السلام عليكم
مساء الحب والشعــر
أحرار طي .. قصيدة حب و وفاء وليست قصيدة عنصريه أو عصبيه
نسبها أبناء القبائل لقبائلهم وتم تحريفها لذلك ولكن أبت إلا أن تكون بثوبها اللي ولدت فيه
قالوا أنها للأمير الشاعر طلال الرشيد ( رحمه الله وأسكنه فسيح جناته) وهذا والله غاية الفخر
أن تنسب قصيدة لي و من بنات أفكاري لشاعر وأمير كطلال الرشيد (عليه رحمة الله)
ولأنه لا يوجد منهو أحب من مدينتي وهذه المنتديات التي تحتضن أبناء عمومتي والذين هم رأس مالي ومكسبي
حبيت أن أضعها بين أيديكم وبشكل حصري
إليكم
أحــــــــرار طـــي
في غربتي عيني على مطلع الشمس = لـي لابـةٍ مـــــــثلـه عـلـوّه وضّـيــه
لا غبت عنهم ينحمس خاطري حمـس = وأرضى إذا جيت النفوس الرضيّـه
بعض الخلايق ذكرهم يجلب العـمس = وبـــعض الخلايـق ذكرهـم شاذليّـه
وأنـــــا هـلي بنٍ مـع أرناقـه الخمـس = مـــــن لامني لاصـرت كلـي حميّـه
لـــــي لابةٍ تاريخها يرفـض الطمـس = بكتب العجم لـــــو خانـت الأبـجديّـه
تِسمع بعال الصوت لو تنّطق همــس = صفحة فخر يصعب على الناس طيّه
أمجادها باليوم .. وأمجادها بأمـس = لـــــــها عـروقٍ عبـر الأزمـان حيّـه
ولي ديرةٍ يطرب لها الحكي والرمس = حـــايـل .. وحـــايـل تـحفـةٍ حــاتميّـه
حـــــايل لو إنه ينلمـس حبهـا لمـس = أبصـم وتظهـر بصمتـي حــــــايليّـه
أنا من اللي عزهم يشبـه الشمـس = أحــــرار طي .. وعزوتـي شمريـه
بن اليمن يفرقه عن غيره الحمـس = وحــــنا فرقنا الطيـب وسـط البريـه
والله مــالي عقب ما أطبـق الخمـس = إلا الـــــوفـاء للشـمـري والحمـيـه
آخر المواضيع
أحرار طي وعزوتي شمريه/فالح الناهي/ 
