكل حاجـــــات طلبتها=لو تبي هاذي قبل هاذي واصيــــر لها عماوي
حاتمي والعروق اللي اجـــــــــي منها عرفتها=بس يكفيها بيت خلاصه فجحــــــــان الفراوي
ماحسبنا للحسايب يومـــــــــه البعض حسبتها=نشرب الطيبـــــــه مثل شربه فناجيل القهاوي
الله اكبر يالحظــــــــوظ السود من يمي حدتها=والله اكـبــــــر وش يزيل الهم بالقلب الشقاوي
قصة(ن) بينــــي وبين القلب وحروفي روتها=مايوصفهـــــــا الكلام ويشيب الفيــــــن راوي

اي والله ديرتي دار الاخيار=غصبن على الحساد في كل ديره
ابوي ابو ناصر وانا ابنه البار=وانا سفيره واسمع سفيره
بثي كلامي ياوكالات الاخبار=للغرب تاصل قبل شبه الجزيره
ياللي حقرت الدار تجهل هل الدار=اللي جهلهم مهفي الله مصيره
قل للضعاف اللي يشوفونا صغار=ترا حنا نراهم كبر حب الشعيره
ماتضرب الا الشجره اللي بها ثمار=ويدن تطاولنا تراها قصيره
حنا ذراء للدار والظيف والجار=حنا الوجيه الطيبه والسفيره
نرسي كما يرسي على القاع سنجار=ونارد كما جمع المزون الغزيره
للخد ميسامن وللقلب مسمار=يخ ابرك ..ابرك .. عندنا يابعيره
انوخه غصبن بلاقيد وهجار=يرغي عقب ماكنت تسمع هديره
نعم كويتي وافتخر سر واجهار=ومن صد ماعنده على الدار غيره
شيخي صباح وسيدي ويش ماصار=هو رمزنا شيخ البلاد واميره
هذاك لو يزعل فدته الاعمار=تزعل معاه الاوله والاخيره
الشور شوره لو يبادل بالاشوار=وماخاب امرن ابو ناصر يديره
نعم كويتي وافتخر ويش ماصار=غصبن على الحساد في كل ديره

أبتدي بسـم الـذي حنـا عبيـده=رب طيبه والحرم خالـق عبـاده
وأستعيذه مـن مطبـات القصيـده=والبخل وخباث الانفـس والقـراده
اليالـي درس والدنـيـا عنـيـده=مايطوعها ياكـود أهـل العبـاده
علم الي مجتهـد حاجـه وحيـده=مو أكيد انه يبي يصيـب اجتهـاده
نختلف لاكن بـوه حاجـه أكيـده=يفرق الجاهل بمن جاب الشهـاده
والوليـده مايعـرف الا الولـيـده=وش يجمع هالبياض مع السـواده
العرب تصنيـف وأنـواع عديـده=مثل تصنيـف الامـاره والقيـاده
واحدن بالنفـع ماينفـع عضيـده=أو واحد يضفي على ربعه ضماده
أو واحدن حتى كلامـه مايجيـده=أو واحدن قوله على عرف وركاده
أو واحدن فوده اليا جابه من ايـده=أو واحدن لوغبت مايلحق مـراده
او واحدن جيـد ونظراتـه بعيـده=أو واحـدن قلبـه تعـود لربـاده
من يعرف القلب مايجهـل وريـده=ومن يعرف الزرع مايجهل حصاده
الرخامـه ماتجيـب الا النقـيـده=والشجاعه ماتجيـب الا السيـاده
قـال ان هـذال قولـن نستفيـده=الشجاعـه عـز والذلـه نـقـاده
غرنـي ناسـن مجاليـدن بليـده=ينشدون الطـب دكتـور العيـاده
مايعـدل بالحديـد الا الحـديـده=وما كلى جنب البعير الا القـراده
وما رجيت من الصفات الا الحميده=ومارجيت من الصبر غير السعاده
عزتي للي رحـل ماهـو فقيـده=لاتـرك علمـن وراه ولا عبـاده

لو يقصر اللساني فلا تقصر يدي=والي عقد روس الحبال يحلّهـا
مسلم واخاف الله الحرف ابجدي=وادروب روس النايفـات ادلّهـا
والفرق واضح بين مهْدي ومهّدي=الحرف واحد والغشيـم يعلّهـا
ياعل قلبي لاتهايقت الجدي=والنـاس تنظـر بالنقـوش بزّلهـا
يانجم خذني صاحبن لك يابعدي=والكلمـه الـي ماتبيهـا خلّهـا
انظرك دايم لاتضايقت وحدي=وادري بأنّك كلمتـي تفطـن لهـا
الحب نغمه ....؟ والا انا فيه اغدي=والا سيوف الهند محدن سلّها
مدري انا يانجم من وين ابتدي=ظاعت علومـي ماقـدرت اهّلهـا
حبيت اي والله يالحظ الردي=والحـب بلـوى والهـواوي شّلهـا
من وين والا وين يالبال الهدي=عيّيـت حتـى ديرتـي تاصّلهـا
جيتك وانا من اقصاي ماجيت اعدي= لحول نفسك ماتخلي غّلهـا
حبيت واشهد يالبساط الاحمـدي=والله بلتنـي يالله انـك تحّلهـا
خلّت وعدها اما انا هذا وعدي=يانجم تكفـا عـن كلامـي قّلهـا
اني فداها لو انا ماني فدي=وانهـا فبالـي لـو تناسـت خّلهـا
ومن صد ماجيته ولو كان ولـدي=علاقتـن تثقـل علـي افّلهـا
والحق مايزعلك يالعمر المدي=وان كان راحت لاتجي احسن لهـا
يانجم فاض العلم يانجم الجدي=كلمه مهي تعجبـك تكفـا خّلهـا
انا اجودي حتى انت يانجم اجودي=لو كان غيرك هرجتي بيملّهـا
ماينحني هالراس وانا بن عدي=والنفس ماخلقت عشـان اذلّهـا

مع السلامه مابقا لك معي شين=كود الغلا لاتاخذه لو تكرمت
كانك تبي بالدين خذها على الدين=وكانك تبيها بالعقل .....?ماتندمت
لاني عرفت ان ***ونا مساكين=ياما على حالي وحالك ترحمت
فكر وشوف دروب قلبك على وين=وشفيك طالع طقتك... ماتعلمت؟
والله صافطلك وشفت الطريقين=ماني عدوّك لو كذا ماتكلمت
يابوي ربي ماقسم بين الاثنين=وش حيلتي ياما وياما تعشمت
مبطي وانا من عام تسعه وتسعين=ايه اعترف عن شوف غيرك تلطمت
لا عاد لي قلبن ولاعاد لي عين=ايه اعترف والعام هذا تفهمت
حطيت نفسي بعدها بين قوسين=عرفت بأنه حلم لو ماتحلمت
نضحك على انفسنا واحبك وبعدين؟=لاعاد ترجع للورى ولاتقدمت
يابوي والله ***ونا مساكين=مع السلامه واتركن لو تكرمت

كنت أحسبك لي حبيتـك وعزيتـك=وأثرك لغيري وأنا أحسب لي متهيي
أنت الذي جيت في رجليك ماجيتـك=واليوم تبخل علي بالصوت وتعيـي
بس لايهمك علـى فرقـاي لبيتـك=وأبيك تسمع كلامـي يابعـد حيـي
لو مابه الا انـت والله ماترجيتـك=ولانته بلاقي حبيب يقـدرك زيـي
منت أول انسان كلمتك وخاويتـك=لكن درب الهوى ماصـار بيديـي
هذي توافيـق لـو انـي تمنيتـك=الميـت مايرجعنـه طبـي وكيـي
بس اعرف ان كان خليتن وخليتـك=يبقى جبل طي مع مر الزمن طيـي
باكر اليا جيتنـي لاتقـول ذليتـك=تبي تجيني ترجانـي وابـا عيـي

ان قـلــت مابيك....لاتـبـعـد iiوكلـمـنـي=والله مقـدر اعيـش العـمـر مــن دونــك
ان شفتنـي ظايـق ...ارخ الصـوت iiوافهمنـي=بس قـل ..حاضـر وحاولبـي علـى iiهونـك
بالعـقـل وقــت الـزعـل مالله iiملهـمـنـي=مجنـون خلقـه وكيـف ان صـرت مجنونـك
ان رحــت عـنـي بـقـول الله iiيرحمـنـي=والله انـي طيـب ومـت بسـبّـة iiاطعـونـك
ماتعـرف الـي يبـيـك ارجــوك iiعلمـنـي=والله والله يـمــوت لـخـاطـر iiاعـيـونـك
لاتقـول احبـك اذا بـه نــاس iiواحشمـنـي=اخــاف بلسانـهـم عـنــدي iiيـطّـرونـك
ان قـلـت كــذاب عـــزالله iiتظلـمـنـي=كلـه علـى شـان خوفـي الـنـاس iiيـذّونـك
وان كانـي اخطيـت جـعـل الله iiيعصمـنـي=بـس الوكـاد انـي لـو اخطيـت iiماخـونـك
يابلسـم الــروح بــس اشــوي بلسمـنـي=لامـن تبسمـت تكفـي ضحـكـت iiاسنـونـك
ارجـوك فـي مـيـزة التـجـوال iiعممـنـي=بضيـع بالحـب لامـن صــرت iiمفتـونـك
وان قلت مابيك .........اخذ اشوي......وازهمني=اقــول لبـيـه...والا اقول.......يـاعـونـك

كل (ن ) يبيـن مضـربة وألعن إبليــس=قلبـــي نـظــيف ولا دخل فيــه وســواس
رد الجمايــل عـادتاً لسناعيـــس=و الشمـــري طيـبـــه علـى الكــل نـبـراس
الكسب ما هو مليت الخرج والكيـس=الكــسب كــيف بطيبتــك تكــسب الناس
يــا لله جــنبنا القــلوب المنــاحيــس=ويقطع قصيد (ن) ما نطقته من إحساس
بعــض الشعر يشبه بنــور الفوانيـس=وبعــض الشــعر نوره مثــل نـــور الأكباس
البــارحة حــامت علي الـكــوابيـــس=مـا بيـــــــن عــــدوان وقـــرايب وحــــراس
للنــاس شبـك وللــمدافع متـاريــس=ومن عقب رأس غليس جاء رأس عباس
وحـــلوم وهـمـوم وعلــوم وهواجيس=والــعـــين عيا لا يجــي حولـــها نعـــــاس
وطرى علي شعر الغزل وامرؤ القيس=وحــكـــــمة بركـــات وصيـــــة أبو دبـــــاس
الـفــرق واضــح ما يبــلـه مقـاييــــس=مثــل الــذهب في سوق ترصيع الألماس
وفــرخ الحرار يصيـد صيـد القـرانيـــس=ولا كـــــل حر (ن) يعــــرف الصيـــد قـرناس
والمـعـركة ما بين كسب ومفـاليـــس=وعنتـــــر لا منــــه خســـــر يـــــوم لا باس
ودقـت طبــول المـعـركـة والنواقيــــس=وكل (ن ) لبس في يدينه الدرع والطاس
والفارس للي فاز فيها ابــن فطيــس=اللـــي مضارب شلفتــه ترفع الرأس
اقــــدر الطيــب وأعـــادي نواميــــــس=وعــــــند العـــرب شهــادة الحق نواماس

ياحاتم الطي ليه الناس ناسيتك=مدري ردا منك والا الناس تعبانه
القبر قبرك واظن البيت هو بيتك=ومن يجحد الحق لا صح الله إلسانه
ياحاتم الطي منهو جاحد(ن) صيتك=كيف السفينه تجاهل فعل ربانه
ياحاتم الطي شفني كم تمينيتك=محد(ن)بكثري تمنى شوف جدانه
ياحاتم الطي ياليتك وياليتك=تشوف منهو يصك إقفول بيبانه
لا شفت هذا وربي ماتناسيتك=منهو بمثلك ياجدي يذبح حصانه
لا ضاقت الارض ياجدي تعزويتك=شرواك منهو يكرم وجه ضيفانه
وشفيك ساكت عسى ماكون غثيتك=استغفر الله وتوب إليه سبحانه
كنت احسبك حي من هالون ناديتك=والحي ذكرك تحدا الطيب وازمانه
الطيب عندك ياجدي ماتهقويتك=الناس خانه وطيبك صار في خانه
وانا من احفادك الي حيل حبيتك=من نسل عدي(ن) ماهو من نسل سفانه
ياحاتم الطي شفني كم تمنيتك=محد بكثري تمنا شوف جدانه

حسبي الله ياهوى الغربي على ذعذاعك=جدد اجروحن قديمه كنت انا ناسيها
آه يامحلا هواك ولو تخف اطماعك=جيت تحرثني وانا الي علتي كاميها
من ربيع العام الاول ماعرفت اوجاعك=جيتني فاتح يديك وجبتلي طاريها
ليــــه؟تكفا! ياهوى الغربي ياشين اطباعك=ليه ماتدري عن الي هدّها يغليها
ايــــه مغليها وربي مانويت اخداعك=يوم راحت صارحتني والحزن معميها
قالت اطّيع الزمن لو الزمن ماطاعك=قلت وش فاد الزمن...؟ ..هالسالفه كبّيها
قالت انت اصبر حبيبي وانتبه!بسماعك=جمعتن تغضب الاهي والملا مابيها
ادري انك لو قدرت اتجيبها بذراعك=لاكن انك عارف اولها مع تاليها
والله اني عاذرتك ولاعني ما لاعك=وش نسوي والحظوظ السود وش حاديها
العقل والدين وسلومن مشت في قاعك=ياحبيبي بالامانه وشتبي...؟.....نمحيها
قلت لا وقالت اصلا هي ثلاث ارباعك=باعها كل الثلاثه والربع شاريها
الحصيل اهو الحصيل ولو حصد زراعك=والزروع الي ازرعوها كلنا نجنيها
المهم اني عشقتك لو قضى مرباعك=والطيوف الي تجيني الله محييها
ياحبيبي ودي امشي والعذر لوداعك=بس تكفا وص في نفسك وانا بوصيها
قمت اردد عزتيلي لو يغيب اشعاعك=واستدارت دون نظره واشرت بيديها
عزّتيلك يالجباري لو لبست اقناعك=دنيتك وش هو طعمها لو جفا غاليها
مركبك وين يغديبك لو فقدت اشراعك=بنشدك وشلون بالله ليلتك تمضيها
آه ياقلب الجباري وين هو فزاعك=وآه من جور الليالي لو قضى حاليها
حسبي الله ياهوى الغربي على ذعذاعك=جدد اجروحن قديمه كنت انا ناسيها