غارات السنين

دامك تحب الخشوم وللكفوف تقبّل = لو تغبيها عن الأنظار ما تتغبا
قلتها لك كلمة ٍ ياصاحبي متخبّل = وإثرها صابت هدف بين الضلوع مخبا
غرت العين الورود اللي ورقها ذبّل = ميلت من حيث نسناس النسيم يهبا
عادة أشباه الرجال مزمر ٍ ومطبّل =علة ٍ يعجز يداويها حكيم الطبا
ينوي وكفه عن فعول الرجال مكبّل =يغري بحلو الكلام ولا زهم ما لبا
يا كفا الله شر غارات السنين الحبّل =تبت إيدين المفرط بالحياة وتبا
مايصدق من نقل شين الكلام ودبّل = سبك اللي بلغك كانه صدوق السبا
لا تعرّض رايح ٍ يم إتجاهه قبّل =ولا تمادى في التغافل والعزيز يحبا
والسحاب اللي تلاعج بارقه لا وبّل =يطفي لنار ٍلهبها بالعروق اشتبا
ومن بسط كفه بماله للرجال وسبّل =لا يمن إليا تقفاه الزمان الصعبا
كارثة لا ساد عقال الرجال مهبّل =ونعمة ٍ لا حزت من بين الأصايل قبا
والحكيم لكل راي ٍ يسمعه متقبّل =واللسان الهذر عن سر الضماير نبا

اشكر اختي صفوفوه
على هذا التوقيع الراائع