اخواني / السلام عليكم ورحمة الله وبركاته
أضع بين أيديكم هذه القصيدة آملاً منكم اعطائي آرائكم بكل جديه .
والله ولي التوفيق
ياصاحبي ما ينلام من همه غدا به
يصبح ويمسي ملازمه في كل حالي
من ساقه هواه لو يوم يامكثر اتعابه
هو العدو في صورة القريب الموالي
ياصاحبي ليلي وش اللي سرى به
بدره بلا نور ومن النجوم كنه خالي
هم بالحشى طارعني النوم باسبابه
والجسم عود كما العود منخور وبالي
القلب من كثر مابه غدا كالخرابه
يلم داخله من كل جرح واطي وعالي
يادلتي وياشبة الضو وانت ياربابه
هذا كلامي افهموه وتسمعوا لموالي
ياشينها شيناه يوم دقيت على بابه
وردني بالهجران وقال مالك ومالي
أصبحت صويب غدت به الاصابه
وصار الفكرمع ذكراه سارح ورحالي
ومهما صار للقلب ومهما طرى به
ومهما حل بي من هم ومهما جرا لي
اباقف للسهوم كما وقفة قوي الذيابه
وبربي استجير واستعين واطيب الفالي
آخر المواضيع
اقرأ يا ناقد 
