سـنـتـيـن

طفله ولا همني حبٍ ولا أدور للهوى أسباب=ولا شغل قلبي هموم ولا أسمع غير ضحكاتي
أعيش بدنيا فرحانه و فيني تونسوا الأصحاب=و اللي بينهم يحلف .. يحلف بس وحياتي
إلين أن الهوى في يوم ناداني و طق الباب=و ذابت نظره في نظره و ضيعته بمتاهاتي
جاني من شقا أيامه لقا كاس الحنان انساب=ولا لمسة حنان أشفت إلا خافي لمساتي
وعدني مهما كان و صار نبقا عالعهد أحباب=و أنا أوفيت و حبيته و وجوده من أنا و ذاتي
تقربنا و تمسكنا و مع هذا بقينا أغراب=إلا من الهوا اللي سار بكراته سار بكراتي
أشوفه في وجيه الناس لكن ويش جاب لجاب=و ليا جيت أبي أحكي تنادي باسمه شفاتي
يا ذوق يا طيب .. حنون و كل شي جذاب=رجوله من زمان العز بطفوله أعمق من طفولاتي
هيامي ما يوصفه حرف و عشقه يطوي كل كتاب=غرامٍ بعثر الدنيا و جمع ثورة شتاتي
تقرب بالوصل خطوه و بوجهه تسكرت الأبواب=و جا من جديد و قال أبي أبدي بطولاتي
مشاها سكة جراحه يبي يوصل قمر ما غاب=و كل خطوه أحسها دم يجدد خفق نبضاتي
طموح و غايته ثريا منها ممنوع الاقتراب=إلا لمن أجاد و جاد يرضي غرور نجماتي
ملكني بكل ما فيني و الطاعه بسلهمة الأهداب=و تشرح نظرته العجلى معاناته و معاناتي
أسوء أنواع الغرام لا صار دونه رقاب=و مصير الحب ببدايه تحطم كل قناعاتي
ذاك لامني لمحته راح عذاب و جا عذاب=آه يا جمر اللقا يذوب كل رغباتي
أهون علي أموت ولا أشوفه يلمح سراب=و يتحرى جيته و ما غير الألم آتي
صارت حياته كدر .. أوجاع و سهر و اكتئاب=عودٍ نحيل و تبغ و سكراتٍ تناجي سكراتي
أشم الهوا إذا منه و ماني لغير نسماتهم طلاب=و أنا اسمي هوا روحه .. و بروحه بسمه لشفاتي
لكن ضاعت الفرحه .. و صار اللي كنا منه نهاب=و جشع هالناس أغشاها عن آهاته و آهاتي
تغيب الشمس يا عالم إذا عنها بدرها غاب=و أنا بدري انخسف مكسوف و تاهت كل شروقاتي
دخيل الليل يا بدري .. يا نجمي الكاشف المرتاب=دخيل الصبح و ما من صبح ظهر فيها رواياتي
دخيل الجرح إذا منك .. تراي لمشرطك جلباب=حتى الجرح ما تجرح .. ياخي اكسرها فقراتي
أنا كلي فدا عينك .. لا تشك في ذا ولا ترتاب=لكن إلى هنا .. و .. حدي .. ما أبيك أكثر تحاتي
وش اللي عطيته لك و متى كنت أنا الوهاب=و متى مسحت لك دمعه .. متى فرحتك بجياتي
متى آخر لقانا كان .. في تشرين ولا آب=و امحق لقا بس نظره هذا إن تجرأت نظراتي
حبيبي ما تعب قلبك ؟ آآآآخ يا ثقل الجواب=دخيلك بس جاوبني أبي أرضي طموحاتي
تدري شدار في فكري ! أبي روحه بليا إياب=أبي لو مره تكرهني و تلعن يومي و ساعاتي
أبي قلبي يخونك يوم أبيك تصير بي لعاب=أبي هذا الفضا كله يعلنها انسحاباتي
أبي تنطق أنا رايح .. يالله سدي ذاك الباب=و لا تطرين أبد جيه و ردي كل حاجاتي
رديه قلبي المعذب ردي لي ريعان الشباب=ردي لي حياتي اللي .. بدونك ما اسميها حياتي
إيه هذا جرحي .. هذا اللي منه أنا منصاب=شبابك ما أبيه يضيع بأسراب شيباتي
أبيك تعيشها دنياك قبل يكفنك التراب=لأني مستحيل أوصلك بعيده حيل مسافاتي
سنتين تحلم و تتأمل حبيبي شوفه راسك شاب=و أنا ما أعايرك بالشيب يا بعد شيب عزواتي
و ما نيل المطالب بالتمني قالوها قبل أحقاب=و لكن شوفك و شفك غايتي و كل أمنياتي
عرفت ليه أبي أبعدك و أبي تنسى زمن الأحباب=و ليه أدعي لك أن الله يرسل لك مثلي و شرواتي