إيوالله متزوج . . وعايش إلى الحيـن
أحاول أمسـح مـن حياتـي حياتـك
الله رزقنـي فـي غيـابـك إبنتـيـن
كنـت أتمنـى لـو يكونـن بنـاتـك
تخيّلـي . . قرّبـت أكمّـل ثلاثـيـن
ولازلـت شايـل داخلـي ذكريـاتـك
طفله على حد العطـش لـو تمرّيـن
ينبت علـى جـال الضوامـي نباتـك
كنتي غنى .. بعيـون كـل المساكيـن
كنتي هنـا .. تبديـن سيـرة غلاتـك
من كل بنـات الحـي كنتـي تغاريـن
مو بس بنات الحي .. حتـى خواتـك
أجيـب فيـك العيـد ولا تجيبـيـن ؟
منهـو يسـوي فـي حياتـي سواتـك
مـرات نرسـم نهـر بيـن البساتيـن
ومرات نتسابـق وخيلـك > عصاتـك
ومرات نبّني قصور وبيوت من طيـن
والمغـرب إتهـدّ المبانـي حصاتـك
ومرات كأنك أم .. وِحنـا صغيريـن
والشرشـف الـوردي كأنـه عباتـك
كان الخطا .. إنّـا قـرااااب وبعيديـن
كان العطا .. ما يحوم حـول أمنياتـك
تدرين ليه يـدوم حـب المجانيـن ؟؟
مابه عقل يمكـر ويخـدش حلاتـك !
صرت أفتح الخفّاق بعدك بلا: ميـن ؟
ومن فات . . قلت : الود والشوق فاتك
مـا هزنـي بعـد الأمـل والعناويـن
ماهـزنـي إلا .. وفــاك وثبـاتـك
قلت وحياتك ؟ .. جاوبتني : إلى الحين
أحاول أمسـح مـن حياتـي حياتـك
واليوم ليـت أملـك بهالصـدر قلبيـن
قلبٍ يشيلك أنت . . وقلـب إلـبناتـك
للشاعر ( احمد عايد البلوي )
آخر المواضيع
مرات نبني قصور وبيوت من طين 
